image caption:

ਬੀਐਸਐਫ ਨੇ ਭਾਰਤ ਵਿਚ ਗੈਰਕਾਨੂੰਨੀ ਢੰਗ ਨਾਲ ਸਰਹੱਦ ਪਾਰ ਕਰਦਾ ਹੋਇਆ ਚੀਨੀ ਨਾਗਰਿਕ ਫੜਿਆ

ਇੱਕ ਚੀਨੀ ਨਾਗਰਿਕ ਨੂੰ ਭਾਰਤ-ਬੰਗਲਾਦੇਸ਼ ਸਰਹੱਦ ਦੇ ਨੇੜੇ ਬੰਗਾਲ ਦੇ ਮਾਲਦਾ ਜ਼ਿਲ੍ਹੇ ਦੇ ਮਿਲਿਕ ਸੁਲਤਾਨਪੁਰ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਹ ਚੀਨੀ ਨਾਗਰਿਕ ਸ਼ੱਕੀ ਤੌਰ &lsquoਤੇ ਸਰਹੱਦ ਨੇੜੇ ਘੁੰਮ ਰਿਹਾ ਸੀ। ਹਾਨ ਜੁਨਵੇ ਨਾਮ ਦਾ ਇਹ ਵਿਅਕਤੀ ਬੀਐਸਐਫ ਨੇ ਗ਼ੈਰਕਾਨੂੰਨੀ ਢੰਗ ਨਾਲ ਭਾਰਤ ਵਿੱਚ ਦਾਖਲ ਹੋਣ ਲਈ ਫੜਿਆ ਹੈ। ਉਹ ਬੰਗਲਾਦੇਸ਼ ਵੀਜ਼ਾ ਲੈ ਕੇ ਭਾਰਤ ਆਇਆ ਸੀ। ਇਹ ਚੀਨੀ ਨਾਗਰਿਕ ਗੈਰ ਕਾਨੂੰਨੀ ਢੰਗ ਨਾਲ ਭਾਰਤੀ ਸਰਹੱਦ ਪਾਰ ਕਰ ਗਿਆ ਸੀ।

ਬੀਐਸਐਫ ਨੇ ਇਸ ਵਿਅਕਤੀ ਨੂੰ ਗ੍ਰਿਫਤਾਰ ਕਰਕੇ ਉਸ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਹੈ। ਇਸ ਕੋਲੋਂ ਕੈਮਰਾ ਅਤੇ ਲੈਪਟਾਪ ਬਰਾਮਦ ਕੀਤਾ ਗਿਆ ਹੈ। ਦੋ ਦਿਨ ਪਹਿਲਾਂ ਐਂਟੀ ਟੈਰਰਿਸਟ ਸਕੁਐਡ (ਏਟੀਐਸ) ਨੇ ਦੋ ਰੋਹਿੰਗਿਆਂ ਨੂੰ ਗ੍ਰਿਫਤਾਰ ਕੀਤਾ ਸੀ ਜੋ ਬੰਗਲਾਦੇਸ਼ ਦੇ ਰਸਤੇ ਗ਼ੈਰਕਾਨੂੰਨੀ ਢੰਗ ਨਾਲ ਭਾਰਤ ਆਏ ਸੀ। ਦੋਵਾਂ ਨੂੰ ਏਟੀਐਸ ਦੀ ਟੀਮ ਨੇ ਸੋਮਵਾਰ ਸ਼ਾਮ ਨੂੰ ਗਾਜ਼ੀਆਬਾਦ ਤੋਂ ਗ੍ਰਿਫਤਾਰ ਕੀਤਾ ਸੀ।

ਏਟੀਐਸ ਦੇ ਬਿਆਨ ਅਨੁਸਾਰ, ਨੂਰ ਆਲਮ ਅਤੇ ਅਮੀਰ ਹੁਸੈਨ ਮੂਲ ਰੂਪ ਵਿੱਚ ਮਿਆਂਮਾਰ ਦੇ ਰਿਖਾਈਨ ਪ੍ਰਾਂਤ ਦੇ ਰਹਿਣ ਵਾਲੇ ਹਨ, ਜਿਸ ਵਿੱਚ ਨੂਰ ਆਲਮ ਮੇਰਠ ਜ਼ਿਲੇ ਦੇ ਦਰਬਾਰ ਲਬਰ ਖਾਸ ਅਤੇ ਅਮੀਰ ਹੁਸੈਨ ਨੇ ਦਿੱਲੀ ਦੇ ਖਜੂਰੀ ਖਾਸ ਇਲਾਕਾ ਗਲੀ ਨੰਬਰ 6, ਸ਼੍ਰੀ ਰਾਮ ਕਲੋਨੀ ਵਿੱਚ ਆਪਣਾ ਟਿਕਾਣਾ ਬਣਾਇਆ ਸੀ।