‘ਮੈਨੂੰ ਤੁਹਾਡੀ ਫਿਲਮ ਪਸੰਦ ਨਹੀਂ ਆਈ…’, KBC ‘ਚ ਅਮਿਤਾਭ ਬੱਚਨ ਨੂੰ ਬੋਲੇ ਦਿਲਜੀਤ ਦੋਸਾਂਝ

ਕੇਬੀਸੀ-17 ਦਾ ਇੱਕ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ, ਜਿਸ ਵਿੱਚ ਪੰਜਾਬੀ ਸਿੰਗਰ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਅਮਿਤਾਭ ਬੱਚਨ ਨਾਲ ਮਜ਼ਾਕ ਕਰਦੇ ਹੋਏ ਦਿਖਾਈ ਦੇ ਰਿਹਾ ਹੈ। ਦਿਲਜੀਤ ਨੇ ਅਮਿਤਾਭ ਬੱਚਨ ਨੂੰ ਦੱਸਿਆ ਕਿ ਉਸ ਨੂੰ ਉਨ੍ਹਾਂ ਦੀ ਇੱਕ ਫਿਲਮ ਪਸੰਦ ਨਹੀਂ ਆਈ। ਹੌਟ ਸੀਟ &lsquoਤੇ ਬੈਠਾ ਦਿਲਜੀਤ ਨੇ ਅਮਿਤਾਭ ਬੱਚਨ ਨੂੰ ਕਹਿ ਰਿਹਾ ਹੈ ਕਿ ਜਦੋਂ ਤੁਹਾਡੀਆਂ ਫਿਲਮਾਂ ਆਉਂਦੀਆਂ ਸਨ ਤਾਂ ਮੈਂ ਬਹੁਤ ਖੁਸ਼ ਹੁੰਦਾ ਸੀ। ਤੁਹਾਡੀਆਂ ਫਿਲਮਾਂ ਵਿੱਚ ਐਕਸ਼ਨ ਹੁੰਦਾ ਸੀ, ਜੋ ਮੈਨੂੰ ਬਹੁਤ ਪਸੰਦ ਸੀ। ਮੈਂ ਤੁਹਾਡੀਆਂ ਫਿਲਮਾਂ ਦੀ ਉਡੀਕ ਕਰਦਾ ਸੀ। ਦੱਸ ਦੇਈਏ ਕਿ ਦਿਲਜੀਤ ਦੋਸਾਂਝ ਕੇਬੀਸੀ (ਕੌਨ ਬਨੇਗਾ ਕਰੋੜਪਤੀ) ਵਿੱਚ ਹਿੱਸਾ ਲੈ ਰਿਹਾ ਹੈ। ਇਹ ਐਪੀਸੋਡ 31 ਅਕਤੂਬਰ ਨੂੰ ਰਾਤ 9 ਵਜੇ ਪ੍ਰਸਾਰਿਤ ਹੋਵੇਗਾ। ਚੈਨਲ ਨੇ ਐਪੀਸੋਡ ਦਾ ਟੀਜ਼ਰ ਜਾਰੀ ਕੀਤਾ ਹੈ।

ਦਿਲਜੀਤ ਦੋਸਾਂਝ ਨੇ ਅਮਿਤਾਭ ਬੱਚਨ ਨੂੰ ਕਿਹਾ ਕਿ ਮੈਨੂੰ ਤੁਹਾਡੀ ਇੱਕ ਫਿਲਮ ਪਸੰਦ ਨਹੀਂ ਆਈ। ਅਮਿਤਾਭ ਬੱਚਨ ਨੇ ਪੁੱਛਿਆ ਕਿ ਕਿਹੜੀ ਫਿਲਮ ਹੈ। ਦਿਲਜੀਤ ਨੇ ਜਵਾਬ ਦਿੱਤਾ, &ldquoਸੌਦਾਗਰ।&rdquo ਅਮਿਤਾਭ ਪੁੱਛਦੇ ਹਨ ਕਿ ਉਸ ਨੂੰ ਇਹ ਕਿਉਂ ਪਸੰਦ ਨਹੀਂ ਆਈ, ਜਿਸ &lsquoਤੇ ਦਿਲਜੀਤ ਜਵਾਬ ਦਿੰਦਾ ਹੈ, &ldquoਸਾਨੂੰ ਪਤਾ ਲੱਗਾ ਤੁਹਾਡੀ ਫਿਲਮ ਸੌਦਾਗਰ ਆ ਰਹੀ ਹੈ। ਅਸੀਂ ਸੋਚਿਆ ਸੀ ਕਿ ਇਸ ਵਿਚ ਤੁਸੀਂ ਮਾਰ-ਧਾੜ ਕਰਦੇ ਨਜਰ ਆਓਗੇ। ਪਰ ਤੁਸੀਂ ਗੁੜ ਵੇਚਦੇ ਰਹੇ। ਇਸ &lsquoਤੇ ਅਮਿਤਾਭ ਬੱਚਨ ਤੇ ਦਿਲਜੀਤ ਠਹਾਕੇ ਲਾਉਂਦੇ ਨਜਰ ਆਉਂਦੇ ਹਨ।