ਪੰਜਾਬ ‘ਚ ਅਕਾਲੀ ਦਲ-ਭਾਜਪਾ ਵਿਚਾਲੇ ਕੁਝ ਵੀ ਤੈਅ ਨਹੀਂ : ਅਮਿਤ ਸ਼ਾਹ
ਨਵੀਂ ਦਿੱਲੀ : ਦੇਸ਼ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਪੰਜਾਬ &lsquoਚ ਭਾਜਪਾ-ਅਕਾਲੀ ਦਲ ਗਠਜੋੜ ਦੀਆਂ ਅਟਕਲਾਂ &lsquoਤੇ ਸਫਾਈ ਦਿੱਤੀ ਹੈ। ਇੱਕ ਇੰਟਰਵਿਊ ਵਿੱਚ ਉਨ੍ਹਾਂ ਪੰਜਾਬ ਵਿੱਚ ਸਿਆਸੀ ਪਸਾਰ ਬਾਰੇ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਉਨ੍ਹਾਂ ਕਿਹਾ ਕਿ ਪੰਜਾਬ ਵਿੱਚ ਅਕਾਲੀ ਦਲ ਨਾਲ ਅਜੇ ਤੱਕ ਕੁਝ ਵੀ ਤੈਅ ਨਹੀਂ ਹੋਇਆ ਹੈ। ਅੱਜ ਤੱਕ ਭਾਜਪਾ ਨੇ ਆਪਣੇ ਕਿਸੇ ਸਹਿਯੋਗੀ ਨੂੰ ਪਾਰਟੀ ਛੱਡਣ ਲਈ ਨਹੀਂ ਕਿਹਾ ਹੈ।
ਦੇਸ਼ &lsquoਚ ਭਾਜਪਾ ਗਠਜੋੜ &lsquoਤੇ ਅਮਿਤ ਸ਼ਾਹ ਨੇ ਕਿਹਾ ਕਿ ਇਕ ਤਰ੍ਹਾਂ ਨਾਲ ਦੇਸ਼ ਦੀਆਂ ਸਾਰੀਆਂ ਪਾਰਟੀਆਂ ਨੂੰ ਆਪਣੇ ਸਿਆਸੀ ਫੈਸਲੇ ਵਿਚਾਰਧਾਰਾ ਦੇ ਮੁਤਾਬਕ ਲੈਣੇ ਚਾਹੀਦੇ ਹਨ ਪਰ, ਅਜਿਹਾ ਨਹੀਂ ਹੁੰਦਾ। ਭਾਜਪਾ ਆਪਣੇ ਏਜੰਡੇ, ਆਪਣੇ ਪ੍ਰੋਗਰਾਮ ਅਤੇ ਵਿਚਾਰਧਾਰਾ ਅਨੁਸਾਰ ਆਪਣੀ ਥਾਂ &lsquoਤੇ ਸਥਿਰ ਹੈ। ਬਹੁਤ ਸਾਰੇ ਦੋਸਤ ਆਉਂਦੇ ਹਨ ਅਤੇ ਜਾਂਦੇ ਹਨ।
ਅਮਿਤ ਸ਼ਾਹ ਨੇ ਕਿਹਾ ਕਿ ਕਈ ਵਾਰ ਘਟਨਾਵਾਂ ਵਾਪਰਦੀਆਂ ਹਨ ਅਤੇ ਕਈ ਵਾਰ ਅਜਿਹੇ ਕਦਮ ਚੁੱਕਣੇ ਪੈਂਦੇ ਹਨ। ਪਰ, ਭਾਜਪਾ ਨੇ ਕਦੇ ਵੀ ਕਿਸੇ ਨੂੰ ਐਨਡੀਏ ਵਿੱਚੋਂ ਨਹੀਂ ਕੱਢਿਆ। ਹਮੇਸ਼ਾ ਗਠਜੋੜ ਦੇ ਧਰਮ ਦਾ ਪਾਲਣ ਕੀਤਾ ਹੈ। ਅਜਿਹੇ ਕਈ ਸਥਾਨ ਹਨ ਜਿੱਥੇ ਭਾਜਪਾ ਇੱਕ ਪ੍ਰਮੁੱਖ ਪਾਰਟੀ ਵਜੋਂ ਉੱਭਰੀ ਹੈ। ਪਰ, ਅਸੀਂ ਛੋਟੀ ਪਾਰਟੀ ਨੂੰ ਮੁੱਖ ਮੰਤਰੀ ਚੁਣਨ ਦਾ ਮੌਕਾ ਦਿੱਤਾ। ਸਾਨੂੰ ਕਈ ਥਾਵਾਂ &lsquoਤੇ ਪੂਰਨ ਬਹੁਮਤ ਮਿਲਿਆ, ਫਿਰ ਵੀ ਮੰਤਰੀ ਮੰਡਲ &lsquoਚ ਆਪਣੇ ਸਹਿਯੋਗੀਆਂ ਨੂੰ ਅਹਿਮ ਸਥਾਨ ਦਿੱਤਾ।
ਅਮਿਤ ਸ਼ਾਹ ਨੇ ਸਪੱਸ਼ਟ ਕੀਤਾ ਕਿ ਅਕਾਲੀ ਦਲ ਬਾਰੇ ਅਜੇ ਕੁਝ ਤੈਅ ਨਹੀਂ ਹੋਇਆ ਹੈ। ਗੱਲਬਾਤ ਚੱਲ ਰਹੀ ਹੈ। ਪਰ ਭਾਜਪਾ ਦੇ ਹਾਲਾਤ, ਸਮੀਕਰਨ ਅਤੇ ਕੁਝ ਖੇਤਰੀ ਆਗੂ ਇਸ ਦੇ ਹੱਕ ਵਿੱਚ ਨਹੀਂ ਜਾਪਦੇ।