ਗਾਇਕ ‘ਹਸਨ ਮਾਣਕ’ ‘ਤੇ ਮਹਿਲਾ ਨੂੰ ਵਿਆਹ ਦਾ ਝਾਂਸਾ ਦੇ ਕੇ ਜ਼ਬਰ-ਜਨਾਹ ਕਰਨ ਦੇ ਲੱਗੇ ਦੋਸ਼

ਗਾਇਕ ਹਸਨ ਮਾਣਕ ਦੀਆਂ ਮੁਸ਼ਕਲਾਂ ਰੁਕਣ ਦਾ ਨਾਂ ਨਹੀਂ ਲੈ ਰਹੀਆਂ ਹਨ। ਉਹ 13 ਨਵੰਬਰ ਤੋਂ ਜੇਲ੍ਹ ਵਿਚ ਬੰਦ ਹਨ। ਉਸ &lsquoਤੇ ਇਕ ਮਹਿਲਾ ਨੂੰ ਵਿਆਹ ਦਾ ਝਾਂਸਾ ਦੇ ਕੇ ਧੋਖਾਧੜੀ ਦੇ ਇਲਜ਼ਾਮ ਲੱਗੇ ਸਨ। ਦਰਅਸਲ ਹੁਣ ਹਸਨ ਮਾਣਕ ਦੇ ਕੇਸ ਵਿਚ ਫਗਵਾੜਾ ਪੁਲਿਸ ਵੱਲੋਂ ਇਕ ਹੋਰ ਧਾਰਾ ਜੋੜੀ ਗਈ ਹੈ। ਉਨ੍ਹਾਂ ਦੇ ਕੇਸ ਨਾਲ ਬੀਐੱਸ 69 ਦੀ ਧਾਰਾ ਲਗਾ ਦਿੱਤੀ ਗਈ ਹੈ ਯਾਨੀ ਉਸ &lsquoਤੇ ਹੁਣ ਮਹਿਲਾ ਨਾਲ ਜਬਰ ਜਨਾਹ ਦੇ ਵੀ ਦੋਸ਼ ਲੱਗੇ ਹਨ।

ਹਸਨ ਮਾਣਕ ਇਕ ਚਰਚਿਤ ਗਾਇਕ ਹਨ। ਉਨ੍ਹਾਂ ਦੇ ਸ਼ੋਅਜ਼ ਲੱਗਦੇ ਰਹਿੰਦੇ ਹਨ। ਉਹ ਵਿਦੇਸ਼ਾਂ ਵਿਚ ਵੀ ਜਾ ਕੇ ਸ਼ੋਅ ਕਰਦੇ ਹਨ ਤੇ ਹੁਣ ਖਬਰ ਹੈ ਕਿ ਹਸਨ ਮਾਣਕ ਨੇ ਵਿਦੇਸ਼ ਵਿਚ ਰਹਿੰਦੀ ਇਕ ਮਹਿਲਾ ਜਸਪ੍ਰੀਤ ਕੌਰ ਜੋ ਕਿ ਇੰਗਲੈਂਡ ਵਾਸੀ ਹੈ ਤੇ ਉਸ ਦਾ ਚੰਗਾ ਕਾਰੋਬਾਰ ਹੈ। ਗਾਇਕ ਹਸਨ ਮਾਣਕ &lsquoਤੇ ਉਸ ਨੂੰ ਗੱਲਾਂ ਵਿਚ ਲਾ ਕੇ ਵਿਆਹ ਦਾ ਝਾਂਸਾ ਦੇਣ ਤੇ ਉਸ ਨਾਲ ਜਬਰ ਜਨਾਹ ਕਰਨ ਦੇ ਦੋਸ਼ ਲੱਗੇ ਹਨ। ਬੰਗਾ ਵਿਚ ਜਸਪ੍ਰੀਤ ਕੌਰ ਨਾਲ ਹਸਨ ਮਾਣਕ ਦੇ ਹੋ ਰਹੇ ਵਿਆਹ ਦੌਰਾਨ ਉਸ ਦੀ ਪਹਿਲੀ ਘਰਵਾਲੀ ਜਿਸ ਨਾਲ ਉਸ ਦਾ ਕੇਸ ਚੱਲ ਰਿਹਾ ਹੈ, ਆਉਂਦੀ ਹੈ ਤੇ ਗੱਲ ਵਧਣ &lsquoਤੇ ਸਾਰਿਆਂ ਨੂੰ ਥਾਣੇ ਸੱਦਿਆ ਜਾਂਦਾ ਹੈ।