ਦੀਪ ਸਿੱਧੂ ਦੀ ਮਹਿਲਾ ਮਿੱਤਰ ਰੀਨਾ ਰਾਏ ਨੇ ਖੋਲ੍ਹੇ ਕਈ ਰਾਜ, ਇੰਸਟਾਗ੍ਰਾਮ ‘ਤੇ ਪਾਈ ਪੋਸਟ
ਬੀਤੀ 15 ਫਰਵਰੀ ਨੂੰ ਪੰਜਾਬੀ ਗਾਇਕ ਦੀਪ ਸਿੱਧੂ ਦੀ ਸੜਕ ਹਾਦਸੇ ਦੌਰਾਨ ਮੌਤ ਹੋ ਗਈ ਸੀ। ਹਾਦਸੇ ਸਮੇਂ ਦੀਪ ਸਿੱਧੂ ਦੀ ਮਹਿਲਾ ਮਿੱਤਰ ਰੀਨਾ ਰਾਏ ਵੀ ਉਨ੍ਹਾਂ ਨਾਲ ਸਨ। ਅੱਜ ਦੀਪ ਸਿੱਧੂ ਦੀ ਮਹਿਲਾ ਮਿੱਤਰ ਰੀਨਾ ਰਾਏ ਨੇ ਇੰਸਟਾਗ੍ਰਾਮ &lsquoਤੇ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਵਿਚ ਉਨ੍ਹਾਂ ਨੇ ਕਈ ਰਾਜ਼ ਖੋਲ੍ਹੇ ਹਨ। ਰੀਨਾ ਰਾਏ ਨੇ ਲਿਖਿਆ ਕਿ ਮੈਂ ਵੈਲੇਨਟਾਈਨ ਡੇ ਮਨਾਉਣ ਲਈ ਭਾਰਤ ਆਈ ਸੀ ਪਰ ਇੱਕ ਕਾਰ ਦੁਰਘਟਨਾ ਨੇ ਮੇਰੀ ਜ਼ਿੰਦਗੀ ਬਦਲ ਦਿੱਤੀ। ਮੈਂ ਆਪਣਾ ਪਿਆਰ ਗੁਆ ਬੈਠੀ। ਹਸਪਤਾਲ ਵਿੱਚ ਸਭ ਖਤਮ ਹੋ ਗਿਆ ਅਤੇ ਮੈਂ ਟੁੱਟ ਕੇ ਘਰ ਵਾਪਸ ਆ ਗਈ।
ਉਨ੍ਹਾਂ ਲਿਖਿਆ ਕਿ 2018 ਵਿੱਚ ਸਾਡੀ ਦੋਸਤੀ &lsquoਰੰਗ ਪੰਜਾਬ ਦੇ&rsquo ਸੈੱਟ &lsquoਤੇ ਹੋਈ। ਮੈਨੂੰ ਦੀਪ ਨਾਲ ਪਿਆਰ ਹੋ ਗਿਆ। ਦੀਪ ਸਭ ਤੋਂ ਵੱਧ ਪਿਆਰ ਕਰਨ ਵਾਲਾ, ਦਿਆਲੂ ਅਤੇ ਨਿਰਸਵਾਰਥ ਵਿਅਕਤੀ ਸੀ ਜਿਸ ਨੂੰ ਮੈਂ ਕਦੇ ਮਿਲੀ ਸੀ। ਜ਼ਿੰਦਗੀ ਲਈ ਉਸ ਦਾ ਜਨੂੰਨ ਛੂਹਣ ਵਾਲਾ ਸੀ। ਉਨ੍ਹਾਂ ਕਿਹਾ ਕਿ ਪਿਛਲੇ ਐਤਵਾਰ, ਮੈਂ ਕੁਝ ਪ੍ਰੋਜੈਕਟ ਸ਼ੁਰੂ ਕਰਨ ਅਤੇ ਵੈਲੇਨਟਾਈਨ ਡੇਅ ਨੂੰ ਦੀਪ ਨਾਲ ਮਨਾਉਣ ਲਈ ਦਿੱਲੀ ਗਈ ਸੀ । ਅਗਲੇ ਦਿਨ ਅਸੀਂ ਬਾਹਰ ਜਾਣ ਦਾ ਫੈਸਲਾ ਕੀਤਾ ਸੀ। ਆਪਣੇ ਘਰ ਮੁੰਬਈ ਜਾਣ ਤੋਂ ਪਹਿਲਾਂ ਪੰਜਾਬ ਜਾਣ ਲਈ ਅਸੀਂ ਆਪਣਾ ਸਮਾਨ ਪੈਕ ਕੀਤਾ। ਅਸੀਂ ਸਕਾਰਪੀਓ ਵਿਚ ਬਾਹਰ ਨਿਕਲ ਪਏ। ਦੀਪ ਅਤੇ ਮੈਂ ਕੁਝ ਦੇਰ ਲਈ ਗੱਲਬਾਤ ਕੀਤੀ ਅਤੇ ਕੁਝ ਦੇਰ ਬਾਅਦ ਮੈਨੂੰ ਝਪਕੀ ਆ ਗਈ ਤੇ ਮੈਂ ਸੌਂ ਗਈ।