ਉੱਤਰ ਪ੍ਰਦੇਸ਼ 2 ਮੰਤਰੀਆਂ ਤੇ 6 ਵਿਧਾਇਕਾਂ ਸਣੇ ਦਰਜਨ ਆਗੂ ਸਪਾ 'ਚ ਸ਼ਾਮਲ
ਲਖਨਊ: ਉੱਤਰ ਪ੍ਰਦੇਸ਼ ਵਿੱਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਤੋਂ ਠੀਕ ਪਹਿਲਾਂ ਸਮਾਜਵਾਦੀ ਪਾਰਟੀ ਨੇ ਵੱਡਾ ਧਮਾਕਾ ਕੀਤਾ ਹੈ ਅਤੇ ਭਾਜਪਾ ਨੂੰ ਕਈ ਝਟਕੇ ਦੇ ਕੇ ਆਪਣੇ ਧੜੇ ਨੂੰ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਅਖਿਲੇਸ਼ ਯਾਦਵ ਦੀ ਮੌਜੂਦਗੀ 'ਚ ਸਵਾਮੀ ਪ੍ਰਸਾਦ ਮੌਰੀਆ ਤੋਂ ਲੈ ਕੇ ਧਰਮ ਸਿੰਘ ਸੈਣੀ ਤੱਕ ਦਰਜਨਾਂ ਵਿਧਾਇਕ ਤੇ ਸਾਬਕਾ ਵਿਧਾਇਕ ਸ਼ੁੱਕਰਵਾਰ ਸਾਈਕਲਾਂ 'ਤੇ ਸਵਾਰ ਹੋਏ। ਲਖਨਊ 'ਚ ਆਯੋਜਿਤ ਇਕ ਪ੍ਰੋਗਰਾਮ ਦੌਰਾਨ ਭਾਜਪਾ ਛੱਡਣ ਵਾਲੇ ਸਵਾਮੀ ਪ੍ਰਸਾਦ ਮੌਰਿਆ, ਧਰਮ ਸਿੰਘ ਸੈਣੀ, ਭਗਵਤੀ ਸਾਗਰ ਅਤੇ ਵਿਨੇ ਸ਼ਾਕਿਆ ਸਮੇਤ ਕਈ ਨੇਤਾ ਅਖਿਲੇਸ਼ ਯਾਦਵ ਦੀ ਮੌਜੂਦਗੀ 'ਚ ਸਮਾਜਵਾਦੀ ਪਾਰਟੀ 'ਚ ਸ਼ਾਮਲ ਹੋ ਗਏ। ਸਵਾਮੀ ਪ੍ਰਸਾਦ ਮੌਰੀਆ, ਧਰਮਪਾਲ ਸਿੰਘ ਸੈਣੀ ਤੋਂ ਇਲਾਵਾ ਭਾਜਪਾ ਤੇ ਬਸਪਾ ਸਮੇਤ 20 ਦੇ ਕਰੀਬ ਸਾਬਕਾ ਵਿਧਾਇਕ ਵੀ ਸਮਾਜਵਾਦੀ ਪਾਰਟੀ ਵਿੱਚ ਸ਼ਾਮਲ ਹੋਏ।