image caption:

ਅਮਰੀਕਾ ’ਚ ਭਾਰਤੀ ਔਰਤ ਵੱਲੋਂ ਆਪਣੀ ਹੀ ਬੇਟੀ ਦਾ ਕਤਲ’

 ਅਮਰੀਕਾ ਵਿਚ ਇਕ ਸਿਰਫਿਰੀ ਭਾਰਤੀ ਔਰਤ ਨੇ ਆਪਣੀ ਹੀ ਬੇਟੀ ਦਾ ਕਥਿਤ ਤੌਰ &rsquoਤੇ ਕਤਲ ਕਰ ਦਿਤਾ ਅਤੇ ਦਾਅਵਾ ਕਰਨ ਲੱਗੀ ਕਿ ਚਾਰ ਸਾਲਾ ਆਰੀਆ ਦੀ ਮੌਤ ਡੁੱਬਣ ਕਾਰਨ ਹੋਈ। ਓਕਲਾਹੋਮਾ ਸੂਬੇ ਦੇ ਐਡਮੰਡ ਸ਼ਹਿਰ ਨਾਲ ਸਬੰਧਤ ਡਾ. ਨੇਹਾ ਗੁਪਤਾ ਆਪਣੀ ਬੇਟੀ ਨਾਲ ਛੁੱਟੀਆਂ ਮਨਾਉਣ ਫਲੋਰੀਡਾ ਗਈ ਜਿਥੇ ਕਿਰਾਏ &rsquoਤੇ ਲਏ ਮਕਾਨ ਦੇ ਪਿਛਲੇ ਹਿੱਸੇ ਵਿਚ ਬਣੇ ਸਵਿਮਿੰਗ ਪੂਲ ਵਿਚ ਆਰੀਆ ਦੇ ਡੁੱਬਣ ਦਾ ਮਾਮਲਾ ਸਾਹਮਣੇ ਆਇਆ ਪਰ ਪੁਲਿਸ ਦਾ ਕਹਿਣਾ ਹੈ ਕਿ ਬੱਚੀ ਦਾ ਕਤਲ ਕਰਨ ਤੋਂ ਬਾਅਦ ਉਸ ਦੀ ਲਾਸ਼ ਨੂੰ ਸਵਿਮਿੰਗ ਪੂਲ ਵਿਚ ਸੁੱਟਿਆ ਗਿਆ। ਪੁਲਿਸ ਨੇ 36 ਸਾਲ ਦੀ ਡਾ. ਨੇਹਾ ਗੁਪਤਾ ਨੂੰ ਗ੍ਰਿਫ਼ਤਾਰ ਕਰਦਿਆਂ ਪਹਿਲੇ ਦਰਜੇ ਦੀ ਹੱਤਿਆ ਦੇ ਦੋਸ਼ ਆਇਦ ਕਰ ਦਿਤੇ।

ਨੇਹਾ ਗੁਪਤਾ ਨੇ ਪੁਲਿਸ ਨੂੰ ਸੁਣਾਈ ਕਹਾਣੀ ਵਿਚ ਦੱਸਿਆ ਕਿ ਵੱਡੇ ਖੜਕੇ ਦੀ ਆਵਾਜ਼ ਸੁਣ ਕੇ ਉਹ ਉਠੀ ਤਾਂ ਆਰੀਆ ਕਮਰੇ ਵਿਚ ਮੌਜੂਦ ਨਹੀਂ ਸੀ। ਜਦੋਂ ਉਸ ਦੀ ਭਾਲ ਕੀਤੀ ਤਾਂ ਉਹ ਸਵਿਮਿੰਗ ਪੂਲ ਵਿਚ ਮਿਲੀ। ਆਰੀਆ ਨੂੰ ਹਸਪਤਾਲ ਲਿਜਾਇਆ ਗਿਆ ਪਰ ਉਸ ਦੀ ਮੌਤ ਹੋ ਚੁੱਕੀ ਸੀ। ਡਾਕਟਰੀ ਮੁਆਇਨੇ ਦੌਰਾਨ ਆਰੀਆ ਦੇ ਮੂੰਹ ਵਿਚ ਜ਼ਖਮ ਨਜ਼ਰ ਆਏ ਅਤੇ ਉਸ ਦੇ ਫੇਫੜਿਆਂ ਵਿਚ ਪਾਣੀ ਨਹੀਂ ਸੀ ਜਿਸ ਮਗਰੋਂ ਡਾ. ਨੇਹਾ ਗੁਪਤਾ ਦਾ ਦਾਅਵਾ ਝੂਠ ਸਾਬਤ ਹੋ ਗਿਆ ਕਿ ਆਰੀਆ ਦੀ ਮੌਤ ਡੁੱਬਣ ਕਾਰਨ ਹੋਈ। ਪੁਲਿਸ ਵੱਲੋਂ ਸੀ.ਸੀ.ਟੀ.ਵੀ. ਫੁਟੇਜ ਫਰੋਲੀ ਗਈ ਤਾਂ ਸਪੱਸ਼ਟ ਹੋ ਗਿਆ ਕਿ ਨੇਹਾ ਗੁਪਤਾ ਨੇ ਆਰੀਆ ਦੇ ਪਾਣੀ ਵਿਚ ਡੁੱਬਣ ਦਾ ਕਥਿਤ ਡਰਾਮਾ ਕੀਤਾ। ਫਿਲਹਾਲ ਨੇਹਾ ਗੁਪਤਾ ਨੂੰ ਓਕਲਾਹੋਮਾ ਕਾਊਂਟੀ ਡਿਟੈਨਸ਼ਨ ਸੈਂਟਰ ਵਿਚ ਰੱਖਿਆ ਗਿਆ ਹੈ ਅਤੇ ਜਲਦ ਹੀ ਮੁਕੱਦਮੇ ਦਾ ਸਾਹਮਣਾ ਕਰਨ ਲਈ ਫਲੋਰੀਡਾ ਭੇਜਿਆ ਜਾਵੇਗਾ। ਸਾਰੇ ਘਟਨਾਕ੍ਰਮ ਦੌਰਾਨ ਆਰੀਆ ਦੀ ਹੱਤਿਆ ਦੇ ਮਕਸਦ ਬਾਰੇ ਸਾਫ਼ ਤੌਰ &rsquoਤੇ ਕੋਈ ਤੱਥ ਸਾਹਮਣੇ ਨਹੀਂ ਆ ਸਕਿਆ। ਉਧਰ ਡਾ. ਨੇਹਾ ਗੁਪਤਾ ਦੇ ਵਕੀਲ ਰਿਚਰਡ ਕੂਪਰ ਨੇ ਕਿਹਾ ਕਿ ਪੁਲਿਸ ਖੁਦ ਬ ਖੁਦ ਹੀ ਨਤੀਜੇ &rsquoਤੇ ਪੁੱਜ ਗਈ ਜਿਸ ਦੇ ਸਿੱਟੇ ਵਜੋਂ ਆਪਣੀ ਬੇਟੀ ਨੂੰ ਗਵਾਉਣ ਵਾਲੀ ਮਾਂ ਜੇਲ ਵਿਚ ਬੈਠੀ ਹੈ। ਉਨ੍ਹਾਂ ਕਿਹਾ ਕਿ ਅਸਲੀਅਤ ਸਾਹਮਣੇ ਲਿਆਉਣ ਲਈ ਮਾਮਲੇ ਦੀ ਤਹਿ ਤੱਕ ਜਾਣਾ ਹੋਵੇਗਾ।