ਇਕਲੌਤੇ ਪੁੱਤ ਜਸਕਰਨ ਸਿੰਘ ਲੱਖਾਂ ਰੁਪੲੈ ਕਰਜ਼ਾ ਚੁੱਕ 3 ਮਹੀਨੇ ਪਹਿਲਾਂ ਹੀ ਭੇਜਿਆ ਸੀ ਇਟਲੀ ਜਿੱਥੋ ਹੁਣ ਪੁੱਤ ਨਹੀਂ ਉਸ ਦੀ ਲਾਸ਼ ਆਵੇਗੀ,ਸਾਰੇ ਪਰਿਵਾਰ ਦਾ ਰੋ-ਰੋ ਬੁਰਾ ਹਾਲ

 ਰੋਮ ਇਟਲੀ  (ਗੁਰਸ਼ਰਨ ਸਿੰਘ ਸੋਨੀ)ਇਟਲੀ ਦੇ ਮਾਤੇਰਾ ਇਲਾਕੇ ਵਿੱਚ ਇੱਕ ਕਾਰ ਤੇ ਟਰੱਕ ਦਦੀ ਟੱਕਰ ਵਿੱਚ ਮਾਰੇ ਗਏ 4 ਪੰਜਾਬੀਆਂ ਵਿਚੋਂ ਇੱਕ ਮਰਹੂਮ ਜਸਕਰਨ ਸਿੰਘ ਪੱਤਰ ਕੁਲਵਿੰਦਰ ਸਿੰਘ ਵਾਸੀ ਪੁਰਖਾਲੀ ਜਿ਼ਲ੍ਹਾ ਰੋਪੜ ਦਾ ਮਹਿਜ 20 ਸਾਲ ਦਾ ਇਹ ਨੌਜਵਾਨ ਹਾਲੇ ਜੁਲਾਈ 2025 ਨੂੰ ਹੀ ਘਰ ਦੀ ਗਰੀਬੀ ਦੂਰ ਕਰਨ ਤੇ ਭੱਵਿਖ ਬਿਹਤਰ ਬਣਾਉਣ 12-13 ਲੱਖ ਕਰਜ਼ਾ ਚੁੱਕ ਇਟਲੀ ਆਇਆ ਸੀ ਤੇ ਇੱਥੇ ਖੇਤਾਂ ਵਿੱਚ ਦਿਹਾੜੀ-ਦੱਪਾ ਕਰ ਕਰਜ਼ਾ ਮੋੜਨ ਲਈ ਦਿਨ-ਰਾਤ ਇੱਕ ਕਰ ਰਿਹਾ ਸੀ ਕਿ ਅਚਾਨਕ ਹੋਣੀ ਨੇ ਉਸ ਨੂੰ ਦਬੋਚ ਲਿਆ। ਪ੍ਰੈੱਸ ਮਰਹੂਮ ਜਸਕਰਨ ਸਿੰਘ ਦੇ ਭੂਆ ਦੇ ਮੁੰਡੇ ਲਖਵਿੰਦਰ ਸਿੰਘ ਨੇ ਫੋਨ ਰਾਹੀ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਉਹਨਾਂ ਦਾ ਮਾਮਾ ਕੁਲਵਿੰਦਰ ਸਿੰਘ ਮਜ਼ਦੂਰੀ ਕਰਕੇ ਪਰਿਵਾਰ ਦਾ ਗੁਜ਼ਾਰਾ ਕਰ ਰਿਹਾ ਤੇ ਰਕਮ ਕਰਜ਼ਾ ਚੁੱਕ ਉਸ ਨੇ ਇਕਲੌਤੇ ਪੁੱਤ ਨੂੰ ਇਟਲੀ ਭੇਜਿਆਾ ਸੀ ਕਿ ਉਹਨਾਂ ਦਾ ਬੁੱਢਾਪਾ ਚੰਗਾ ਨਿਕਲ ਜਾਵੇਗਾ ਪਰ ਕੀ ਪਤਾ ਸੀ ਕਿ ਇਟਲੀ ਤੋਂ ਹੁਣ ਪੁੱਤ ਨਹੀਂ ਸਗੋਂ ਉਸ ਦੀ ਲਾਸ਼ ਹੀ ਆਵੇਗੀ।ਜਸਕਰਨ ਸਿੰਘ ਦੇ ਐਕਸੀਡੈਂਟ ਖ਼ਬਰ ਉਹਨਾਂ ਅੱਜ ਜਦੋਂ ਅਖ਼ਬਾਰ ਵਿੱਚ ਪੜ੍ਹੀ ਤਾਂ ਉਹਨਾਂ ਦੇ ਪੈਰਾਂ ਹੇਠੋਂ ਜਮੀਨ ਨਿਕਲ ਗਈ।ਸਾਰੇ ਪਰਿਵਾਰ ਦਾ ਰੋ-ਰੋ ਬੁਰਾ ਹਾਲ ਹੈ।ਲਖਵਿੰਦਰ ਸਿੰਘ ਇਟਲੀ ਦੇ ਭਾਰਤੀ ਭਾਈਚਾਰੇ ਤੇ ਭਾਰਤੀ ਅੰਬੈਸੀ ਰੋਮ ਨੂੰ ਗੁਜਾਰਿਸ ਕੀਤੀ ਹੈ ਕਿ ਮਰਹੂਮ ਜਸਕਰਨ ਸਿੰਘ ਲਾਸ਼ ਨੂੰ ਭਾਰਤ ਭੇਜਣ ਵਿੱਚ ਉਹ ਮਦਦ ਕਰਨ ਤਾਂ ਜੋ ਮਾਪਿਆਂ ਨੂੰ ਜਿਗਰ ਦੇ ਟੁੱਕੜੇ ਦੀ ਮੌਤ ਦਾ ਯਕੀਨ ਆ ਜਾਵੇ।ਜਿ਼ਕਰਯੋਗ ਹੈ ਕਿ ਭਾਰਤੀ ਅੰਬੈਂਸੀ ਰੋਮ ਵੀ ਇਸ ਘਟਨਾ ਵਿੱਚ ਮਰੇ ਪੰਜਾਬੀਆਂ ਦੀ ਸਨਾਖਤ ਕਰਨ ਲਈ ਪਰਿਵਾਰ ਨਾਲ ਰਾਫ਼ਤਾ ਕਰਨ ਦੀ ਕੋਸਿ਼ਸ ਵਿੱਚ ਹੈ ਪਰ ਹੁਣ ਤੱਕ ਮਰਨ ਵਾਲੇ ਸਾਰੇ ਨੌਜਵਾਨਾਂ ਦੇ ਪਰਿਵਾਰਾਂ ਨਾਲ ਸੰਪਰਕ ਨਹੀਂ ਬਣ ਸਕਿਆ ਜਿਸ ਲਈ ਕਾਫ਼ੀ ਜੱਦੋ-ਜਹਿਦ ਚੱਲ ਰਹੀ ਹੈ।