image caption:

ਅਮਰੀਕਾ 'ਚ ਕੁੱਤੇ ਨੇ ਮੁਲਜ਼ਮ ਦੀ 50 ਸਾਲ ਦੀ ਸਜ਼ਾ ਮੁਆਫ਼ ਕਰਵਾਈ

ਵਾਸ਼ਿੰਗਟਨ-  ਅਮਰੀਕਾ ਵਿਚ ਇੱਕ ਕੁੱਤੇ ਨੇ ਇਕ ਮੁਲਜ਼ਮ ਦੀ 50 ਸਾਲ ਦੀ ਸਜ਼ਾ ਮੁਆਫ਼ ਕਰਵਾ ਦਿੱਤੀ। ਜੋਸ਼ੁਆ ਹਾਰਨਰ ਨਾਂ ਦੇ ਇੱਕ ਪਲੰਬਰ 'ਤੇ ਇੱਕ ਨਾਬਾਲਗ ਦੇ ਨਾਲ ਜਿਸਮਾਨੀ ਸ਼ੋਸ਼ਣ ਦਾ ਦੋਸ਼ ਲੱਗਾ ਸੀ। ਘਟਨਾ ਪਿਛਲੇ ਸਾਲ ਅਪ੍ਰੈਲ ਦੀ ਹੈ। ਮਾਮਲਾ ਕੋਰਟ ਵਿਚ ਪੁੱਜਣ 'ਤੇ ਪਲੰਬਰ ਨੂੰ 50 ਸਾਲ ਦੀ ਸਜ਼ਾ ਸੁਣਾ ਦਿੱਤੀ ਗਈ।  ਕੋਰਟ ਵਿਚ ਦਲੀਲ ਦਿੱਤੀ ਗਈ ਸੀ ਕਿ ਮੁਲਜ਼ਮ ਨੇ ਨਾਬਾਲਗ ਨਾਲ ਜ਼ਬਰਦਸਤੀ ਕੀਤੀ।  ਪੁਲਿਸ ਵਿਚ ਸ਼ਿਕਾਇਤ ਕਰਨ 'ਤੇ ਉਸ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਵੀ ਦਿੱਤੀ।  ਇਸ ਦੌਰਾਨ ਮੁਲਜ਼ਮ ਨੇ ਲੜਕੀ ਦੇ ਕੁੱਤੇ ਨੂੰ ਗੋਲੀ ਮਾਰ ਦਿੱਤੀ ਸੀ। ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਕੋਰਟ ਨੇ ਇਹ ਦਲੀਲ ਮੰਨ ਲਈ ਅਤੇ ਜੋਸ਼ੁਆ ਜੇਲ੍ਹ ਭੇਜ ਦਿੱਤਾ।  ਲੇਕਿਨ ਜੋਸ਼ੁਆ ਸਜ਼ਾ ਨਾਲ ਸਹਿਮਤ ਨਹੀਂ ਸੀ। ਉਹ ਸੱਚ ਨੂੰ ਸਾਹਮਣੇ ਲਿਆਉਣਾ ਚਾਹੁੰਦਾ ਸੀ। ਇਸ ਲਈ ਉਸ ਨੇ ਇੱਕ ਏਜੰਸੀ ਦੀ ਮਦਦ ਲਈ। ਪੋਰਟਲੈਂਡ ਦੇ ਉਤਰ ਪੱਛਮੀ ਇਲਾਕੇ ਵਿਚ ਬਲੈਕ ਲੈਬਰਾਡੋਰ ਲੂਸੀ ਨੂੰ ਲੱਭ ਲਿਆ। ਜਦ ਕੋਰਟ ਵਿਚ ਇਸ ਕੁੱਤੇ ਨੂੰ ਪੇਸ਼ ਕੀਤਾ ਗਿਆ ਤਾਂ ਸਾਰੀ ਸੱਚਾਈ ਸਾਹਮਣੇ ਆ ਗਈ। ਕੋਰਟ ਵਿਚ ਸੁਣਵਾਈ ਤੋਂ ਬਾਅਦ ਜੋਸ਼ੁਆ ਨੂੰ ਜੇਲ੍ਹ ਤੋਂ ਰਿਹਾਅ ਕਰ ਦਿੱਤਾ ਗਿਆ।