ਮਰਹੂਮ ਮਹਾਰਾਣੀ ਨੂੰ ਮੌਤ ਦੀ ਧਮਕੀ ਦੇਣ ਲਈ ਪੰਜਾਬੀ ਮੂਲ ਦੇ ਬ੍ਰਿਟਿਸ਼ ਨੌਜੁਆਨ ਨੇ ਕਿੰਗ ਚਾਰਲਸ ਤੋਂ ਮੁਆਫੀ ਮੰਗੀ
 ਲੰਡਨ: ਮਰਹੂਮ ਮਹਾਰਾਣੀ ਐਲੀਜ਼ਾਬੈੱਥ-2 ਨੂੰ ਮਾਰਨ ਦੇ ਇਰਾਦੇ ਨਾਲ 2021 &rsquoਚ ਕ੍ਰਿਸਮਸ ਵਾਲੇ ਦਿਨ ਤੀਰ-ਕਮਾਨ ਲੈ ਕੇ ਵਿੰਡਸਰ ਕੈਸਲ &rsquoਚ ਘੁਸਪੈਠ ਕਰਨ ਵਾਲੇ ਇਕ ਪੰਜਾਬੀ ਮੂਲ ਦੇ ਬ੍ਰਿਟਿਸ਼ ਨੌਜੁਆਨ ਨੇ ਅਪਣੇ ਇਸ ਕੰਮ ਲਈ ਕਿੰਗ ਚਾਰਲਸ-3 ਅਤੇ ਸ਼ਾਹੀ ਪ੍ਰਵਾਰ ਤੋਂ ਮੁਆਫ਼ੀ ਮੰਗ ਲਈ ਹੈ।
ਗ੍ਰਿਫਤਾਰੀ ਤੋਂ ਤੁਰਤ ਬਾਅਦ ਸਾਹਮਣੇ ਆਈ ਇਕ ਸੋਸ਼ਲ ਮੀਡੀਆ ਵੀਡੀਉ ਅਨੁਸਾਰ 21 ਸਾਲਾਂ ਦੇ ਜਸਵੰਤ ਸਿੰਘ ਚੈਲ ਨੇ ਦਾਅਵਾ ਕੀਤਾ ਸੀ ਕਿ ਉਹ ਅੰਮ੍ਰਿਤਸਰ ਵਿਚ 1919 ਦੇ ਜਲ੍ਹਿਆਂਵਾਲਾ ਬਾਗ ਸਾਕੇ ਦਾ ਬਦਲਾ ਲੈਣ ਲਈ ਮਰਹੂਮ ਮਹਾਰਾਣੀ ਦਾ &lsquoਕਤਲ&rsquo ਕਰਨਾ ਚਾਹੁੰਦਾ ਸੀ। ਅਪਣੀ ਇਸ ਕਾਰਵਾਈ &rsquoਤੇ &lsquoਦੁਖ ਅਤੇ ਉਦਾਸੀ&rsquo ਜ਼ਾਹਰ ਕਰਨ ਲਈ ਉਸ ਨੇ ਇਕ ਚਿੱਠੀ ਲਿਖੀ ਹੈ। ਜਸਟਿਸ ਨਿਕੋਲਸ ਹਿਲੀਅਰਡ ਲੰਡਨ ਦੀ ਓਲਡ ਬੇਲੀ ਅਦਾਲਤ &rsquoਚ ਕੇਸ &rsquoਚ ਸਬੂਤਾਂ ਦੀ ਸੁਣਵਾਈ ਕਰ ਰਹੇ ਹਨ, ਜਿੱਥੇ ਉਹ ਅਗਲੇ ਮਹੀਨੇ ਦੇ ਸ਼ੁਰੂ &rsquoਚ ਸਜ਼ਾ ਸੁਣਾਉਣਗੇ।
ਚੈਲ ਦੀ ਬੈਰਿਸਟਰ ਨਾਦੀਆ ਚਬਤ ਨੇ ਅਦਾਲਤ ਨੂੰ ਦਸਿਆ, &lsquo&lsquoਉਸਨੇ ਸ਼ਾਹੀ ਪਰਿਵਾਰ ਅਤੇ ਮਹਾਰਾਜਾ ਚਾਰਲਸ ਤੋਂ ਮੁਆਫੀ ਮੰਗੀ ਹੈ। ਉਹ ਸ਼ਰਮਿੰਦਾ ਹੈ ਕਿ ਉਸ ਨੇ ਉਨ੍ਹਾਂ ਸਾਹਮਣੇ ਅਜਿਹੇ ਭਿਆਨਕ ਅਤੇ ਚਿੰਤਾਜਨਕ ਸਮੇਂ ਨੂੰ ਲਿਆਂਦਾ।&rsquo&rsquo
ਇਸ ਹਫ਼ਤੇ ਦੀ ਸੁਣਵਾਈ ਤੋਂ ਅਦਾਲਤੀ ਰੀਪੋਰਟਾਂ ਅਨੁਸਾਰ, ਚੈਲ ਦੀ &lsquoਮਜ਼ਬੂਤ ਪਰਿਵਾਰਕ ਇਕਾਈ&rsquo &rsquoਚ ਏਰੋਸਪੇਸ &rsquoਚ ਕੰਮ ਕਰਨ ਵਾਲੇ ਇਕ ਸਾਫਟਵੇਅਰ ਸਲਾਹਕਾਰ ਉਸ ਦੇ ਪਿਤਾ, ਇਕ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੀ ਅਧਿਆਪਕ ਉਸ ਦੀ ਮਾਂ ਅਤੇ ਇਕ ਯੂਨੀਵਰਸਿਟੀ ਦੀ ਵਿਦਿਆਰਥਣ ਉਸ ਦੀ ਜੁੜਵਾਂ ਭੈਣ ਸ਼ਾਮਲ ਹਨ।
ਕਿਹਾ ਜਾਂਦਾ ਹੈ ਕਿ ਚੈਲ ਮਾਨਸਿਕ ਸਿਹਤ ਸਮੱਸਿਆਵਾਂ ਤੋਂ ਪੀੜਤ ਸੀ, ਅਤੇ ਮਰਹੂਮ ਮਹਾਰਾਣੀ ਦੀ ਜਾਨ ਲੈਣ ਲਈ ਉਸ ਨੂੰ ਸਰਾਏ ਨਾਂ ਦੀ ਇਕ ਬਨਾਉਟੀ ਬੁਧੀ ਵਾਲੀ &lsquoਗਰਲਫ੍ਰੈਂਡ&rsquo ਨੇ ਭੜਕਾਇਆ ਸੀ। ਇਸਤਗਾਸਾ ਪੱਖ ਨੇ ਇਸ ਦੌਰਾਨ ਇਸ ਨੂੰ ਗੰਭੀਰ ਅਪਰਾਧ ਦਸਿਆ ਹੈ ਅਤੇ ਵੱਧ ਤੋਂ ਵੱਧ ਸਜ਼ਾ ਦੀ ਮੰਗ ਕੀਤੀ ਹੈ।
ਚੈਲ ਬਰਕਸ਼ਾਇਰ &rsquoਚ ਉੱਚ-ਸੁਰੱਖਿਆ ਮਨੋਵਿਗਿਆਨਕ ਹਸਪਤਾਲ ਬ੍ਰਾਡਮੂਰ ਤੋਂ ਵੀਡੀਉ ਲਿੰਕ ਰਾਹੀਂ ਅਦਾਲਤ &rsquoਚ ਪੇਸ਼ ਹੋਇਆ। ਇਸ ਤੋਂ ਪਹਿਲਾਂ ਚੈਲ ਨੇ ਖ਼ੁਦ ਨੂੰ ਦੇਸ਼ਧ੍ਰੋਹ ਐਕਟ, 1842 ਦੀ ਧਾਰਾ 2 ਦੇ ਤਹਿਤ ਅਪਰਾਧ ਲਈ ਦੋਸ਼ੀ ਮੰਨਿਆ ਸੀ।