ਅਮਰੀਕਾ ਤੋਂ 13 ਮਿਲੀਅਨ ਡਾਲਰ ਦਾ ਨਸ਼ਾ ਲਿਆ ਰਹੇ ਪਤੀ-ਪਤਨੀ ਕਾਬੂ
ਅਮਰੀਕਾ ਤੋਂ 13 ਮਿਲੀਅਨ ਡਾਲਰ ਮੁੱਲ ਦਾ ਨਸ਼ਾ ਲਿਆ ਰਹੇ ਟੋਰਾਂਟੋ ਦੇ ਪਤੀ-ਪਤਨੀ ਨੂੰ ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ ਅਤੇ ਆਰ.ਸੀ.ਐਮ.ਪੀ. ਵੱਲੋਂ ਕਾਬੂ ਕੀਤਾ ਗਿਆ ਹੈ। ਆਰ.ਸੀ.ਐਮ.ਪੀ. ਨੇ ਦੱਸਿਆ ਕਿ ਵਿੰਡਸਰ ਦੇ ਅੰਬੈਸਡਰ ਬ੍ਰਿਜ ਰਾਹੀਂ ਕੈਨੇਡਾ ਵਿਚ ਦਾਖਲ ਹੋ ਰਹੇ ਟਰੱਕ ਵਿਚ ਇਹ ਨਸ਼ੀਲੇ ਪਦਾਰਥ ਬਰਾਮਦ ਕੀਤੇ ਗਏ। ਪੁਲਿਸ ਮੁਤਾਬਕ ਟਰੱਕ ਵਿਚ ਲੱਦੇ ਸਮਾਨ &rsquoਤੇ ਪਹਿਲੀ ਨਜ਼ਰੇ ਕੋਈ ਸ਼ੱਕ ਨਾ ਹੋਇਆ ਪਰ ਜਿਉਂ ਜਿਉਂ ਪੜਤਾਲ ਅੱਗੇ ਵਧੀ ਤਾਂ ਮੈਥਮਫੈਟਾਮਿਨ ਦੀ ਮੌਜੂਦਗੀ ਹੋਣ ਦੇ ਸੰਕੇਤ ਮਿਲੇ।
ਟੋਰਾਂਟੋ ਨਾਲ ਸਬੰਧਤ ਜੋੜੇ ਦੇ ਟਰੱਕ ਵਿਚੋਂ ਮਿਲੇ ਨਸ਼ੀਲੇ ਪਦਾਰਥ
ਨਸ਼ੀਲੇ ਪਦਾਰਥ ਨੂੰ ਟਰੱਕ ਵਿਚ ਲੱਦੇ ਸਮਾਨ ਦਾ ਇੰਨ ਬਿੰਨ ਰੂਪ ਦੇ ਕੇ ਰੱਖਿਆ ਗਿਆ ਸੀ। ਮਾਮਲੇ ਦੀ ਪੜਤਾਲ ਅੱਗੇ ਵਧੀ ਤਾਂ ਟਰੱਕ ਡਰਾਈਵਰ ਨੇ ਭੇਤ ਖੋਲ੍ਹਣੇ ਸ਼ੁਰੂ ਕਰ ਦਿਤੇ। ਪੁਲਿਸ ਨੇ 120 ਕਿਲੋ ਕੋਕੀਨ ਬਰਾਮਦ ਕਰਨ ਦਾ ਦਾਅਵਾ ਵੀ ਕੀਤਾ। ਇਕ ਮਗਰੋਂ ਇਕ ਕੜੀਆਂ ਜੁੜੀਆਂ ਤਾਂ 100 ਕਿਲੋ ਮੈਥਮਫੈਟਾਮਿਨ ਬਰਾਮਦ ਕਰਨ ਵਿਚ ਵੀ ਸਫਲਤਾ ਮਿਲੀ ਜਦਕਿ ਦੋ ਕਿਲੋ ਐਮ.ਡੀ.ਐਮ.ਏ. ਅਤੇ ਕਈ ਕਿਲੋ ਭੰਗ ਵੀ ਬਰਾਮਦ ਹੋਈ।