ਟਰੰਪ ਵੱਲੋਂ ਐਨ.ਆਰ.ਆਈਜ਼ ’ਤੇ ਮੋਟਾ ਟੈਕਸ ਲਾਉਣ ਦੀ ਤਿਆਰੀ
ਵਾਸ਼ਿੰਗਟਨ : ਅਮਰੀਕਾ ਤੋਂ ਪੰਜਾਬ ਰਕਮ ਭੇਜਣੀ ਹੁਣ ਸੌਖੀ ਨਹੀਂ ਰਹਿਣੀ ਅਤੇ ਪ੍ਰਵਾਸੀਆਂ ਨੂੰ ਮਨੀ ਐਕਸਚੇਂਜਰ ਦੀ ਫੀਸ ਤੋਂ ਇਲਾਵਾ 5 ਫ਼ੀ ਸਦੀ ਟੈਕਸ ਵੀ ਦੇਣਾ ਹੋਵੇਗਾ। ਜੀ ਹਾਂ, ਟਰੰਪ ਸਰਕਾਰ ਵੱਲੋਂ ਨਵਾਂ ਕਾਨੂੰਨ ਲਾਗੂ ਕੀਤਾ ਜਾ ਰਿਹਾ ਹੈ ਜਿਸ ਤਹਿਤ ਵਿਦੇਸ਼ਾਂ ਵਿਚ ਰਕਮ ਭੇਜਣ ਵਾਲੇ ਟੈਕਸ ਦੇ ਘੇਰੇ ਵਿਚ ਆਉਣਗੇ। ਨਵਾਂ ਟੈਕਸ ਲੱਖਾਂ ਐਨ.ਆਰ.ਆਈਜ਼ ਨੂੰ ਪ੍ਰਭਾਵਤ ਕਰੇਗਾ ਜੋ ਆਪਣੀ ਕਮਾਈ ਵਿਚੋਂ ਬੱਚਤ ਕੀਤੀ ਰਕਮ ਆਪਣੇ ਜੱਦੀ ਮੁਲਕ ਭੇਜਦੇ ਹਨ। ਟਰੰਪ ਸਰਕਾਰ ਦਾ ਦਾਅਵਾ ਹੈ ਕਿ ਹਰ ਸਾਲ ਅਰਬਾਂ ਡਾਲਰ ਵਿਦੇਸ਼ਾਂ ਵਿਚ ਜਾਂਦੇ ਹਨ ਅਤੇ ਟੈਕਸ ਲੱਗਣ ਨਾਲ ਸਰਕਾਰ ਦੀ ਕਮਾਈ ਵਿਚ ਵਾਧਾ ਹੋਵੇਗਾ। ਹਾਊਸ ਆਫ਼ ਰਿਪ੍ਰਜ਼ੈਂਟੇਟਿਵਜ਼ ਵਿਚ ਪੇਸ਼ ਬਿਲ ਮੁਤਾਬਕ ਯੂ.ਐਸ. ਸਿਟੀਜ਼ਨਜ਼ ਉਤੇ 5 ਫ਼ੀ ਸਦੀ ਟੈਕਸ ਲਾਗੂ ਨਹੀਂ ਹੋਵੇਗਾ ਪਰ ਗਰੀਨ ਕਾਰਡ ਹੋਲਡਰ ਅਤੇ ਵਰਕ ਪਰਮਿਟ ਵਾਲਿਆਂ ਨੂੰ ਇਕ ਲੱਖ ਰੁਪਏ ਭਾਰਤ ਭੇਜਣ ਲਈ ਪੰਜ ਹਜ਼ਾਰ ਰੁਪਏ ਦਾ ਖਰਚਾ ਬਰਦਾਸ਼ਤ ਕਰਨਾ ਹੋਵੇਗਾ।