ਏਅਰ ਇੰਡੀਆ ਹਵਾਈ ਯਾਤਰਾ ’ਤੇ ਡਰ ਦਾ ਪਰਛਾਵਾਂ
* ਬੁਕਿੰਗ &rsquoਚ 20% ਗਿਰਾਵਟ,ਉਡਾਣਾਂ &rsquoਚ ਕਟੌਤੀ ,ਏਅਰ ਇੰਡੀਆ ਦਾ ਵਜੂਦ ਸੰਕਟ ਵਿਚ
*ਸੰਯੁਕਤ ਰਾਸ਼ਟਰ ਦੀ ਪੇਸ਼ਕਸ਼ ਭਾਰਤ ਨੇ ਠੁਕਰਾਈ, ਸੁਤੰਤਰ ਜਾਂਚ ਕਰੇਗਾ
*ਬਲੈਕ ਬਾਕਸ ਦੀ ਜਾਂਚ ਵਿਚ ਪ੍ਰਗਤੀ: ਸ਼ੁਰੂਆਤੀ ਰਿਪੋਰਟ ਜੁਲਾਈ ਵਿਚ ਆਵੇਗੀ
12 ਜੂਨ 2025 ਨੂੰ ਅਹਿਮਦਾਬਾਦ ਵਿਚ ਹੋਏ ਏਅਰ ਇੰਡੀਆ ਦੇ ਬੋਇੰਗ 787-8 ਡ੍ਰੀਮਲਾਈਨਰ ਜਹਾਜ਼ ਹਾਦਸੇ ਨੇ ਨਾ ਸਿਰਫ਼ ਭਾਰਤੀ ਹਵਾਈ ਖੇਤਰ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ, ਸਗੋਂ ਵਿਸ਼ਵ ਪੱਧਰ &rsquoਤੇ ਵੀ ਇਸ ਦੇ ਡੂੰਘੇ ਪ੍ਰਭਾਵ ਦੇਖਣ ਨੂੰ ਮਿਲੇ ਹਨ। ਇਸ ਹਾਦਸੇ ਵਿਚ 260 ਲੋਕਾਂ ਦੀ ਮੌਤ ਨੇ ਸੁਰੱਖਿਆ ਨੂੰ ਲੈ ਕੇ ਸਵਾਲ ਖੜ੍ਹੇ ਕਰ ਦਿੱਤੇ ਅਤੇ ਲੋਕਾਂ ਦੇ ਮਨਾਂ ਵਿਚ ਡਰ ਪੈਦਾ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ, ਭਾਰਤ ਸਰਕਾਰ ਦੁਆਰਾ ਸੰਯੁਕਤ ਰਾਸ਼ਟਰ ਦੀ ਜਾਂਚ ਸਹਾਇਤਾ ਦੀ ਪੇਸ਼ਕਸ਼ ਨੂੰ ਠੁਕਰਾਉਣ ਨੇ ਵੀ ਅੰਤਰਰਾਸ਼ਟਰੀ ਪੱਧਰ &rsquoਤੇ ਚਰਚਾ ਛੇੜ ਦਿੱਤੀ ਹੈ।
. ਹਵਾਈ ਯਾਤਰਾ &rsquoਤੇ ਡਰ ਦਾ ਪਰਛਾਵਾਂ: ਬੁਕਿੰਗ &rsquoਚ 20% ਦੀ ਗਿਰਾਵਟ
ਅਹਿਮਦਾਬਾਦ ਹਾਦਸੇ ਦੇ ਦੋ ਹਫ਼ਤਿਆਂ ਬਾਅਦ ਵੀ ਭਾਰਤੀ ਹਵਾਈ ਯਾਤਰਾ &rsquoਤੇ ਇਸ ਦਾ ਅਸਰ ਸਾਫ਼ ਦਿਖਾਈ ਦੇ ਰਿਹਾ ਹੈ। ਇੰਡੀਅਨ ਐਸੋਸੀਏਸ਼ਨ ਆਫ਼ ਟੂਰ ਆਪਰੇਟਰਜ਼ ਦੀ ਰਿਪੋਰਟ ਮੁਤਾਬਕ, ਹਾਦਸੇ ਤੋਂ ਬਾਅਦ ਏਅਰ ਇੰਡੀਆ ਦੀਆਂ ਫ਼ਲਾਈਟਾਂ ਦੀ ਬੁਕਿੰਗ ਵਿਚ 15-20% ਦੀ ਕਮੀ ਆਈ ਹੈ, ਜਦਕਿ 30-40% ਪਹਿਲਾਂ ਤੋਂ ਬੁਕ ਕੀਤੇ ਟਿਕਟ ਵੀ ਰੱਦ ਕਰ ਦਿੱਤੇ ਗਏ ਹਨ। ਲੋਕਾਂ ਵਿਚ ਬੋਇੰਗ 787 ਸੀਰੀਜ਼ ਦੇ ਜਹਾਜ਼ਾਂ ਨੂੰ ਲੈ ਕੇ ਡਰ ਵਧ ਗਿਆ ਹੈ। ਇੰਡੀਅਨ ਐਸੋਸੀਏਸ਼ਨ ਦੇ ਪ੍ਰਧਾਨ ਰਵੀ ਗੋਸਾਈਂ ਨੇ ਕਿਹਾ ਕਿ ਯਾਤਰੀ ਹੁਣ ਜਹਾਜ਼ ਦੀ ਕਿਸਮ ਬਾਰੇ ਅਜੀਬ ਸਵਾਲ ਪੁੱਛ ਰਹੇ ਹਨ। ਪਹਿਲਾਂ ਇਸ ਗੱਲ ਦੀ ਕੋਈ ਪਰਵਾਹ ਨਹੀਂ ਸੀ, ਪਰ ਹੁਣ ਲੋਕ ਡ੍ਰੀਮਲਾਈਨਰ ਜਹਾਜ਼ਾਂ ਵਿਚ ਸਫ਼ਰ ਕਰਨ ਤੋਂ ਡਰ ਰਹੇ ਹਨ।&rdquo
ਮੁੰਬਈ ਦੀ ਟਰੈਵਲ ਏਜੰਸੀ ਜਯਾ ਟੂਰਜ਼ ਮੁਤਾਬਕ, ਲੋਕ ਏਅਰ ਇੰਡੀਆ ਦੀਆਂ ਫ਼ਲਾਈਟਾਂ ਤੋਂ ਬਚ ਰਹੇ ਹਨ ਅਤੇ ਦੂਜੀਆਂ ਏਅਰਲਾਈਨਜ਼ ਨੂੰ ਤਰਜੀਹ ਦੇ ਰਹੇ ਹਨ। ਲੰਡਨ ਵਿਚ ਰਹਿਣ ਵਾਲੀ 25 ਸਾਲਾ ਨਿਧੀ ਭਾਟੀਆ, ਜਿਸ ਨੇ ਹਾਦਸੇ ਤੋਂ ਇੱਕ ਦਿਨ ਪਹਿਲਾਂ ਏਅਰ ਇੰਡੀਆ ਦੇ ਬੋਇੰਗ 777 ਵਿਚ ਮੁੰਬਈ ਦਾ ਸਫ਼ਰ ਕੀਤਾ ਸੀ, ਨੇ ਕਿਹਾ, &ldquoਮੈਂ ਹੁਣ ਬੋਇੰਗ ਜਹਾਜ਼ਾਂ ਨੂੰ ਛੱਡ ਕੇ ਬੁਕਿੰਗ ਦੇ ਬਦਲ ਲੱਭ ਰਹੀ ਹਾਂ। ਮੈਂ ਬਹੁਤ ਡਰੀ ਹੋਈ ਹਾਂ ਅਤੇ ਦੁਬਾਰਾ ਫ਼ਲਾਈਟ ਵਿਚ ਨਹੀਂ ਜਾਣਾ ਚਾਹੁੰਦੀ।&rdquoਇਸ ਡਰ ਨੂੰ ਦੂਰ ਕਰਨ ਲਈ ਬੰਗਲੌਰ ਦੀ ਕੰਪਨੀ &lsquoਕਾਕਪਿਟ ਵਿਸਟਾ&rsquo ਵਰਗੀਆਂ ਸੰਸਥਾਵਾਂ ਹਵਾਈ ਯਾਤਰਾ ਦੇ ਡਰ ਨੂੰ ਘੱਟ ਕਰਨ ਲਈ ਥੈਰੇਪੀ ਸੈਸ਼ਨ ਸ਼ੁਰੂ ਕਰ ਰਹੀਆਂ ਹਨ। ਇਸ ਦੇ ਮਾਲਕ ਦਿਨੇਸ਼ ਕੇ. ਨੇ ਦੱਸਿਆ ਕਿ ਹਾਦਸੇ ਤੋਂ ਬਾਅਦ ਉਨ੍ਹਾਂ ਦੇ ਕੋਰਸ ਦੀ ਮੰਗ ਵਿਚ 10 ਗੁਣਾ ਵਾਧਾ ਹੋਇਆ ਹੈ। ਉਹ 42,000 ਰੁਪਏ ਦੇ ਸਿਮੂਲੇਟਰ ਕੋਰਸ ਰਾਹੀਂ ਯਾਤਰੀਆਂ ਨੂੰ ਜਹਾਜ਼ ਦੀਆਂ ਅਵਾਜ਼ਾਂ ਅਤੇ ਵਾਈਬ੍ਰੇਸ਼ਨਜ਼ ਨੂੰ ਸਮਝਣ ਵਿਚ ਮਦਦ ਕਰਦੇ ਹਨ, ਤਾਂ ਜੋ ਉਨ੍ਹਾਂ ਦਾ ਡਰ ਘੱਟ ਹੋ ਸਕੇ।
ਏਅਰ ਇੰਡੀਆ ਨੂੰ ਵੱਡਾ ਨੁਕਸਾਨ: ਉਡਾਣਾਂ ਵਿਚ ਕਟੌਤੀ, ਸਾਖ &rsquoਤੇ ਸੰਕਟ
ਏਅਰ ਇੰਡੀਆ ਨੂੰ ਇਸ ਹਾਦਸੇ ਕਾਰਨ ਵੱਡਾ ਝਟਕਾ ਲੱਗਾ ਹੈ। ਨਾਗਰਿਕ ਹਵਾਬਾਜ਼ੀ ਮਹਾਨਿਰਦੇਸ਼ਕ (ਡੀ.ਜੀ.ਸੀ.ਏ.) ਨੇ ਏਅਰ ਇੰਡੀਆ ਦੇ ਸਾਰੇ ਬੋਇੰਗ 787, 788 ਅਤੇ 789 ਜਹਾਜ਼ਾਂ ਦੀ ਸੁਰੱਖਿਆ ਜਾਂਚ ਦੇ ਹੁਕਮ ਦਿੱਤੇ ਸਨ। ਕੰਪਨੀ ਦੇ 33 ਜਹਾਜ਼ਾਂ ਵਿਚੋਂ 26 ਦੀ ਜਾਂਚ ਮੁਕੰਮਲ ਹੋ ਚੁੱਕੀ ਹੈ ਅਤੇ ਇਹ ਸਾਰੇ ਸਰਵਿਸ ਲਈ ਤਿਆਰ ਪਾਏ ਗਏ ਹਨ, ਪਰ ਬਾਕੀ ਜਹਾਜ਼ਾਂ ਦੀ ਜਾਂਚ ਅਜੇ ਜਾਰੀ ਹੈ। ਇਸ ਕਾਰਨ ਏਅਰ ਇੰਡੀਆ ਨੂੰ ਆਪਣੀਆਂ ਵੱਡੀਆਂ ਉਡਾਣਾਂ ਵਿਚ 15% ਦੀ ਕਟੌਤੀ ਕਰਨੀ ਪਈ, ਜੋ ਘੱਟੋ-ਘੱਟ 15 ਜੁਲਾਈ 2025 ਤੱਕ ਜਾਰੀ ਰਹੇਗੀ।ਇਸ ਦੇ ਨਾਲ ਹੀ, ਮੱਧ-ਪੂਰਬ ਵਿਚ ਚੱਲ ਰਹੇ ਸੰਘਰਸ਼ ਅਤੇ ਹੋਰ ਕਾਰਨਾਂ ਕਰਕੇ ਏਅਰ ਇੰਡੀਆ ਦੀਆਂ 83 ਅੰਤਰਰਾਸ਼ਟਰੀ ਉਡਾਣਾਂ 6 ਦਿਨਾਂ ਵਿਚ ਰੱਦ ਹੋਈਆਂ। ਇਸ ਤੋਂ ਇਲਾਵਾ, ਕਈ ਘਰੇਲੂ ਉਡਾਣਾਂ ਵਿਚ ਤਕਨੀਕੀ ਖ਼ਰਾਬੀਆਂ ਦੀਆਂ ਖ਼ਬਰਾਂ ਵੀ ਸਾਹਮਣੇ ਆਈਆਂ, ਜਿਨ੍ਹਾਂ ਕਾਰਨ ਕਈ ਵਾਰ ਯਾਤਰੀਆਂ ਨੂੰ ਜਹਾਜ਼ ਤੋਂ ਉਤਾਰਨਾ ਪਿਆ ਜਾਂ ਜਹਾਜ਼ ਨੂੰ ਵਾਪਸ ਮੋੜਨਾ ਪਿਆ। ਇਸ ਸਭ ਨੇ ਏਅਰ ਇੰਡੀਆ ਦੀ ਸਾਖ &rsquoਤੇ ਬੁਰਾ ਅਸਰ ਪਾਇਆ ਅਤੇ ਯਾਤਰੀਆਂ ਦਾ ਭਰੋਸਾ ਡੋਲ ਗਿਆ।ਬੋਇੰਗ ਕੰਪਨੀ ਦੀ ਸਾਖ ਵੀ ਸੰਕਟ ਵਿਚ ਹੈ, ਕਿਉਂਕਿ ਇਹ ਹਾਦਸਾ ਬੋਇੰਗ 787-8 ਡ੍ਰੀਮਲਾਈਨਰ ਨਾਲ ਹੋਇਆ। ਵਿਸ਼ਵ ਪੱਧਰ &rsquoਤੇ ਬੋਇੰਗ ਦੇ ਜਹਾਜ਼ਾਂ ਦੀ ਸੁਰੱਖਿਆ &rsquoਤੇ ਸਵਾਲ ਉੱਠ ਰਹੇ ਹਨ, ਜਿਸ ਨਾਲ ਏਅਰ ਇੰਡੀਆ ਅਤੇ ਬੋਇੰਗ ਦੋਵਾਂ ਨੂੰ ਵਿੱਤੀ ਅਤੇ ਸਾਖ ਨਾਲ ਜੁੜਿਆ ਨੁਕਸਾਨ ਹੋਇਆ।
ਸੰਯੁਕਤ ਰਾਸ਼ਟਰ ਦੀ ਪੇਸ਼ਕਸ਼ ਠੁਕਰਾਈ: ਭਾਰਤ ਦਾ ਸਖ਼ਤ ਰੁਖ
ਹਾਦਸੇ ਦੀ ਜਾਂਚ ਵਿਚ ਸੰਯੁਕਤ ਰਾਸ਼ਟਰ ਦੀ ਹਵਾਬਾਜ਼ੀ ਏਜੰਸੀ (ਆਈ.ਸੀ.ਏ.ਓ.) ਨੇ ਆਪਣੇ ਜਾਂਚਕਰਤਾ ਨੂੰ ਸ਼ਾਮਲ ਕਰਨ ਦੀ ਪੇਸ਼ਕਸ਼ ਕੀਤੀ ਸੀ, ਪਰ ਭਾਰਤ ਨੇ ਇਸ ਨੂੰ ਠੁਕਰਾ ਦਿੱਤਾ। ਰਾਇਟਰਜ਼ ਦੇ ਸੂਤਰਾਂ ਮੁਤਾਬਕ, ਭਾਰਤੀ ਅਧਿਕਾਰੀਆਂ ਨੇ ਆਈ.ਸੀ.ਏ.ਓ. ਦੇ ਜਾਂਚਕਰਤਾ ਨੂੰ ਨਿਰੀਖਕ ਦਾ ਦਰਜਾ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਫ਼ੈਸਲੇ ਦੀ ਕੁਝ ਸੁਰੱਖਿਆ ਮਾਹਿਰਾਂ ਨੇ ਆਲੋਚਨਾ ਕੀਤੀ, ਜਿਨ੍ਹਾਂ ਦਾ ਕਹਿਣਾ ਸੀ ਕਿ ਬਲੈਕ ਬਾਕਸ ਦੇ ਡੇਟਾ ਦੇ ਵਿਸ਼ਲੇਸ਼ਣ ਵਿਚ ਦੇਰੀ ਹੋ ਸਕਦੀ ਹੈ।ਭਾਰਤ ਦੇ ਸਿਵਲ ਹਵਾਬਾਜ਼ੀ ਮੰਤਰਾਲੇ ਨੇ ਸਪੱਸ਼ਟ ਕੀਤਾ ਕਿ ਜਾਂਚ ਭਾਰਤੀ ਏਅਰਕ੍ਰਾਫਟ ਐਕਸੀਡੈਂਟ ਇਨਵੈਸਟੀਗੇਸ਼ਨ ਬਿਊਰੋ (ਏ.ਏ.ਆਈ.ਬੀ.) ਦੀ ਅਗਵਾਈ ਵਿਚ ਹੋ ਰਹੀ ਹੈ ਅਤੇ ਸਾਰੇ ਅੰਤਰਰਾਸ਼ਟਰੀ ਪ੍ਰੋਟੋਕੋਲ ਦੀ ਪਾਲਣਾ ਕੀਤੀ ਜਾ ਰਹੀ ਹੈ। ਮੰਤਰਾਲੇ ਨੇ ਕਿਹਾ ਕਿ ਬਲੈਕ ਬਾਕਸ ਦਾ ਡੇਟਾ 24-25 ਜੂਨ ਨੂੰ ਸਫਲਤਾਪੂਰਵਕ ਡਾਊਨਲੋਡ ਕਰ ਲਿਆ ਗਿਆ ਹੈ ਅਤੇ ਇਸ ਦਾ ਵਿਸ਼ਲੇਸ਼ਣ ਜਾਰੀ ਹੈ। ਭਾਰਤ ਦਾ ਮੰਨਣਾ ਹੈ ਕਿ ਉਸ ਕੋਲ ਜਾਂਚ ਲਈ ਪੂਰੀ ਸਮਰੱਥਾ ਹੈ ਅਤੇ ਬਾਹਰੀ ਸਹਾਇਤਾ ਦੀ ਲੋੜ ਨਹੀਂ।ਇਸ ਫ਼ੈਸਲੇ ਨੂੰ ਕੁਝ ਮਾਹਿਰਾਂ ਨੇ ਰਾਸ਼ਟਰੀ ਸੁਰੱਖਿਆ ਅਤੇ ਸਵੈ-ਨਿਰਭਰਤਾ ਨਾਲ ਜੋੜਿਆ ਹੈ, ਜਦਕਿ ਕੁਝ ਨੇ ਇਸ ਨੂੰ ਪਾਰਦਰਸ਼ਤਾ &rsquoਤੇ ਸਵਾਲ ਮੰਨਿਆ। ਪਰ ਭਾਰਤ ਨੇ ਸਪੱਸ਼ਟ ਕਰ ਦਿੱਤਾ ਕਿ ਜਾਂਚ ਨੂੰ ਪੂਰੀ ਗੰਭੀਰਤਾ ਨਾਲ ਅਤੇ ਸੁਤੰਤਰ ਢੰਗ ਨਾਲ ਪੂਰਾ ਕੀਤਾ ਜਾਵੇਗਾ।
ਬਲੈਕ ਬਾਕਸ ਦੀ ਜਾਂਚ ਅਤੇ ਅੰਤਰਰਾਸ਼ਟਰੀ ਮੀਡੀਆ ਦਾ ਦ੍ਰਿਸ਼ਟੀਕੋਣ
ਬਲੈਕ ਬਾਕਸ, ਜਿਸ &rsquoਚ ਫ਼ਲਾਈਟ ਡੇਟਾ ਰਿਕਾਰਡਰ (ਐਫ.ਡੀ.ਆਰ.) ਅਤੇ ਕਾਕਪਿਟ ਵੌਇਸ ਰਿਕਾਰਡਰ (ਸੀ.ਵੀ.ਆਰ.) ਸ਼ਾਮਲ ਹਨ, ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ ਵਿਚ ਮੁੱਖ ਭੂਮਿਕਾ ਨਿਭਾਉਂਦਾ ਹੈ। 13 ਅਤੇ 16 ਜੂਨ ਨੂੰ ਮਿਲੇ ਬਲੈਕ ਬਾਕਸ ਦੇ ਮੈਮੋਰੀ ਮੋਡੀਊਲ ਨੂੰ 24-25 ਜੂਨ ਨੂੰ ਸਫਲਤਾਪੂਰਵਕ ਐਕਸੈਸ ਕਰ ਲਿਆ ਗਿਆ ਅਤੇ ਡੇਟਾ ਡਾਊਨਲੋਡ ਕਰ ਲਿਆ ਗਿਆ। ਸਿਵਲ ਹਵਾਬਾਜ਼ੀ ਮੰਤਰਾਲੇ ਮੁਤਾਬਕ, ਇਸ ਡੇਟਾ ਦਾ ਵਿਸ਼ਲੇਸ਼ਣ ਹਾਦਸੇ ਦੇ ਕਾਰਨਾਂ ਨੂੰ ਸਮਝਣ ਅਤੇ ਭਵਿੱਖ ਵਿਚ ਅਜਿਹੀਆਂ ਘਟਨਾਵਾਂ ਨੂੰ ਰੋਕਣ ਲਈ ਕੀਤਾ ਜਾ ਰਿਹਾ ਹੈ। ਸ਼ੁਰੂਆਤੀ ਰਿਪੋਰਟ ਦੀ ਉਮੀਦ 12 ਜੁਲਾਈ 2025 ਤੱਕ ਹੈ, ਕਿਉਂਕਿ ਅਜਿਹੀਆਂ ਜਾਂਚਾਂ &rsquoਚ ਆਮ ਤੌਰ &rsquoਤੇ 30 ਦਿਨ ਲੱਗਦੇ ਹਨ।ਅੰਤਰਰਾਸ਼ਟਰੀ ਮੀਡੀਆ ਨੇ ਇਸ ਹਾਦਸੇ ਨੂੰ ਵੱਡੇ ਪੱਧਰ &rsquoਤੇ ਕਵਰ ਕੀਤਾ। ਰਾਇਟਰਜ਼ ਨੇ ਭਾਰਤ ਦੇ ਸੰਯੁਕਤ ਰਾਸ਼ਟਰ ਦੀ ਪੇਸ਼ਕਸ਼ ਠੁਕਰਾਉਣ ਨੂੰ ਪਾਰਦਰਸ਼ਤਾ &rsquoਤੇ ਸਵਾਲ ਵਜੋਂ ਵੇਖਿਆ, ਜਦਕਿ ਟਾਈਮਜ਼ ਨਾਓ ਨੇ ਸਭ ਤੋਂ ਪਹਿਲਾਂ ਇਸ ਖ਼ਬਰ ਨੂੰ ਰਿਪੋਰਟ ਕੀਤਾ ਸੀ। ਬੀ.ਬੀ.ਸੀ. ਅਤੇ ਸੀ.ਐਨ.ਐਨ. ਵਰਗੇ ਅੰਤਰਰਾਸ਼ਟਰੀ ਮੀਡੀਆ ਹਾਊਸਿਜ਼ ਨੇ ਬੋਇੰਗ ਦੀ ਸੁਰੱਖਿਆ ਅਤੇ ਏਅਰ ਇੰਡੀਆ ਦੀ ਸਾਖ &rsquoਤੇ ਪਏ ਅਸਰ ਨੂੰ ਉਜਾਗਰ ਕੀਤਾ। ਕੁਝ ਮੀਡੀਆ ਰਿਪੋਰਟਾਂ ਨੇ ਇਸ ਨੂੰ ਭਾਰਤੀ ਹਵਾਬਾਜ਼ੀ ਸੁਰੱਖਿਆ ਪ੍ਰਣਾਲੀ &rsquoਤੇ ਸਵਾਲ ਵਜੋਂ ਵੀ ਵੇਖਿਆ। ਸਿਵਲ ਹਵਾਬਾਜ਼ੀ ਮੰਤਰਾਲੇ ਨੇ ਕਿਹਾ ਕਿ ਸਾਰੇ ਅੰਤਰਰਾਸ਼ਟਰੀ ਮਾਪਦੰਡਾਂ ਦੀ ਪਾਲਣਾ ਕੀਤੀ ਜਾ ਰਹੀ ਹੈ ਅਤੇ ਜਾਂਚ ਦੇ ਨਤੀਜੇ ਜਲਦੀ ਸਾਹਮਣੇ ਆਉਣਗੇ। ਇਸ ਦੇ ਨਾਲ ਹੀ, ਭਾਰਤ ਨੇ ਆਪਣੀ ਸੁਰੱਖਿਆ ਪ੍ਰਣਾਲੀ &rsquoਤੇ ਪੂਰਾ ਭਰੋਸਾ ਜਤਾਇਆ ਅਤੇ ਬਾਹਰੀ ਦਖ਼ਲ ਨੂੰ ਰੱਦ ਕਰ ਦਿੱਤਾ।
ਬਲੈਕ ਬਾਕਸ ਦੇ ਡੇਟਾ ਦਾ ਵਿਸ਼ਲੇਸ਼ਣ ਹਾਦਸੇ ਦੇ ਕਾਰਨਾਂ ਨੂੰ ਸਾਹਮਣੇ ਲਿਆਵੇਗਾ, ਜਿਸ ਦੀ ਸ਼ੁਰੂਆਤੀ ਰਿਪੋਰਟ ਜੁਲਾਈ 2025 &rsquoਚ ਆਉਣ ਦੀ ਉਮੀਦ ਹੈ। ਇਹ ਹਾਦਸਾ ਭਾਰਤੀ ਹਵਾਬਾਜ਼ੀ ਖੇਤਰ ਲਈ ਇੱਕ ਵੱਡੀ ਚੁਣੌਤੀ ਹੈ, ਜਿਸ ਨੂੰ ਸੁਰੱਖਿਆ ਅਤੇ ਭਰੋਸੇ ਨਾਲ ਜੋੜ ਕੇ ਹੱਲ ਕਰਨ ਦੀ ਲੋੜ ਹੈ।