ਅਮਰੀਕਾ: ਉੱਤਰੀ ਐਰੀਜ਼ੋਨਾ ਵਿੱਚ ਮੈਡੀਕਲ ਮਾਲਵਾਹਕ ਜਹਾਜ਼ ਹਾਦਸਾਗ੍ਰਸਤ, 4 ਮੌਤਾਂ

ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਅਤੇ ਸੀਐੱਸਆਈ ਏਵੀਏਸ਼ਨ ਦੇ ਅਨੁਸਾਰ ਸੀਐਸਆਈ ਏਵੀਏਸ਼ਨ ਕੰਪਨੀ ਦਾ ਇੱਕ ਬੀਚਕਰਾਫਟ ਕਿੰਗ ਏਅਰ 300 (Beechcraft King Air 300) ਜਹਾਜ਼ ਦੋ ਪਾਇਲਟਾਂ ਅਤੇ ਦੋ ਸਿਹਤ ਸੰਭਾਲ ਕਰਮੀਆਂ ਨਾਲ ਅਲਬੂਕਰਕੀ, ਨਿਊ ਮੈਕਸੀਕੋ ਤੋਂ ਰਵਾਨਾ ਹੋਇਆ ਸੀ। ਇਹ ਦੁਪਹਿਰ ਵੇਲੇ ਫੀਨਿਕਸ ਤੋਂ ਲਗਭਗ 300 ਮੀਲ (483 ਕਿਲੋਮੀਟਰ) ਉੱਤਰ-ਪੂਰਬ ਵਿੱਚ ਸਥਿਤ ਚਿਨਲੇ ਹਵਾਈ ਅੱਡੇ ਦੇ ਕੋਲ ਹਾਦਸਾਗ੍ਰਸਤ ਹੋ ਗਿਆ।

ਜ਼ਿਲ੍ਹਾ ਪੁਲੀਸ ਕਮਾਂਡਰ ਐਮੇਟ ਯਾਜ਼ੀ ਨੇ ਕਿਹਾ, &lsquo&lsquoਉਹ ਉੱਥੇ ਉਤਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ ਅਤੇ ਬਦਕਿਸਮਤੀ ਨਾਲ ਕੁਝ ਗਲਤ ਹੋ ਗਿਆ।&rsquo&rsquo ਨਵਾਜੋ ਡਿਪਾਰਟਮੈਂਟ ਆਫ ਐਮਰਜੈਂਸੀ ਮੈਨੇਜਮੈਂਟ ਦੀ ਡਾਇਰੈਕਟਰ ਸ਼ੈਰੇਨ ਸੈਂਡੋਵਾਲ ਨੇ ਦੱਸਿਆ ਕਿ ਚਾਲਕ ਦਲ ਚਿਨਲੇ ਦੇ ਸੰਘੀ ਇੰਡੀਅਨ ਹੈਲਥ ਸਰਵਿਸ ਹਸਪਤਾਲ ਤੋਂ ਗੰਭੀਰ ਦੇਖਭਾਲ ਦੀ ਲੋੜ ਵਾਲੇ ਇੱਕ ਮਰੀਜ਼ ਨੂੰ ਲੈਣ ਦੀ ਯੋਜਨਾ ਬਣਾ ਰਿਹਾ ਸੀ। ਉਨ੍ਹਾਂ ਕਿਹਾ ਕਿ ਯੋਜਨਾ ਅਲਬੂਕਰਕੀ ਵਾਪਸ ਜਾਣ ਦੀ ਸੀ। ਮੰਗਲਵਾਰ ਸ਼ਾਮ ਤੱਕ ਮਰੀਜ਼ ਦੀ ਸਥਿਤੀ ਅਤੇ ਉਹ ਕਿੱਥੇ ਸੀ, ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ।