“ਇੱਕ ਦਿਨ ਲਈ CBI-ED ਮੈਨੂੰ ਦੇ ਦਿਓ, ਅੱਧੀ BJP ਜੇਲ੍ਹ ‘ਚ ਹੋਵੇਗੀ” : ਕੇਜਰੀਵਾਲ
ਦਿੱਲੀ MCD ਚੋਣਾਂ ਨੂੰ ਲੈ ਕੇ ਸਿਆਸੀ ਪਾਰਾ ਸੱਤਵੇਂ ਆਸਮਾਨ &lsquoਤੇ ਹੈ। ਚੋਣਾਂ ਵਿੱਚ ਜਿੱਤ ਦੇ ਲਈ ਹਰ ਪਾਰਟੀ ਆਪਣੀ ਪੂਰੀ ਤਾਕਤ ਲਗਾ ਰਹੀਆਂ ਹਨ। MCD ਵਿੱਚ ਪਿਛਲੇ 15 ਸਾਲਾਂ ਤੋਂ ਭਾਜਪਾ ਸੱਤਾ ਵਿੱਚ ਹੈ ਤੇ ਇਸ ਵਾਰ ਵਾਪਸੀ ਦੇ ਲਈ ਜੱਦੋ-ਜਹਿਦ ਕਰ ਰਹੀਆਂ ਹਨ। ਭਾਜਪਾ ਨੂੰ ਆਮ ਆਦਮੀ ਪਾਰਟੀ ਤੋਂ ਸਖਤ ਚੁਣੌਤੀ ਮਿਲ ਰਹੀ ਹੈ .ਇਸ ਵਿਚਾਲੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਇੱਕ ਦਿਨ ਲਈ CBI-ED ਮੈਨੂੰ ਸੌਂਪ ਦਿੱਤੀ ਜਾਵੇ ਤਾਂ ਅੱਧੀ BJP ਜੇਲ੍ਹ ਵਿੱਚ ਹੋਵੇਗੀ।
ਇਸ ਤੋਂ ਇਲਾਵਾ ਕੇਜਰੀਵਾਲ ਨੇ ਭਾਜਪਾ &lsquoਤੇ ਭ੍ਰਿਸ਼ਟਾਚਾਰ ਕਰਨ ਦਾ ਵੱਡਾ ਇਲਜ਼ਾਮ ਲਗਾਇਆ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਪਿਛਲੇ 5 ਸਾਲਾਂ ਵਿੱਚ MCD ਨੂੰ 1 ਲੱਖ ਕਰੋੜ ਰੁਪਏ ਦਿੱਤੇ ਹਨ, ਪਰ ਇਹ ਲੋਕ ਸਾਰਾ ਪੈਸੇ ਖਾ ਗਏ। ਇਹ ਲੋਕ ਬਹੁਤ ਪੈਸਾ ਖਾਂਦੇ ਹਨ। ਜੇਕਰ ਲੋਕ ਥੋੜ੍ਹਾ ਕੰਮ ਵੀ ਕਰਦੇ ਤਾਂ ਕਰਮਚਾਰੀਆਂ ਨੂੰ ਤਨਖਾਹ ਮਿਲ ਜਾਂਦੀ।
ਸਤੇਂਦਰ ਜੈਨ ਨਾਲ ਜੁੜੇ ਸਵਾਲ &lsquoਤੇ ਕੇਜਰੀਵਾਲ ਨੇ ਕਿਹਾ ਕਿ ਇੱਕ ਦਿਨ ਦੇ ਲਈ CBI-ED ਮੈਨੂੰ ਸੌਂਪ ਦਿਓ, ਅੱਧੀ BJP ਜੇਲ੍ਹ ਵਿੱਚ ਹੋਵੇਗੀ। ਇਨ੍ਹਾਂ ਕੋਲ ਪੰਜ ਏਜੰਸੀਆਂ ਹਨ। ਸਾਡੇ &lsquoਤੇ ਇੰਨੇ ਕੇਸ ਕੀਤੇ, ਫਿਰ ਵੀ ਕੁਝ ਸਾਬਿਤ ਨਹੀਂ ਕਰ ਸਕੇ। ਇਹ ਲੋਕ ਸਤੇਂਦਰ ਜੈਨ ਅਤੇ ਮਨੀਸ਼ ਸਿਸੋਦੀਆ ਨੂੰ ਭ੍ਰਿਸ਼ਟਾਚਾਰੀ ਕਹਿੰਦੇ ਹਨ। ਉਹ ਕਹਿੰਦੇ ਹਨ ਕਿ ਮਨੀਸ਼ ਨੇ ਸ਼ਰਾਬ ਘੁਟਾਲਾ ਕੀਤਾ, 10 ਕਰੋੜ ਰੁਪਏ ਖਾ ਗਿਆ। ਇੰਨੀ ਛਾਪੇਮਾਰੀ ਕੀਤੀ ਕੁਝ ਨਹੀਂ ਮਿਲੇ, ਕਿੱਥੇ ਗਏ 10 ਕਰੋੜ।