image caption:

ਇਟਲੀ ਦਾ ਚੀਨ ਨਾਲੋਂ ਵੀ ਮਾੜਾ ਹਾਲ, ਬਣਿਆ ਕੋਰੋਨਾ ਦਾ ਨਵਾਂ ਵਿਸ਼ਵਵਿਆਪੀ ਕੇਂਦਰ, ਮੌਤ ਦਾ ਅੰਕੜਾ 4000 ਨੂੰ ਕੀਤਾ ਪਾਰ

ਨਵੀਂ ਦਿੱਲੀ: ਇਟਲੀ ਸਰਕਾਰ ਦੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ 20 ਮਾਰਚ ਨੂੰ ਰਿਕਾਰਡ ਮ੍ਰਿਤਕਾਂ ਦਾ ਅੰਕੜਾ 627 ਸੀ। ਦੁਨਿਆ ਵਿੱਚ ਸਭ ਤੋਂ ਵੱਧ ਕੋਰੋਨਾਵਾਇਰਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਇਟਲੀ 'ਚ ਹੈ। ਇਥੇ ਮੌਤ ਦਾ ਅੰਕੜਾ 4000 ਨੂੰ ਪਾਰ ਕਰ ਗਿਆ ਹੈ।ਮੈਡੀਟੇਰੀਅਨ ਦੇਸ਼ ਦੀ ਰੋਜ਼ਾਨਾ ਮੌਤਾਂ ਦੀ ਦਰ ਹੁਣ ਚੀਨ 'ਚ ਵੁਹਾਨ ਦੇ ਹੁਬੇਈ ਪ੍ਰਾਂਤ ਨਾਲੋਂ ਅਧਿਕਾਰਤ ਤੌਰ' ਤੇ ਕਿਤੇ ਜ਼ਿਆਦਾ ਵੱਧ ਹੈ।

ਇਟਲੀ ਵੁਹਾਨ ਤੋਂ ਬਾਅਦ ਕੋਵਿਡ -19 ਦਾ ਨਵਾਂ ਵਿਸ਼ਵਵਿਆਪੀ ਕੇਂਦਰ ਬਣ ਗਿਆ ਹੈ।ਇਥੇ ਕੋਰੋਨਾ ਨਾਲ ਪੀੜਤਾਂ ਅਤੇ ਮੌਤ ਦਾ ਅੰਕੜਾ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਇਟਲੀ ਨੇ ਚਾਰ ਹਫ਼ਤਿਆਂ ਤੋਂ ਵੀ ਘੱਟ ਸਮੇਂ ਵਿੱਚ, ਚੀਨ ਨਾਲੋਂ ਜ਼ਿਆਦਾ ਮੌਤਾਂ ਦਰਜ ਕੀਤੀਆਂ ਹਨ।

ਇਟਲੀ ਵਿੱਚ ਪਿਛਲੇ ਤਿੰਨ ਦਿਨਾਂ ਵਿੱਚ ਇਕੱਲੇ ਕੋਵਡ -19 ਨਾਲ 1500 ਤੋਂ ਵੱਧ ਮੌਤਾਂ ਹੋਈਆਂ ਹਨ। ਇਟਲੀ ਵਿੱਚ ਹੁਣ ਕੋਰੋਨਾ ਨਾਲ ਮੌਤਾਂ ਦੀ ਕੁੱਲ ਗਿਣਤੀ 4,032 ਹੈ। 20 ਮਾਰਚ ਨੂੰ ਵਾਇਰਸ ਵਿੱਚ ਤਕਰੀਬਨ 6,000 ਦਾ ਵਾਧਾ ਹੋਇਆ।