ਹੁਣ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਬੋਰਡ ਦੀਆਂ ਵੋਟ ਸੂਚੀਆਂ ਲਈ 10 ਮਾਰਚ ਤੱਕ ਆਪਣੇ ਇਤਰਾਜ਼ ਦਰਜ ਕਰਵਾਏ ਜਾ ਸਕਣਗੇ| ਜਦੋਂ ਕਿ ਵੋਟਰ ਸੂਚੀਆਂ ਦੀ ਅੰਤਿਮ ਪ੍ਰਕਾਸ਼ਨਾ 16 ਅਪ੍ਰੈਲ ਨੂੰ ਕੀਤੀ ਜਾਵੇਗੀ| ਵੋਟਰ ਸੂਚੀਆਂ ਡਿਪਟੀ ਕਮਿਸ਼ਨਰ, ਰਿਵਾਈਜ਼ਿੰਗ ਅਥਾਰਟੀ, ਰਿਟਰਨਿੰਗ ਅਫ਼ਸਰਾਂ, ਤਹਿਸੀਲ ਦਫ਼ਤਰਾਂ, ਪਟਵਾਰ ਸਰਕਲਾਂ ਅਤੇ ਸੂਚਿਤ ਗੁਰਦੁਆਰਿਆਂ ਵਿੱਚ ਉਪਲਬਧ ਹੋਣਗੀਆਂ| ਇਸ ਤੋਂ ਪਹਿਲਾਂ, ਸ਼੍ਰੋਮਣੀ ਅਕਾਲੀ ਦਲ ਨੇ ਗੁਰਦੁਆਰਾ ਚੋਣ ਕਮਿਸ਼ਨ ਨੂੰ ਇਤਰਾਜ਼ ਦਾਇਰ ਕਰਨ ਲਈ ਸਮਾਂ ਵਧਾਉਣ ਦੀ ਅਪੀਲ ਕੀਤੀ ਸੀ| ਸੱਚ ਇਹੀ ਹੈ ਕਿ ਸਰਕਾਰ ਨਕਲੀ ਵੋਟਾਂ ਬਣਾਕੇ ਸ੍ਰੋਮਣੀ ਕਮੇਟੀ ਉਪਰ ਇਪਣੇ ਪਿਛਲਗ ਸਿਖਾਂ ਰਾਹੀਂ ਕਾਬਜ਼ ਹੋਣਾ ਚਾਹੁੰਦੀ ਹੈ|

ਸ਼੍ਰੋਮਣੀ ਅਕਾਲੀ ਦਲ ਤੇ ਅਕਾਲੀ ਸੁਧਾਰ ਲਹਿਰ ਵਾਲਿਆਂ ਨੇ ਨਕਲੀ ਵੋਟਾਂ ਨੂੰ ਚੈਲਿੰਜ ਕਰਕੇ ਸ਼ਲਾਘਾਯੋਗ ਕਾਰਜ ਕੀਤਾ ਹੈ|ਅਕਾਲੀ ਦਲ ਨੇ ਗੁਰਦੁਆਰਾ ਚੋਣਾਂ ਤੋਂ ਪਹਿਲਾਂ ਵੋਟਰ ਸੂਚੀਆਂ ਸਬੰਧੀ ਚਾਰ ਮੁੱਦੇ ਉਠਾਏ ਸਨ| ਇਸ ਵਿੱਚ ਉਨ੍ਹਾਂ ਦਾ ਇਤਰਾਜ਼ ਇਹ ਸੀ ਕਿ ਪੰਜਾਬ ਵਿੱਚ ਕੋਈ ਵੀ ਵੋਟਰ ਅਜਿਹਾ ਨਹੀਂ ਹੈ ਜਿਸਦਾ ਆਪਣਾ ਘਰ ਨਾ ਹੋਵੇ| ਪਰ ਬਹੁਤ ਸਾਰੀਆਂ ਵੋਟਾਂ &lsquoਤੇ ਘਰ ਦੇ ਨੰਬਰ ਵੀ ਨਹੀਂ ਹੁੰਦੇ| ਇੱਕ ਤੋਂ ਸੌ ਤੱਕ ਦੇ ਅੰਕ ਗਾਇਬ ਹਨ, ਜੋ ਕਿ ਪੂਰੀ ਤਰ੍ਹਾਂ ਗਲਤ ਹੈ| ਵੋਟਾਂ ਸਿਰਫ਼ ਜ਼ੀਰੋ ਨੰਬਰ &lsquoਤੇ ਹੀ ਪਈਆਂ ਹਨ|

ਹਟਾਉਣ ਨੂੰ ਲੈ ਕੇ ਹੰਗਾਮਾ ਕਿਉਂ ਹੋਇਆ 

ਦੋ ਦਿਨ ਪਹਿਲਾਂ ਸਰਕਾਰੀ ਜ਼ਮੀਨ ਤੇ ਬਿਨਾਂ ਮਨਜ਼ੂਰੀ ਤੋਂ ਲਗਾਏ ਗਏ ਡਾ: ਭੀਮ ਰਾਓ ਅੰਬੇਡਕਰ ਦੇ ਬੁੱਤ ਨੂੰ ਹਟਾਉਣ ਨੂੰ ਲੈ ਕੇ ਬੀਤੇ ਦਿਨੀਂ ਭਾਰੀ ਹੰਗਾਮਾ ਹੋਇਆ | ਬੁੱਤ ਚੁੱਕਦੇ ਹੀ ਲੋਕ ਭੜਕ ਗਏ| ਪਥਰਾਅ ਅਤੇ ਗੋਲੀਬਾਰੀ ਕਰਕੇ ਪੁਲਿਸ ਨੂੰ ਭਜਾ ਦਿੱਤਾ ਗਿਆ| ਪੁਲਿਸ ਅਤੇ ਆਮ ਲੋਕਾਂ ਦੇ ਕਈ ਵਾਹਨਾਂ ਦੀ ਭੰਨਤੋੜ ਕੀਤੀ ਗਈ| ਛੇ ਗੱਡੀਆਂ ਸਾੜ ਦਿੱਤੀਆਂ| ਪੁਲਿਸ ਨੇ ਹੰਝੂ ਗੈਸ ਦੇ ਗੋਲੇ ਛੱਡੇ ਅਤੇ ਹਲਕੀ ਤਾਕਤ ਦੀ ਵਰਤੋਂ ਕਰਦਿਆਂ ਭੀੜ ਨੂੰ ਖਿੰਡਾਇਆ| ਪਥਰਾਅ ਵਿਚ ਛੇ ਪੁਲਿਸ ਮੁਲਾਜ਼ਮ ਜ਼ਖ਼ਮੀ ਹੋ ਗਏ ਹਨ| ਮੁਖੀ ਅਤੇ ਸਾਬਕਾ ਮੁਖੀ ਸਮੇਤ ਤਿੰਨ ਵਿਅਕਤੀਆਂ ਨੂੰ ਹਿਰਾਸਤ ਵਿਚ ਲਿਆ ਗਿਆ ਹੈ| 

ਦੋ ਦਿਨ ਪਹਿਲਾਂ ਪਿੰਡ ਇਬਰਾਹੀਮਪੁਰ (ਭੀਮਪੁਰ) ਵਿੱਚ ਬਘੇਲ ਬਰਾਦਰੀ ਦੇ ਲੋਕ ਪਿੰਡ ਦੀ ਸੁਸਾਇਟੀ ਦੀ ਜ਼ਮੀਨ ਤੇ ਮੰਦਰ ਬਣਵਾ ਰਹੇ ਸਨ| ਅਨੁਸੂਚਿਤ ਜਾਤੀ ਦੇ ਲੋਕਾਂ ਦੀ ਸ਼ਿਕਾਇਤ ਤੇ ਅਧਿਕਾਰੀਆਂ ਨੇ ਉਸਾਰੀ ਬੰਦ ਕਰਵਾ ਦਿੱਤੀ| ਐਤਵਾਰ ਰਾਤ ਨੂੰ ਅਨੁਸੂਚਿਤ ਜਾਤੀ ਦੇ ਲੋਕਾਂ ਨੇ ਇਕ ਹੋਰ ਖਾਲੀ ਥਾਂ ਤੇ ਡਾ: ਅੰਬੇਡਕਰ ਦਾ ਬੁੱਤ ਸਥਾਪਿਤ ਕਰ ਦਿੱਤਾ| ਬਘੇਲ ਭਾਈਚਾਰੇ ਦੇ ਲੋਕਾਂ ਨੇ ਇਸ ਦਾ ਵਿਰੋਧ ਕੀਤਾ| ਦੋਵਾਂ ਧਿਰਾਂ ਵਿੱਚ ਟਕਰਾਅ ਦੇ ਡਰ ਕਾਰਨ ਪੁਲੀਸ ਮੌਕੇ ਤੇ ਪੁੱਜ ਗਈ| ਸੋਮਵਾਰ ਨੂੰ ਵੀ ਦਿਨ ਭਰ ਦੀ ਗੱਲਬਾਤ ਤੋਂ ਬਾਅਦ ਅਨੁਸੂਚਿਤ ਜਾਤੀ ਦੇ ਲੋਕ ਮੂਰਤੀ ਦੇ ਕੋਲ ਹੀ ਬੈਠੇ ਰਹੇ| ਅਕਾਊਂਟੈਂਟ ਦੀਪਿਕਾ ਵਰਸ਼ਨੇ ਨੇ ਬਿਨਾਂ ਇਜਾਜ਼ਤ ਮੂਰਤੀ ਲਗਾਉਣ ਦਾ ਮਾਮਲਾ ਦਰਜ ਕਰਵਾਇਆ ਹੈ| ਸਾਬਕਾ ਮੁਖੀ ਛਤਰਪਾਲ, ਮੌਜੂਦਾ ਮੁਖੀ ਆਸ਼ਾ ਲੋਧੀ ਅਤੇ ਉਸ ਦੇ ਪਤੀ ਨਿਰਦੇਸ਼ ਲੋਧੀ ਨੂੰ ਹਿਰਾਸਤ ਚ ਲੈ ਲਿਆ ਗਿਆ| ਅਧਿਕਾਰੀਆਂ ਨੇ ਲੋਕਾਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਕੋਈ ਸਿੱਟਾ ਨਹੀਂ ਨਿਕਲਿਆ| ਪੁਲਸ ਨੇ  ਮੂਰਤੀ ਨੂੰ ਚੁੱਕ ਲਿਆ| ਇਸ ਤੋਂ ਨਾਰਾਜ਼ ਲੋਕ ਹਿੰਸਕ ਹੋ ਗਏ|

ਅਸਲ ਵਿਚ ਕਿਸੇ ਸਖਸ਼ੀਅਤ ਦੀਆਂ ਮੂਰਤੀਆਂ ਜਨਤਕ ਥਾਵਾਂ, ਚੌਕਾਂ ਵਿਚ ਨਹੀਂ ਲਗਣੀਆਂ ਚਾਹੀਦੀਆਂ| ਸੱਚ ਇਹ ਹੈ ਕਿ ਇਸ ਪਿਛੇ ਸਿਆਸਤ ਕੰਮ ਕਰ ਰਹੀ ਹੁੰਦੀ ਹੈ| ਅੰਮ੍ਰਿਤਸਰ ਵਿਚ ਅੰਬੇਡਕਰ ਦੇ ਬੁਤ ਲਗਵਾਉਣ ਦੀ ਕੋਈ ਤੁਕ ਨਹੀਂ ਬਣਦੀ ਸੀ, ਕਿਉਂਕਿ ਅੰਮ੍ਰਿਤਸਰ  ਸ਼ਬਦ ਗੁਰੂ ਦੀ ਪਰੰਪਰਾ ਦਾ ਸਥਾਨ ਹੈ| ਪਰ ਹੁਣ ਅੰਬੇਡਕਰ ਦੇ ਬੁਤ ਦੀ ਬੇਅਦਬੀ ਫਿਰਕੂ ਸਿਆਸਤ ਤਹਿਤ ਹੋਈ ਤਾਂ ਜੋ ਸਿਖਾਂ ਤੇ ਦਲਿਤਾਂ ਦਾ ਟਕਰਾਅ ਕਰਾਇਆ ਜਾ ਸਕੇ| ਭਾਜਪਾ ਆਗੂ  ਵਿਜੈ ਸਾਂਪਲਾ ਨੇ ਜਥੇਦਾਰ ਅਕਾਲ ਤਖਤ ਤੇ ਸ੍ਰੋਮਣੀ ਕਮੇਟੀ ਨੂੰ ਜਿੰਮੇਵਾਰ ਠਹਿਰਾ ਦਿਤਾ ਕਿ ਅੰਬੇਡਕਰ ਦਾ ਬੁਤ ਦਰਬਾਰ ਸਾਹਿਬ ਦੀ ਜਮੀਨ ਉਪਰ ਹੈ| ਜਦ ਕਿ ਇਹ ਬੁਤ ਦਰਬਾਰ ਸਾਹਿਬ ਤੋਂ ਇਕ ਕਿਲੋਮੀਟਰ ਦੂਰ ਸੀ|  ਸੋ ਇਹ ਭਗਵੇਂ ਆਗੂ ਪੰਜਾਬ ਵਿਚ ਭੜਕਾਊ ਬਿਆਨਾਂ ਤੋਂ ਬਾਜ ਨਹੀਂ ਆਉਂਦੇ| ਤਲਣ ਗੁਰਦੁਆਰੇ ਮਾਮਲੇ ਵਿਚ ਇਸ ਦੰਗੇਬਾਜ ਵਾਲੀ ਭੂਮਿਕਾ ਰਹੀ ਹੈ| ਇਹ ਨਕਾਰਿਆ ਆਗੂ ਆਪਣੀ ਸਿਆਸੀ ਜਮੀਨ ਫਿਰਕੂ ਬਿਆਨ ਦੇਕੇ ਤਲਾਸ਼ ਰਿਹਾ ਹੈ| ਪੰਜਾਬੀਆਂ ਨੂੰ ਸੁਚੇਤ ਰਹਿਣ ਦੀ ਲੋੜ ਹੈ|

-ਰਜਿੰਦਰ ਸਿੰਘ ਪੁਰੇਵਾਲ