40 ਸਾਲ ਦੇ ਹੋਏ Yo Yo Honey Singh
ਭਾਰਤੀ ਗਾਇਕੀ 'ਚ 'ਪੌਪ' ਲਿਆਉਣ ਵਾਲੇ ਬਾਦਸ਼ਾਹ ਯੋ ਯੋ ਹਨੀ ਸਿੰਘ ਦਾ ਪੂਰਾ ਦੇਸ਼ ਫੈਨ ਹੈ। ਆਪਣੇ ਸਾਰੇ ਪ੍ਰਸ਼ੰਸਕਾਂ ਨੂੰ 'ਅੰਗਰੇਜੀ ਬੀਟ' ਸਿਖਾਉਣ ਵਾਲੇ ਹਨੀ ਸਿੰਘ ਨੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਨਾਲ-ਨਾਲ ਬਾਲੀਵੁੱਡ ਫਿਲਮਾਂ ਨੂੰ ਵੀ ਅਜਿਹੀ 'ਲਵ ਡੋਜ਼' ਦਿੱਤੀ ਕਿ ਹਰ ਕੋਈ ਉਸ ਦੀ ਗਾਇਕੀ ਦਾ ਕਾਇਲ ਹੋ ਗਿਆ। ਉਂਜ, ਤੇਜ਼ੀ ਨਾਲ ਸਫ਼ਲਤਾ ਦਾ ਸਵਾਦ ਚੱਖਣ ਵਾਲੇ ਹਨੀ ਸਿੰਘ ਨੇ 'ਚਾਰ ਬੋਤਲ ਵੋਡਕਾ' ਦੇ 'ਛੋਟੇ-ਛੋਟੇ ਪੈਗ' ਇਸ ਤਰ੍ਹਾਂ ਲਾਏ ਕਿ ਹੌਲੀ-ਹੌਲੀ ਇਸ 'ਦੇਸੀ ਕਲਾਕਾਰ' ਦੀ ਕਲਾਕਾਰੀ ਫਿੱਕੀ ਪੈ ਗਈ। ਇਸ ਦੇ ਨਾਲ ਹੀ ਇਹ ਮਸ਼ਹੂਰ ਗਾਇਕ 'ਸਨੀ ਸੰਨੀ' ਕਰਦੇ ਹੋਏ ਕਿਧਰੇ ਲਾਪਤਾ ਹੋ ਗਿਆ। ਦਰਅਸਲ, ਵਿਵਾਦਾਂ ਅਤੇ ਨਸ਼ੇ ਦੇ ਕਾਰਨ ਹਨੀ ਸਿੰਘ ਨੂੰ ਲੰਬੇ ਸਮੇਂ ਤੱਕ ਇੰਡਸਟਰੀ ਤੋਂ ਬਾਹਰ ਰਹਿਣਾ ਪਿਆ ਸੀ। ਹਨੀ ਪਾਜੀ ਅੱਜ (15 ਮਾਰਚ) ਆਪਣਾ ਜਨਮਦਿਨ ਮਨਾ ਰਿਹਾ ਹੈ। ਆਓ ਤੁਹਾਨੂੰ ਮਸ਼ਹੂਰ ਗਾਇਕ ਦੀ ਜ਼ਿੰਦਗੀ ਦੇ ਕੁਝ ਵਿਵਾਦਾਂ ਤੋਂ ਜਾਣੂ ਕਰਵਾਉਂਦੇ ਹਾਂ...
'ਬ੍ਰਾਊਨ ਰੰਗ' ਤੋਂ 'ਇੰਟਰਨੈਸ਼ਨਲ ਵਿਲੇਜਰ' ਬਣੇ ਯੋ ਯੋ ਹਨੀ ਸਿੰਘ ਨੇ ਸਾਲ 2013 'ਚ 'ਆਓ ਰਾਜਾ' ਕਰਦੇ ਹੋਏ ਇਕ ਗੀਤ ਰਿਲੀਜ਼ ਕੀਤਾ ਸੀ, ਜਿਸ ਨੂੰ ਸੁਣ ਕੇ ਸਾਰਿਆਂ ਨੇ 'ਆਤਾ ਮਾਜੀ ਸਟਕਲੀ' ਕਿਹਾ ਸੀ। ਹਾਲਾਂਕਿ ਹਨੀ ਸਿੰਘ ਉਸ ਸਮੇਂ ਲਾਈਮਲਾਈਟ ਤੋਂ ਕਾਫੀ ਦੂਰ ਸੀ, ਪਰ ਗੀਤ ਨੂੰ ਲੈ ਕੇ ਹੋਏ ਵਿਵਾਦ ਨਾਲ ਉਹ ਸਭ ਦੀਆਂ ਨਜ਼ਰਾਂ 'ਚ ਆ ਗਿਆ। 'ਮੈਂ ਹੂੰ ਰੇਪਿਸਟ...' ਦੇ ਰਿਲੀਜ਼ ਹੁੰਦੇ ਹੀ ਹਲਚਲ ਮਚ ਗਈ ਅਤੇ ਸਾਰਿਆਂ ਨੇ ਕਿਹਾ ਕਿ ਹਨੀ ਦੀ ਅਜਿਹੀ ''ਗਤੀਵਿਧੀ'' ਕੰਮ ਨਹੀਂ ਕਰੇਗੀ। ਗਾਇਕ ਵਿਰੁੱਧ ਵੱਖ-ਵੱਖ ਥਾਵਾਂ 'ਤੇ ਕੇਸ ਦਰਜ ਕੀਤੇ ਗਏ ਅਤੇ ਉਸ 'ਤੇ ਪਾਬੰਦੀ ਲਗਾਉਣ ਦੀ ਮੰਗ ਕੀਤੀ ਗਈ। ਬਾਅਦ 'ਚ ਯੋ ਯੋ ਨੇ ਖੁਦ ਇਕ ਇੰਟਰਵਿਊ 'ਚ ਸਪੱਸ਼ਟ ਕੀਤਾ ਕਿ ਇਹ ਗੀਤ ਉਸ ਦਾ ਨਹੀਂ ਹੈ।
ਇਕ ਤੋਂ ਬਾਅਦ ਇਕ ਹਿੱਟ ਫਿਲਮਾਂ ਦੇ ਕੇ ਸਫਲਤਾ ਦੀ ਪੌੜੀ ਚੜ੍ਹਨ ਵਾਲੇ ਯੋ ਯੋ ਹਨੀ ਸਿੰਘ ਨੇ ਬਾਲੀਵੁੱਡ 'ਚ ਕਈ ਗੀਤ ਗਾਏ, ਪਰ ਕਿੰਗ ਖਾਨ ਯਾਨੀ ਸ਼ਾਹਰੁਖ ਨਾਲ ਉਨ੍ਹਾਂ ਦੇ 'ਲੁੰਗੀ ਡਾਂਸ' ਨੂੰ ਕੌਣ ਭੁੱਲ ਸਕਦਾ ਹੈ। ਹਾਲਾਂਕਿ, ਬਾਦਸ਼ਾਹ ਨਾਲ 'ਮਖਨਾ ਮਖਨਾ' ਕਰਦੇ ਸਮੇਂ ਹਨੀ ਪਾਜੀ ਆਪਣੀ ਸੀਮਾ ਨੂੰ ਭੁੱਲ ਗਏ ਅਤੇ ਇਕ ਦਿਨ ਉਨ੍ਹਾਂ ਨੇ ਅਜਿਹਾ ਕੁਝ ਕੀਤਾ, ਜਿਸ ਤੋਂ ਬਾਅਦ ਸ਼ਾਹਰੁਖ ਨਾਲ ਉਨ੍ਹਾਂ ਦੀ ਦੋਸਤੀ ਦਾ ਬ੍ਰੇਕਅੱਪ ਹੋਇਆ। ਮੀਡੀਆ ਰਿਪੋਰਟਾਂ ਮੁਤਾਬਕ ਹਨੀ ਸਿੰਘ ਨੇ ਸ਼ਾਹਰੁਖ ਨੂੰ ਕੁਝ ਕਿਹਾ, ਜਿਸ ਨੂੰ ਸੁਣ ਕੇ ਕਿੰਗ ਖਾਨ ਆਪਣਾ ਆਪਾ ਖੋਹ ਬੈਠੇ ਅਤੇ ਹਨੀ ਸਿੰਘ ਨੂੰ ਜ਼ੋਰਦਾਰ ਥੱਪੜ ਮਾਰ ਦਿੱਤਾ। ਹਾਲਾਂਕਿ ਹਨੀ ਸਿੰਘ ਦੀ ਸਾਬਕਾ ਪਤਨੀ ਸ਼ਾਲਿਨੀ ਨੇ ਇਸ ਘਟਨਾ ਨੂੰ ਸਿਰਫ ਅਫਵਾਹ ਦੱਸਿਆ ਸੀ।
'ਪੰਜਾਬੀ ਮੈਸ਼ਅੱਪ' ਕਰਕੇ ਹਰ ਕਿਸੇ ਦੇ ਦਿਲ 'ਚ ਜਗ੍ਹਾ ਬਣਾਉਣ ਵਾਲਾ ਹਨੀ ਸਿੰਘ ਫਿਰ ਤੋਂ ਅਸ਼ਲੀਲ ਵੀਡੀਓ ਬਣਾਉਣ ਕਰਕੇ ਵਿਵਾਦਾਂ 'ਚ ਘਿਰ ਗਿਆ। ਇਹ ਵਿਵਾਦ ਲੰਬੇ ਸਮੇਂ ਤੱਕ ਉਸ ਦੇ ਲਈ ਸਿਰ ਦਰਦ ਬਣਿਆ ਰਿਹਾ। ਜਦੋਂ ਹਨੀ ਸਿੰਘ ਵੀਡਿਓ ਕਾਰਨ ਦਰਜ ਕੀਤੇ ਗਏ ਮਾਮਲੇ 'ਚ ਬਿਆਨ ਦੇਣ ਲਈ ਪੁਲਸ ਸਟੇਸ਼ਨ ਪਹੁੰਚਿਆ ਤਾਂ ਉਸ ਦਾ ਸਟਾਰਡਮ ਉਸ 'ਤੇ ਭਾਰੀ ਪੈ ਗਿਆ। ਪੁਲਿਸ ਸਟੇਸ਼ਨ 'ਚ ਮੌਜੂਦ ਮੁਲਾਜ਼ਮਾਂ ਨੇ ਉਸ ਦੇ ਨਾਲ ਫੋਟੋਆਂ ਖਿੱਚਣੀਆਂ ਸ਼ੁਰੂ ਕਰ ਦਿੱਤੀਆਂ, ਜਿਸ ਨੂੰ ਲੈਕੇ ਕਾਫੀ ਵਿਵਾਦ ਹੋਇਆ।
'ਡੋਪ ਸ਼ਾਪ' ਕਰਦੇ ਹੋਏ ਕੁਝ ਹੀ ਸਾਲਾਂ 'ਚ 'ਪੈਰਿਸ ਟ੍ਰਿਪ' ਕਰਨ ਵਾਲੇ ਹਨੀ ਸਿੰਘ ਨੂੰ ਕਾਫੀ ਸਫਲਤਾ ਮਿਲੀ, ਪਰ ਉਹ ਇਸ ਨੂੰ ਸੰਭਾਲਣ 'ਚ ਅਸਫਲ ਰਹੇ। ਮਸ਼ਹੂਰ ਗਾਇਕ ਬਣ ਚੁੱਕੇ ਹਨੀ ਸਿੰਘ ਨਸ਼ੇੜੀ ਗੀਤ ਬਣਾਉਣ 'ਚ ਇੰਨਾ ਰੁੱਝ ਗਿਆ ਕਿ ਉਹ ਖੁਦ ਵੀ ਨਸ਼ੇ ਦਾ ਆਦੀ ਹੋ ਗਿਆ। ਖ਼ਬਰਾਂ ਸਨ ਕਿ ਹਨੀ ਸਿੰਘ ਨਸ਼ਿਆਂ ਦੇ ਜਾਲ ਵਿੱਚ ਇੰਨਾ ਫਸ ਗਿਆ ਹੈ ਕਿ ਹੁਣ ਉਹ ਇਸ ਤੋਂ ਛੁਟਕਾਰਾ ਪਾਉਣ ਲਈ ਇੱਕ ਰੀਹੈਬ ਸੈਂਟਰ ਵਿੱਚ ਜਾਣਾ ਪਿਆ। ਬਾਅਦ ਵਿੱਚ ਹਨੀ ਸਿੰਘ ਨੇ ਖੁਦ ਇਨ੍ਹਾਂ ਖਬਰਾਂ ਨੂੰ ਸੱਚ ਦੱਸਿਆ ਸੀ।
ਨਸ਼ੇ ਤੋਂ ਛੁਟਕਾਰਾ ਪਾ ਕੇ ਹਨੀ ਸਿੰਘ ਵਾਪਸ ਪਰਤੇ ਪਰ ਵਿਵਾਦਾਂ ਨੇ ਉਸ ਦਾ ਪਿੱਛਾ ਨਹੀਂ ਛੱਡਿਆ। ਅਸਲ 'ਚ ਹਨੀ ਸਿੰਘ ਨੇ 'ਮਖਨਾ' ਗੀਤ ਰਿਲੀਜ਼ ਕੀਤਾ ਸੀ, ਜਿਸ ਨੂੰ ਨੌਜਵਾਨਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਸੀ, ਪਰ ਇਹ ਗੀਤ ਮਹਿਲਾ ਕਮਿਸ਼ਨ ਦੀਆਂ ਨਜ਼ਰਾਂ 'ਚ ਰੜਕ ਗਿਆ। ਬਸ ਫਿਰ ਕੀ ਸੀ ਕਿ ਹਨੀ ਸਿੰਘ ਦੇ ਨਾਂ ਨਾਲ ਇਕ ਹੋਰ ਵਿਵਾਦ ਜੁੜ ਗਿਆ। ਮਹਿਲਾ ਕਮਿਸ਼ਨ ਨੂੰ ਗੀਤ 'ਚ 'ਮੈਂ ਹੂੰ ਵੂਮੈਨਾਈਜ਼ਰ' ਦੀ ਲਾਈਨ 'ਤੇ ਇਤਰਾਜ਼ ਸੀ, ਜਿਸ ਕਾਰਨ ਗੀਤ 'ਤੇ ਪਾਬੰਦੀ ਲਾਉਣ ਦੀ ਮੰਗ ਉੱਠੀ ਸੀ। ਇਹ ਮਾਮਲਾ ਇੱਥੇ ਹੀ ਨਹੀਂ ਰੁਕਿਆ, 'ਮਖਨਾ' ਗੀਤ ਨੂੰ ਲੈ ਕੇ ਹਨੀ ਸਿੰਘ 'ਤੇ ਅਪਰਾਧਿਕ ਮਾਮਲਾ ਵੀ ਦਰਜ ਕੀਤਾ ਗਿਆ ਸੀ।