ਟਰੰਪ ਦਾ 50 ਫ਼ੀਸਦ ਟੈਰਿਫ ‘ਧੱਕਾ ਤੇ ਧਮਕਾਉਣ ਦੀ ਕੋਸ਼ਿਸ਼’: ਰਾਹੁਲ

ਲੋਕ ਸਭਾ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਵੱਲੋਂ ਭਾਰਤ &rsquoਤੇ 50 ਫੀਸਦ ਟੈਰਿਫ ਲਾਏ ਜਾਣ ਦੇ ਐਲਾਨ ਮਗਰੋਂ ਅੱਜ ਕਿਹਾ ਕਿ ਇਹ &lsquoਧੱਕਾ ਤੇ ਧਮਕਾਉਣ ਦੀ ਕੋਸ਼ਿਸ਼&rsquo ਹੈ। ਉਨ੍ਹਾਂ ਕਿਹਾ ਇਹ ਆਰਥਿਕ ਬਲੈਕਮੇਲ ਹੈ ਅਤੇ ਅਢੁੱਕਵੇਂ ਵਪਾਰ ਸਮਝੌਤੇ ਵਾਸਤੇ ਦੇਸ਼ ਨੂੰ ਧਮਕਾਉਣ ਦੀ ਕੋਸ਼ਿਸ਼ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਆਪਣੀ &lsquoਕਮਜ਼ੋਰੀ&rsquo ਭਾਰਤੀ ਹਿੱਤਾਂ &rsquoਤੇ ਭਾਰੂ ਨਹੀਂ ਪੈਣ ਦੇਣੀ ਚਾਹੀਦੀ।

ਕਾਂਗਰਸੀ ਆਗੂ ਨੇ &lsquoਐਕਸ&rsquo &rsquoਤੇ ਕਿਹਾ, &lsquo&lsquoਟਰੰਪ ਦਾ 50 ਫ਼ੀਸਦ ਟੈਰਿਫ ਆਰਥਿਕ ਬਲੈਕਮੇਲ ਹੈ। ਅਢੁੱਕਵੇਂ ਵਪਾਰ ਸਮਝੌਤੇ ਲਈ ਭਾਰਤ ਨੂੰ ਧਮਕਾਉਣ ਦੀ ਕੋਸ਼ਿਸ਼ ਹੈ।&rsquo&rsquo ਉਨ੍ਹਾਂ ਕਿਹਾ ਕਿ ਬਿਹਤਰ ਹੋਵੇਗਾ ਜੇਕਰ ਪ੍ਰਧਾਨ ਮੰਤਰੀ ਮੋਦੀ ਆਪਣੀ ਕਮਜ਼ੋਰੀ ਨੂੰ ਭਾਰਤੀਆਂ ਦੇ ਹਿੱਤਾਂ &rsquoਤੇ ਭਾਰੂ ਨਾ ਪੈਣ ਦੇਣ। ਉਧਰ, ਕਾਂਗਰਸ ਨੇ ਕਿਹਾ ਕਿ ਹੁਣ ਭਾਰਤ ਦੀ ਵਿਦੇਸ਼ ਨੀਤੀ ਅਤੇ ਸ਼ਾਸਨ ਪ੍ਰਣਾਲੀ ਵਿੱਚ ਵੱਡੇ ਬਦਲਾਅ ਦੀ ਲੋੜ ਹੈ। ਕਾਂਗਰਸ ਜਨਰਲ ਸਕੱਤਰ ਜੈਰਾਮ ਰਮੇਸ਼ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਨੂੰ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਤੋਂ ਪ੍ਰੇਰਨਾ ਲੈਂਦਿਆਂ ਅਮਰੀਕਾ ਅੱਗੇ ਡਟ ਕੇ ਖੜ੍ਹਨ ਦੀ ਲੋੜ ਹੈ।