ਭਾਰਤ ਵਿਚ 2 ਤੋਂ 18 ਸਾਲ ਦੇ ਬੱਚਿਆਂ ਨੂੰ ਕੋਵੈਕਸੀਨ ਲਗਾਉਣ ਦੀ ਸਿਫਾਰਸ਼
ਨਵੀਂ ਦਿੱਲੀ: ਭਾਰਤ ਵਿੱਚ ਬੱਚਿਆਂ ਦਾ ਕੋਵਿਡ ਟੀਕਾਕਰਨ ਕੀਤੇ ਜਾਣ ਦਾ ਰਸਤਾ ਸਾਫ ਹੁੰਦਾ ਹੋਇਆ ਦਿਖਾਈ ਦੇ ਰਿਹਾ ਹੈ। ਭਾਰਤ ਦੇ ਡਰੱਗ ਰੈਗੂਲੇਟਰ ਡੀਜੀਸੀਆਈ ਨੇ ਭਾਰਤ ਬਾਇਓਟੈਕ ਦੀ ਵੈਕਸੀਨ ਕੋਵੈਕਸਿਨ ਨੂੰ 2 ਤੋਂ 18 ਸਾਲ ਦੀ ਉਮਰ ਦੇ ਬੱਚਿਆ ਦੇ ਲਈ ਸਿਫਾਰਿਸ਼ ਕੀਤੀ ਹੈ। ਭਾਰਤ ਬਾਇਓਟੈਕ ਅਤੇ ਆਈਸੀਐਮਆਰ ਨੇ ਸਾਂਝੇ ਤੌਰ 'ਤੇ ਕੋਵੈਕਸੀਨ ਟੀਕਾ ਵਿਕਸਤ ਕੀਤਾ ਹੈ।
ਕੋਵਿਡ -19 ਬਾਰੇ ਵਿਸ਼ਾ ਮਾਹਰ ਕਮੇਟੀ (SEC) ਨੇ ਅੰਕੜਿਆਂ ਦੀ ਜਾਂਚ ਕੀਤੀ ਅਤੇ ਸੋਮਵਾਰ ਨੂੰ ਈਯੂਏ (EUA ) ਦੀ ਅਰਜ਼ੀ 'ਤੇ ਵਿਚਾਰ ਕੀਤਾ। ਇੱਕ ਸੂਤਰ ਨੇ ਐਸਈਸੀ ਦੇ ਹਵਾਲੇ ਤੋਂ ਆਪਣੀ ਸਿਫਾਰਿਸ਼ ਚ ਕਿਹਾ ਹੈ ਕਿ, "ਇੱਕ ਵਿਸਥਾਰਤ ਵਿਚਾਰ -ਵਟਾਂਦਰੇ ਤੋਂ ਬਾਅਦ, ਕਮੇਟੀ ਨੇ ਕੁਝ ਸ਼ਰਤਾਂ ਦੇ ਅਧੀਨ ਐਮਰਜੈਂਸੀ ਸਥਿਤੀਆਂ ਵਿੱਚ ਸੀਮਤ ਵਰਤੋਂ ਲਈ 2 ਤੋਂ 18 ਸਾਲ ਦੀ ਉਮਰ ਦੇ ਲਈ ਟੀਕੇ ਦੇ ਬਾਜ਼ਾਰ ਅਧਿਕਾਰ ਦੀ ਪ੍ਰਵਾਨਗੀ ਦੀ ਸਿਫਾਰਸ਼ ਕੀਤੀ। ਸਿਫਾਰਸ਼ਾਂ ਨੂੰ ਅੰਤਮ ਪ੍ਰਵਾਨਗੀ ਲਈ ਡਰੱਗਜ਼ ਕੰਟਰੋਲਰ ਜਨਰਲ ਆਫ ਇੰਡੀਆ (ਡੀਸੀਜੀਆਈ) ਕੋਲ ਭੇਜ ਦਿੱਤਾ ਗਿਆ ਹੈ।