ਅਮਰੀਕਾ ‘ਚ ਟਾਰਗੇਟ ਕਿਲਿੰਗ: 2 ਬੱਚਿਆਂ ਸਮੇਤ ਪਤੀ-ਪਤਨੀ ਦੀ ਗੋਲੀਆਂ ਮਾਰ ਕੇ ਹੱਤਿਆ
ਅਮਰੀਕਾ ਵਿੱਚ ਦੋ ਬੱਚਿਆਂ ਸਮੇਤ ਇੱਕ ਜੋੜੇ ਦੀ ਗੋਲੀ ਮਾਰ ਕੇ ਮੌਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਹਮਲਾਵਰਾਂ ਨੇ ਪਰਿਵਾਰ ਦੇ ਤਿੰਨ ਕੁੱਤਿਆਂ ਨੂੰ ਵੀ ਮਾਰ ਦਿੱਤਾ। ਘਟਨਾ ਰੋਮੀਓਵਿਲ ਦੀ ਦੱਸੀ ਜਾ ਰਹੀ ਹੈ। ਜੋ ਸ਼ਿਕਾਗੋ, ਇਲੀਨੋਇਸ ਤੋਂ ਲਗਭਗ 35 ਮੀਲ (56.3 ਕਿਲੋਮੀਟਰ) ਦੱਖਣ-ਪੱਛਮ ਵਿੱਚ ਸਥਿਤ ਹੈ। ਇੱਥੇ ਪਤੀ-ਪਤਨੀ ਅਤੇ ਉਨ੍ਹਾਂ ਦੇ ਦੋ ਬੱਚਿਆਂ ਦਾ ਕਤਲ ਕਰ ਦਿੱਤਾ ਗਿਆ ਹੈ। ਪੁਲਿਸ ਨੇ ਕਿਹਾ ਹੈ ਕਿ ਇਹ ਟਾਰਗੇਟ ਕਿਲਿੰਗ ਹੈ। ਪਰਿਵਾਰਕ ਮੈਂਬਰਾਂ ਨੇ ਮਾਮਲੇ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਜਿਸ ਤੋਂ ਬਾਅਦ ਰੋਮੀਵਿਲ ਪੁਲਿਸ ਨੇ ਜੋੜੇ ਦੀਆਂ ਲਾਸ਼ਾਂ ਅਤੇ ਤਿੰਨ ਕੁੱਤਿਆਂ ਸਮੇਤ ਉਨ੍ਹਾਂ ਦੇ ਦੋ ਪੁੱਤਰਾਂ ਨੂੰ ਬਰਾਮਦ ਕਰ ਲਿਆ।
ਰਿਸ਼ਤੇਦਾਰ ਨੂੰ ਘਟਨਾ ਦਾ ਪਤਾ ਐਤਵਾਰ ਸ਼ਾਮ 8.45 ਵਜੇ ਲੱਗਾ ਜਦੋਂ ਪਤੀ-ਪਤਨੀ &lsquoਚੋਂ ਇਕ ਕੰਮ &lsquoਤੇ ਨਹੀਂ ਗਿਆ। ਜਿਸ ਤੋਂ ਬਾਅਦ ਰਿਸ਼ਤੇਦਾਰ ਕੌਨਕੋਰਡ ਐਵੇਨਿਊ ਸਥਿਤ ਰਿਹਾਇਸ਼ &lsquoਤੇ ਪਹੁੰਚੇ। ਜਦੋਂ ਉਹ ਮੌਕੇ &lsquoਤੇ ਪਹੁੰਚਿਆ ਤਾਂ ਘਰ &lsquoਚ ਖੂਨ ਖਿਲਰਿਆ ਪਿਆ ਸੀ। ਇੱਥੇ 38 ਸਾਲਾ ਅਲਬਰਟੋ ਰੋਲਨ ਅਤੇ 32 ਸਾਲਾ ਜੋਰੈਦਾ ਬਾਰਟੋਲੋਮੀ ਦੇ ਨਾਲ-ਨਾਲ ਉਨ੍ਹਾਂ ਦੇ 7 ਅਤੇ 9 ਸਾਲ ਦੇ ਪੁੱਤਰਾਂ ਦੀਆਂ ਲਾਸ਼ਾਂ ਮਿਲੀਆਂ ਹਨ। ਜਿਨ੍ਹਾਂ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ। ਇਸ ਦੇ ਨਾਲ ਹੀ ਤਿੰਨ ਕੁੱਤਿਆਂ ਦੀਆਂ ਲਾਸ਼ਾਂ ਮਿਲੀਆਂ, ਜਿਨ੍ਹਾਂ ਨੂੰ ਗੋਲੀਆਂ ਵੀ ਮਾਰੀਆਂ ਗਈਆਂ ਸਨ।
ਕਤਲ ਦੇ 16 ਤੋਂ 24 ਘੰਟੇ ਬਾਅਦ ਲਾਸ਼ਾਂ ਮਿਲੀਆਂ
ਰੋਮੀਓਵਿਲ ਪੁਲਿਸ ਵਿਭਾਗ ਦੇ ਡਿਪਟੀ ਚੀਫ਼ ਕ੍ਰਿਸ ਬਾਇਰਨ ਨੇ ਘਟਨਾ ਬਾਰੇ ਸਪੱਸ਼ਟ ਕੀਤਾ ਕਿ ਇਹ ਇੱਕ ਟਾਰਗੇਟ ਕਿਲਿੰਗ ਸੀ। ਪੁਲਿਸ ਨੂੰ ਮੌਕੇ ਤੋਂ ਕਾਫੀ ਸਬੂਤ ਮਿਲੇ ਹਨ। ਜਲਦ ਹੀ ਮਾਮਲਾ ਬੰਦ ਕਰ ਦਿੱਤਾ ਜਾਵੇਗਾ। ਪੁਲਿਸ ਨੇ ਖਦਸ਼ਾ ਜ਼ਾਹਰ ਕੀਤਾ ਹੈ ਕਿ ਇਹ ਕਤਲ ਸ਼ਨੀਵਾਰ ਰਾਤ 9 ਵਜੇ ਤੋਂ ਐਤਵਾਰ ਸਵੇਰੇ 5 ਵਜੇ ਦਰਮਿਆਨ ਕੀਤਾ ਗਿਆ ਹੋ ਸਕਦਾ ਹੈ। ਪਰ ਜਦੋਂ ਤੱਕ ਪੁਲਿਸ ਨੂੰ ਪਤਾ ਲੱਗਾ ਉਦੋਂ ਤੱਕ ਕਰੀਬ 16 ਤੋਂ 24 ਘੰਟੇ ਬੀਤ ਚੁੱਕੇ ਸਨ। ਹੈਰਾਨੀ ਦੀ ਗੱਲ ਹੈ ਕਿ ਗੁਆਂਢੀਆਂ ਨੂੰ ਵੀ ਗੋਲੀਆਂ ਚੱਲਣ ਦੀ ਕੋਈ ਆਵਾਜ਼ ਨਹੀਂ ਸੁਣੀ।