ਇੰਡੋਨੇਸ਼ੀਆ: ਹਾਈ ਸਕੂਲ ਦੀ ਮਸਜਿਦ ’ਚ ਕਈ ਧਮਾਕੇ, 54 ਜ਼ਖਮੀ

ਇੰਡੋਨੇਸ਼ੀਆ ਦੀ ਰਾਜਧਾਨੀ ਜਕਾਰਤਾ ਵਿੱਚ ਸ਼ੁੱਕਰਵਾਰ ਦੀ ਨਮਾਜ਼ ਦੌਰਾਨ ਇੱਕ ਹਾਈ ਸਕੂਲ ਦੀ ਮਸਜਿਦ ਵਿੱਚ ਕਈ ਧਮਾਕਿਆਂ ਕਾਰਨ ਘੱਟੋ-ਘੱਟ 54 ਲੋਕ ਜ਼ਖਮੀ ਹੋ ਗਏ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਵਿਦਿਆਰਥੀ ਸਨ।ਗਵਾਹਾਂ ਨੇ ਸਥਾਨਕ ਟੈਲੀਵਿਜ਼ਨ ਚੈਨਲਾਂ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਦੁਪਹਿਰ ਦੇ ਕਰੀਬ, ਜਦੋਂ ਜਕਾਰਤਾ ਦੇ ਉੱਤਰੀ ਕੇਲਾਪਾ ਗਡਿੰਗ ਇਲਾਕੇ ਵਿੱਚ ਜਲ ਸੈਨਾ ਕੰਪਲੈਕਸ ਦੇ ਅੰਦਰ ਸਥਿਤ ਇੱਕ ਸਰਕਾਰੀ ਹਾਈ ਸਕੂਲ ਸ਼ੰਅ 27 ਦੀ ਮਸਜਿਦ ਵਿੱਚ ਉਪਦੇਸ਼ ਸ਼ੁਰੂ ਹੋਇਆ ਹੀ ਸੀ, ਤਾਂ ਘੱਟੋ-ਘੱਟ ਦੋ ਉੱਚੀ ਆਵਾਜ਼ ਵਾਲੇ ਧਮਾਕੇ ਸੁਣੇ। ਮਸਜਿਦ ਵਿੱਚ ਧੂੰਆਂ ਭਰ ਜਾਣ &rsquoਤੇ ਵਿਦਿਆਰਥੀ ਅਤੇ ਹੋਰ ਲੋਕ ਘਬਰਾਹਟ ਵਿੱਚ ਬਾਹਰ ਭੱਜੇ।
ਜ਼ਿਆਦਾਤਰ ਪੀੜਤਾਂ ਨੂੰ ਸ਼ੀਸ਼ੇ ਦੇ ਟੁਕੜਿਆਂ ਕਾਰਨ ਮਾਮੂਲੀ ਤੋਂ ਲੈ ਕੇ ਗੰਭੀਰ ਸੱਟਾਂ ਲੱਗੀਆਂ ਹਨ। ਜਕਾਰਤਾ ਪੁਲੀਸ ਮੁਖੀ ਅਸੇਪ ਐਡੀ ਸੁਹੇਰੀ ਅਨੁਸਾਰ ਧਮਾਕਿਆਂ ਦਾ ਕਾਰਨ ਤੁਰੰਤ ਪਤਾ ਨਹੀਂ ਲੱਗ ਸਕਿਆ, ਪਰ ਇਹ ਮਸਜਿਦ ਦੇ ਲਾਊਡਸਪੀਕਰ ਦੇ ਨੇੜਿਓਂ ਹੋਏ ਸਨ।