ਕੈਟਰੀਨਾ ਤੇ ਵਿੱਕੀ ਕੌਂਸ਼ਲ ਦਾ ਵਿਆਹ ਬਾਲੀਵੁੱਡ ਦਾ ਸਭ ਤੋਂ ਮਹਿੰਗਾ ਵਿਆਹ ਹੋਵੇਗਾ
ਹੈਦਰਾਬਾਦ: ਬਾਲੀਵੁੱਡ ਦੀ ਪਿਆਰੀ ਜੋੜੀ ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ 9 ਦਸੰਬਰ ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਈਵੈਂਟ ਕੰਪਨੀ ਵਿਆਹ ਦੀਆਂ ਤਿਆਰੀਆਂ ਨੂੰ ਅੰਤਿਮ ਰੂਪ ਦੇਣ 'ਚ ਲੱਗੀ ਹੋਈ ਹੈ। ਇਸ ਦੌਰਾਨ ਰਸਮਾਂ ਦੌਰਾਨ ਲਾੜਾ-ਲਾੜੀ ਦੇ ਰੁਕਣ ਨੂੰ ਲੈ ਕੇ ਵੀ ਨਵੀਂ ਜਾਣਕਾਰੀ ਸਾਹਮਣੇ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕੈਟਰੀਨਾ ਅਤੇ ਵਿੱਕੀ ਲਈ ਹੋਟਲ ਦੇ ਸਭ ਤੋਂ ਖਾਸ ਅਤੇ ਮਹਿੰਗੇ ਕਮਰੇ ਬੁੱਕ ਕੀਤੇ ਗਏ ਹਨ। ਇਸ ਵਿੱਚ ਇੱਕ ਰਾਤ ਠਹਿਰਣ ਦਾ ਖਰਚਾ 7 ਲੱਖ ਦੱਸਿਆ ਜਾ ਰਿਹਾ ਹੈ। ਕੈਟਰੀਨਾ, ਜਿੱਥੇ ਮਹਿੰਦੀ 'ਤੇ ਅਬੂ ਜਾਨੀ ਦੀ ਬਣੀ ਡਰੈੱਸ ਪਾਵੇਗੀ। ਇਸ ਦੇ ਨਾਲ ਹੀ ਸੰਗੀਤ ਸਮਾਰੋਹ 'ਚ ਕੈਟਰੀਨਾ ਮਨੀਸ਼ ਮਲਹੋਤਰਾ ਦੁਆਰਾ ਡਿਜ਼ਾਈਨ ਕੀਤੀ ਗਈ ਡਰੈੱਸ ਪਾਵੇਗੀ। ਵਿਆਹ ਵਾਲੇ ਦਿਨ ਉਹ ਗੁਚੀ ਦੁਆਰਾ ਡਿਜ਼ਾਈਨ ਕੀਤਾ ਗਿਆ ਪਹਿਰਾਵਾ ਪਾਵੇਗੀ।
ਵਿੱਕੀ ਕੌਸ਼ਲ ਦੀ ਗੱਲ ਕਰੀਏ ਤਾਂ ਉਹ ਮਹਿੰਦੀ ਅਤੇ ਸੰਗੀਤ ਵਾਲੇ ਦਿਨ ਕੁਣਾਲ ਰਾਵਲ ਅਤੇ ਰਾਘਵੇਂਦਰ ਦੁਆਰਾ ਡਿਜ਼ਾਈਨ ਕੀਤਾ ਗਿਆ ਪਹਿਰਾਵਾ ਪਾਉਣਗੇ। ਜਦਕਿ ਉਹ ਵਿਆਹ 'ਤੇ ਸਬਿਆਸਾਚੀ ਦੁਆਰਾ ਡਿਜ਼ਾਈਨ ਕੀਤੀ ਗਈ ਡਰੈੱਸ ਪਾਉਣਗੇ। ਮੀਡੀਆ ਰਿਪੋਰਟਾਂ ਮੁਤਾਬਕ, ਵਿਆਹ ਸਵਾਈ ਮਾਧੋਪੁਰ ਦੇ ਚੌਥ ਕਾ ਬਰਵਾੜਾ ਸਥਿਤ ਹੋਟਲ ਸਿਕਸ ਸੈਂਸ ਫੋਰਟ 'ਚ ਹੋਵੇਗਾ। ਇਸ ਦੇ ਲਈ ਮਹਾਰਾਸ਼ਟਰ ਦੇ ਪੰਡਤ ਵਿਆਹ ਕਰਵਾਉਣ ਜਾਣਗੇ। ਵਿਆਹ ਨੂੰ ਸਹੀ ਢੰਗ ਨਾਲ ਕਰਵਾਉਣ ਲਈ ਤਿੰਨ ਵਿਸ਼ੇਸ਼ ਪੰਡਤਾਂ ਨੂੰ ਬੁਲਾਇਆ ਗਿਆ ਹੈ। ਕੈਟਰੀਨਾ ਅਤੇ ਵਿੱਕੀ ਕੌਸ਼ਲ ਦੇ ਵਿਆਹ ਦੀਆਂ ਸਾਰੀਆਂ ਰਸਮਾਂ ਇਨ੍ਹਾਂ ਪੰਡਤਾਂ ਵੱਲੋਂ ਪੂਰੀਆਂ ਕੀਤੀਆਂ ਜਾਣਗੀਆਂ। ਵਿਆਹ ਹਿੰਦੂ ਰੀਤੀ-ਰਿਵਾਜਾਂ ਨਾਲ ਹੋਵੇਗਾ।