image caption:

ਸਾਂਸਦ ਰਵਨੀਤ ਬਿੱਟੂ ਦਾ ਨਕਲੀ ਪੀਏ ਬਣ ਕੇ ਲੱਖਾਂ ਰੁਪਏ ਠੱਗੇ

 ਲੁਧਿਆਣਾ : ਪੰਜਾਬ ਦੇ ਲੁਧਿਆਣਾ &rsquoਚ ਸਾਂਸਦ ਰਵਨੀਤ ਸਿੰਘ ਬਿੱਟੂ ਦਾ ਪੀਏ ਬਣ ਕੇ ਲੋਕਾਂ ਨੂੰ ਸਰਕਾਰੀ ਨੌਕਰੀ ਦਿਵਾਉਣ ਦਾ ਝਾਂਸਾ ਦੇਣ ਵਾਲੇ ਮੁਲਜ਼ਮ ਖ਼ਿਲਾਫ ਥਾਣਾ ਟਿੱਬਾ ਦੀ ਪੁਲਸ ਨੇ ਮਾਮਲਾ ਦਰਜ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮ ਕਾਂਗਰਸ ਸਰਕਾਰ ਦੇ ਕਾਰਜਕਾਲ ਦੌਰਾਨ ਕਈ ਲੋਕਾਂ ਨਾਲ ਲੱਖਾਂ ਰੁਪਏ ਦੀ ਠੱਗੀ ਮਾਰ ਚੁੱਕਾ ਹੈ। ਜਾਣਕਾਰੀ ਦਿੰਦੇ ਹੋਏ ਕਮਲ ਕਿਸ਼ੋਰ ਵਾਸੀ ਸਲੇਮ ਟਾਬਰੀ ਨੇ ਦੱਸਿਆ ਕਿ ਦੋਸ਼ੀ ਦਾ ਨਾਂ ਸੰਦੀਪ ਸ਼ਰਮਾ ਹੈ। ਦੋਸ਼ੀ ਨੇ ਤਾਲਾਬੰਦੀ ਸਮੇਂ ਉਸ ਤੋਂ 2.5 ਲੱਖ ਰੁਪਏ ਲੈ ਲਏ ਸਨ।

ਸੰਦੀਪ ਨੇ ਉਸ ਨੂੰ ਕਿਹਾ ਸੀ ਕਿ ਉਹ ਸੰਸਦ ਮੈਂਬਰ ਰਵਨੀਤ ਸਿੰਘ ਬਿੱਟੂ ਦਾ ਪੀ.ਏ ਹੈ। ਸੰਦੀਪ ਨੇ ਉਸ ਨੂੰ ਕਿਹਾ ਸੀ ਕਿ ਉਹ ਉਸ ਨੂੰ ਨਗਰ ਨਿਗਮ ਦੀ ਬਿਲਡਿੰਗ ਬ੍ਰਾਂਚ ਵਿੱਚ ਨੌਕਰੀ ਦਿਵਾ ਦੇਵੇਗਾ। ਕਮਲ ਅਨੁਸਾਰ ਪਿਛਲੇ ਜੂਨ 2020 ਤੋਂ ਮੁਲਜ਼ਮ ਉਸ ਨੂੰ ਸਰਕਾਰੀ ਨੌਕਰੀ ਦਿਵਾਉਣ ਲਈ ਲਾਰੇ ਲਗਾ ਰਿਹਾ ਸੀ। ਜਦੋਂ ਵੀ ਉਹ ਮੁਲਜ਼ਮ ਸੰਦੀਪ ਨਾਲ ਨੌਕਰੀ ਸਬੰਧੀ ਗੱਲ ਕਰਦਾ ਸੀ ਤਾਂ ਉਹ ਕੋਈ ਨਾਲ ਕੋਈ ਬਹਾਨਾ ਬਣਾ ਲੈਂਦਾ ਸੀ। ਕਮਲ ਕਿਸ਼ੋਰ ਅਨੁਸਾਰ ਉਸ ਨੇ ਮੁਲਜ਼ਮਾਂ ਖ਼ਿਲਾਫ਼ ਥਾਣਾ ਟਿੱਬਾ ਵਿੱਚ ਸ਼ਿਕਾਇਤ ਕਰਨ ਲਈ ਮਜਬੂਰ ਕੀਤਾ। ਕਮਲ ਮੁਤਾਬਕ ਉਹ ਮਾਰਕੀਟਿੰਗ ਦਾ ਕੰਮ ਕਰਦਾ ਹੈ। ਕਮਲ ਨੇ ਦੱਸਿਆ ਕਿ ਮੁਲਜ਼ਮ ਸੰਦੀਪ ਨੇ ਉਸ ਤੋਂ ਪੈਸੇ ਲੈ ਲਏ ਸੀ। ਕਮਲ ਅਨੁਸਾਰ ਮੁਲਜ਼ਮ ਨੇ ਬਿੱਟੂ ਨਾਲ ਕਦੇ ਵੀ ਉਸ ਦੀ ਗੱਲ ਨਹੀਂ ਕਰਵਾਈ। ਮੁਲਜ਼ਮਾਂ ਨੇ ਫ਼ੋਨ ਚੁੱਕਣਾ ਵੀ ਬੰਦ ਕਰ ਦਿੱਤਾ ਸੀ। ਜਦੋਂ ਅਸੀਂ ਦੋਸ਼ੀ ਦੇ ਘਰ ਦੇ ਆਲੇ-ਦੁਆਲੇ ਤੋਂ ਪੁੱਛਗਿੱਛ ਕੀਤੀ ਤਾਂ ਪਤਾ ਲੱਗਾ ਕਿ ਦੋਸ਼ੀ ਸੰਦੀਪ ਨੇ ਕਈ ਲੋਕਾਂ ਨੂੰ ਪੈਸੇ ਦੇਣੇ ਹਨ। ਮੁਲਜ਼ਮ ਨੇ ਕਈ ਲੋਕਾਂ ਨਾਲ ਠੱਗੀ ਮਾਰੀ ਹੈ। ਕਮਲ ਨੇ ਦੱਸਿਆ ਕਿ ਦੋਸ਼ੀ ਸੰਦੀਪ ਕੋਲ ਲੋਕਾਂ ਨੂੰ ਠੱਗਣ ਦਾ ਕਾਫੀ ਹੁਨਰ ਹੈ। ਦੋਸ਼ੀ ਸੰਦੀਪ ਨੇ ਆਪਣੀ ਕਾਰ ਦੇ ਅੱਗੇ ਕਾਂਗਰਸ ਦੀ ਪਲੇਟ ਵੀ ਲਗਾਈ ਹੋਈ ਹੈ ਤਾਂ ਜੋ ਵੀ ਇਸ ਨੂੰ ਦੇਖ ਲਵੇ ਉਸ &rsquoਤੇ ਪੂਰਾ ਅਸਰ ਪੈ ਜਾਵੇ ਕਿ ਉਹ ਬਹੁਤ ਵੱਡਾ ਨੇਤਾ ਹੈ। ਮੁਲਜ਼ਮ ਨੇ ਉਸ ਨੂੰ ਬਿੱਟੂ ਨਾਲ ਫੋਟੋ ਕਈ ਵਾਰ ਦਿਖਾਈ। ਕਮਲ ਅਨੁਸਾਰ ਮੁਲਜ਼ਮ ਸੰਦੀਪ ਨੇ ਦੱਸਿਆ ਕਿ ਉਸ ਨੇ ਕਈ ਲੋਕਾਂ ਨੂੰ ਪੁਲੀਸ ਦੀ ਨੌਕਰੀ ਵੀ ਦਿਵਾਈ। ਕਮਲ ਮੁਤਾਬਕ ਉਸ ਦੇ ਪਿਤਾ ਦੇ ਦੋਸਤ ਨੇ ਉਸ ਦੀ ਸੰਦੀਪ ਨਾਲ ਜਾਣ-ਪਛਾਣ ਕਰਵਾਈ ਸੀ।