ਭਾਰਤ ਦੇ ਹਮਲੇ 'ਚ ਚੋਟੀ ਦੇ ਅੱਤਵਾਦੀ ਮਾਰੇ ਗਏ, ਸੂਚੀ ਜਾਰੀ
ਭਾਰਤੀ ਫੌਜ ਦੀ ਨਿਸ਼ਾਨਾਬੱਧ ਕਾਰਵਾਈ 7 ਮਈ 2025 ਨੂੰ, ਭਾਰਤ ਨੇ 'ਆਪ੍ਰੇਸ਼ਨ ਸਿੰਦੂਰ' ਤਹਿਤ ਪਾਕਿਸਤਾਨ ਅਤੇ ਪਾਕਿਸਤਾਨ-ਸ਼ਾਸਿਤ ਕਸ਼ਮੀਰ (ਪੀਓਕੇ) ਵਿੱਚ ਅੱਤਵਾਦੀ ਢਾਂਚਿਆਂ 'ਤੇ ਨਿਸ਼ਾਨਾਬੱਧ ਹਮਲੇ ਕੀਤੇ। ਇਹ ਕਾਰਵਾਈ ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਜਵਾਬ ਵਿੱਚ ਕੀਤੀ ਗਈ, ਜਿਸ ਵਿੱਚ 26 ਨਿਰਦੋਸ਼ ਲੋਕ ਮਾਰੇ ਗਏ ਸਨ। ਭਾਰਤੀ ਹਮਲੇ 'ਚ ਲਸ਼ਕਰ-ਏ-ਤੋਇਬਾ (LeT) ਅਤੇ ਜੈਸ਼-ਏ-ਮੁਹੰਮਦ (JeM) ਦੇ ਕਈ ਚੋਟੀ ਦੇ ਅੱਤਵਾਦੀ ਮਾਰੇ ਗਏ। ਰੱਖਿਆ ਮੰਤਰਾਲੇ ਵੱਲੋਂ ਮਾਰੇ ਗਏ ਅੱਤਵਾਦੀਆਂ ਦੀ ਸੂਚੀ ਜਾਰੀ ਕੀਤੀ ਗਈ ਹੈ।
ਮਾਰੇ ਗਏ ਚੋਟੀ ਦੇ ਅੱਤਵਾਦੀਆਂ ਦੀ ਪਛਾਣ 1. ਮੁਦੱਸਰ ਖਾਦਿਆਨ ਖਾਸ ਉਰਫ ਅਬੂ ਜਿੰਦਲ (ਲਸ਼ਕਰ-ਏ-ਤੋਇਬਾ) ਲਸ਼ਕਰ-ਏ-ਤੋਇਬਾ ਦੇ ਮਰਕਜ਼ ਤਾਇਬਾ, ਮੁਰੀਦਕੇ ਦਾ ਮੁਖੀ। ਪਾਕਿਸਤਾਨੀ ਫੌਜ ਵੱਲੋਂ ਗਾਰਡ ਆਫ਼ ਆਨਰ, ਪੰਜਾਬ ਦੀ ਮੁੱਖ ਮੰਤਰੀ ਮਰੀਅਮ ਨਵਾਜ਼ ਅਤੇ ਫੌਜੀ ਮੁਖੀ ਵੱਲੋਂ ਸ਼ਰਧਾਂਜਲੀ। ਨਮਾਜ਼-ਏ-ਜਨਾਜ਼ਾ ਸਰਕਾਰੀ ਸਕੂਲ ਵਿੱਚ, ਜਮਾਤ-ਉਦ-ਦਾਵਾ ਦੇ ਹਾਫਿਜ਼ ਅਬਦੁਲ ਰਉਫ ਨੇ ਅਗਵਾਈ ਕੀਤੀ। 2. ਹਾਫਿਜ਼ ਮੁਹੰਮਦ ਜਮੀਲ (ਜੈਸ਼-ਏ-ਮੁਹੰਮਦ) ਮੌਲਾਨਾ ਮਸੂਦ ਅਜ਼ਹਰ ਦਾ ਜੀਜਾ। ਮਰਕਜ਼ ਸੁਭਾਨ ਅੱਲ੍ਹਾ ਬਹਾਵਲਪੁਰ ਦਾ ਇੰਚਾਰਜ। 3. ਮੁਹੰਮਦ ਯੂਸਫ਼ ਅਜ਼ਹਰ (ਜੈਸ਼-ਏ-ਮੁਹੰਮਦ) ਮਸੂਦ ਅਜ਼ਹਰ ਦਾ ਜੀਜਾ। ਜੈਸ਼ ਲਈ ਮੁੱਖ ਹਥਿਆਰ ਸਿਖਲਾਈ ਇੰਸਟ੍ਰਕਟਰ। IC-814 ਜਹਾਜ਼ ਅਗਵਾ ਮਾਮਲੇ ਵਿੱਚ ਲੋੜੀਂਦਾ, ਕਈ ਅੱਤਵਾਦੀ ਹਮਲਿਆਂ ਵਿੱਚ ਸ਼ਾਮਲ। 4. ਖਾਲਿਦ ਉਰਫ਼ ਅਬੂ ਅਕਾਸ਼ਾ (ਲਸ਼ਕਰ-ਏ-ਤੋਇਬਾ) ਜੰਮੂ-ਕਸ਼ਮੀਰ ਵਿੱਚ ਕਈ ਹਮਲਿਆਂ ਵਿੱਚ ਸ਼ਾਮਲ। ਅਫਗਾਨਿਸਤਾਨ ਤੋਂ ਹਥਿਆਰ ਤਸਕਰੀ ਵਿੱਚ ਲਿਪਤ। ਅੰਤਿਮ ਸੰਸਕਾਰ ਫੈਸਲਾਬਾਦ ਵਿੱਚ ਸੀਨੀਅਰ ਫੌਜੀ ਅਧਿਕਾਰੀਆਂ ਦੀ ਮੌਜੂਦਗੀ ਵਿੱਚ। 5. ਮੁਹੰਮਦ ਹਸਨ ਖਾਨ (ਜੈਸ਼-ਏ-ਮੁਹੰਮਦ) ਜੈਸ਼-ਏ-ਮੁਹੰਮਦ ਦੇ ਪੀਓਕੇ ਆਪਰੇਸ਼ਨਲ ਕਮਾਂਡਰ ਮੁਫਤੀ ਅਸਗਰ ਖਾਨ ਕਸ਼ਮੀਰੀ ਦਾ ਪੁੱਤਰ। ਜੰਮੂ-ਕਸ਼ਮੀਰ ਵਿੱਚ ਅੱਤਵਾਦੀ ਹਮਲਿਆਂ ਦੇ ਤਾਲਮੇਲ ਵਿੱਚ ਮੁੱਖ ਭੂਮਿਕਾ।