image caption:

ਕਬੱਡੀ ਟੀਮ ਦੇ ਕੋਚ ਨੇ ਹਾਰ ਤੋਂ ਬਾਅਦ ਕੈਪਟਨ ਦੇ ਅਤਿ ਆਤਮਵਿਸ਼ਵਾਸ ਨੂੰ ਠਹਿਰਾਇਆ ਜ਼ਿੰਮੇਵਾਰ

ਭਾਰਤ ਦੇ 18ਵੇਂ ਏਸ਼ੀਅਨ ਖੇਡਾਂ ਦੀ ਕਬੱਡੀ ਮੁਕਾਬਲੇ ਦੇ ਸੋਨੇ ਦੇ ਤਗਮੇ ਦੀ ਦੋੜ ਤੋਂ ਬਾਹਰ ਹੋਣ ਦੇ ਬਾਅਦ ਇਸ ਖੇਡ ਦੇ ਸਾਬਕਾ ਖਿਡਾਰੀ ਵੀ ਨਿਰਾਸ਼ ਹਨ। ਜਾਣਕਾਰੀ ਮੁਤਾਬਿਕ ਭਾਰਤੀ ਟੀਮ ਸੈਮੀਫਾਇਨਲ ਵਿੱਚ ਈਰਾਨ ਤੋਂ ਹਾਰ ਗਈ ਹੈ।ਇਹ 1990 ਵਿੱਚ ਕਬੱਡੀ ਦੇ ਏਸ਼ੀਅਨ ਖੇਡਾਂ ਵਿੱਚ ਸ਼ਾਮਲ ਹੋਣ ਦੇ ਬਾਅਦ ਪਹਿਲਾ ਮੌਕਾ ਹੈ ਜਦੋਂ ਭਾਰਤੀ ਟੀਮ ਫਾਇਨਲ ਵਿੱਚ ਨਹੀਂ ਪਹੁੰਚ ਪਾਈ। ਦੋ ਵਾਰ ਏਸ਼ੀਅਨ ਖੇਡਾਂ ਵਿੱਚ ਸੋਨੇ ਦਾ ਤਗਮਾ ਜਿੱਤਣ ਵਾਲੇ ਅਤੇ ਪੂਰਵ ਕਪਤਾਨ ਅਨੂਪ ਕੁਮਾਰ ਨੇ ਕਿਹਾ ਕਿ ,ਮੈਂ ਇਸ ਗੱਲ ਤੋਂ ਬਹੁਤ ਦੁਖੀ ਹਾਂ।&rdquo

ਇਸ ਹਾਰ ਨੂੰ ਸਵੀਕਾਰ ਕਰਨ ਵਿੱਚ ਹਲੇ ਥੋੜ੍ਹਾ ਸਮਾਂ ਲੱਗੇਗਾ ਪਰ ਇਸ ਹਾਰ ਦੇ ਪ੍ਰਭਾਵ ਅੱਗੇ ਜਾ ਕੇ ਦੇਖਣ ਨੂੰ ਮਿਲਣਗੇ ਅਤੇ ਇਸਦਾ ਗਹਿਰਾ ਅਸਰ ਪਵੇਗਾ। ਅਨੂਪ ਨੇ ਕਿਹਾ ਕਿ ਕੈਪਟਨ ਅਜੇ ਠਾਕੁਰ ਦੀ ਸੱਟ ਭਾਰਤ ਨੂੰ ਮਹਿੰਗੀ ਪਈ ਹੈ। ਅਜੇ ਦੇ ਮੱਥੇ ਵਿੱਚ ਲੱਗ ਲੱਗ ਗਈ ਸੀ ਅਤੇ ਉਨ੍ਹਾਂ ਨੂੰ ਟਾਂਕੇ ਲਗਵਾਨੇ ਪਏ ਸਨ। ਉਨ੍ਹਾਂ ਨੇ ਕਿਹਾ ਕਿ, &lsquoਅਜੇ ਕੈਪਟਨ ਹੈ, ਜਦੋਂ ਤੁਹਾਡਾ ਕੈਪਟਨ ਜਿਆਦਾਤਰ ਸਮੇਂ ਤੱਕ ਬਾਹਰ ਰਹੇ ਤਾਂ ਤੁਹਾਡੀ ਲਈ ਗੜਬੜ ਪੈਦਾ ਹੋ ਸਕਦੀ ਹੈ ਅਤੇ ਇਹੀ ਹੋਇਆ।

ਉਹਨਾਂ ਕਿਹਾ ਕਿ ਸਾਡੇ ਖਿਡਾਰੀਆਂ ਨੇ ਚੰਗੀ ਸ਼ੁਰੂਆਤ ਕੀਤੀ ਪਰ ਇਸਦੇ ਬਾਅਦ ਉਨ੍ਹਾਂ ਨੇ ਢਿੱਲ ਵਰਤੀ ਜਿਸਨੂੰ ਵੇਖ ਕੇ ਮੈਨੂੰ ਹੈਰਾਨੀ ਹੋਈ।ਅਜੇ ਦੀ ਹਾਜ਼ਰੀ ਨਾ ਹੋਣ ਦੇ ਕਾਰਨ ਵੀ ਅੰਤਰ ਪੈਦਾ ਹੋਇਆ।ਈਰਾਨ ਦੇ ਸਿੱਖਰ ਦੇ ਖਿਡਾਰੀ ਪ੍ਰੋ ਕਬੱਡੀ ਲੀਗ ਵਿੱਚ ਖੇਡਦੇ ਹਨ ਅਤੇ ਇਸ ਤੋਂ ਅੰਤਰ ਪੈਦਾ ਹੋਇਆ। ਇਸ ਬਾਰੇ ਅਨੂਪ ਨੇ ਕਿਹਾ ਕਿ ਇਸ ਵਿੱਚ ਸ਼ੱਕ ਨਹੀਂ ਕਿ ਉਨ੍ਹਾਂ ਦੇ ਖੇਡ ਵਿੱਚ ਸੁਧਾਰ ਹੋਇਆ ਹੈ। ਸਾਨੂੰ ਹੁਣ ਆਪਣੀ ਖੇਡ ਹੋਰ ਬਿਹਤਰ ਕਰਨੀ ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਤੁਸੀ ਈਰਾਨੀ ਖਿਡਾਰੀਆਂ ਨੂੰ ਪੀਕੇਐਲ ਵਿੱਚ ਖੇਡਣ ਤੋਂ ਨਹੀਂ ਰੋਕ ਸਕਦੇ ਤੇ ਉਨ੍ਹਾਂ ਨੂੰ ਰੋਕਨਾ ਸਮਾਧਾਨ ਨਹੀਂ ਹੈ।

ਸਾਨੂੰ ਆਪਣੇ ਖੇਡ ਨੂੰ ਹੋਰ ਬਿਹਤਰ ਬਣਾਉਣਾ ਹੋਵੇਗਾ।ਜਦੋਂ ਕਿ ਭਾਰਤੀ ਕਬੱਡੀ ਕੋਚ ਰਾਮ ਮਿਹਰ ਸਿੰਘ ਨੇ ਏਸ਼ੀਆਈ ਖੇਡਾਂ ਵਿੱਚ ਟੀਮ ਦੇ ਸੋਨੇ ਦੇ ਤਗਮੇ ਦੀ ਦੋੜ ਤੋਂ ਬਾਹਰ ਹੋਣ ਨੂੰ &lsquoਬਹੁਤ ਵੱਡੀ ਹਾਰ&rsquo ਕਰਾਰ ਦਿੰਦੇ ਹੋਏ ਕੈਪਟਨ ਅਜੇ ਠਾਕੁਰ ਦੇ ਅਤਿ &zwjਆਤਮਵਿਸ਼ਵਾਸ ਲਈ ਆਲੋਚਨਾ ਕੀਤੀ ਹੈ। ਕੋਚ ਨੇ ਮੈਚ ਦੇ ਬਾਅਦ ਕਿਹਾ, &lsquoਅਸੀ ਕਪਤਾਨ ਦੇ ਅਤਿ &zwjਆਤਮਵਿਸ਼ਵਾਸ ਦੇ ਕਾਰਨ ਮੈਚ ਹਾਰੇ। ਸੱਟ ਅਤੇ ਸੁਪਰਟੈਕਲ ਨੇ ਵੀ ਆਪਣੀ ਭੂਮਿਕਾ ਨਿਭਾਈ। ਰਾਮ ਮਿਹਰ ਸਿੰਘ ਨੇ ਕਿਹਾ ਕਿ , &lsquoਇਹ ਬਹੁਤ ਵੱਡੀ ਹਾਰ ਹੈ ਅਤੇ ਸਾਨੂੰ ਇਸ ਨੂੰ ਸਵੀਕਾਰ ਕਰਨਾ ਹੋਵੇਗਾ। ਸਾਨੂੰ ਇਹ ਸਵੀਕਾਰ ਕਰਨਾ ਹੋਵੇਗਾ ਕਿ ਈਰਾਨ ਸਾਡੇ ਤੋਂ ਬਿਹਤਰ ਖੇਡਿਆ।