ਅਮਰੀਕੀ ਤਾਲਾਬੰਦੀ ਕਾਰਨ 1000 ਉਡਾਣਾਂ ਰੱਦ

ਅਮਰੀਕੀ ਏਅਰਲਾਈਨ ਕੰਪਨੀਆਂ ਨੇ &lsquoਤਾਲਾਬੰਦੀ&rsquo (ਸਰਕਾਰੀ ਕੰਮਕਾਜ ਲਈ ਫੰਡਾਂ ਦੀ ਕਮੀ) ਕਰਕੇ ਲਗਾਤਾਰ ਦੂਜੇ ਦਿਨ ਸ਼ਨਿੱਚਰਵਾਰ ਨੂੰ ਮੁੜ 1000 ਤੋਂ ਵੱਧ ਉਡਾਣਾਂ ਰੱਦ ਕਰ ਦਿੱਤੀਆਂ। ਸਮੀਖਿਅਕਾਂ ਨੇ ਚਿਤਾਵਨੀ ਦਿੱਤੀ ਕਿ ਜੇ ਇਸੇ ਤਰ੍ਹਾਂ ਉਡਾਣਾਂ ਰੱਦ ਹੁੰਦੀਆਂ ਰਹੀਆਂ ਤਾਂ ਇਸ ਦਾ ਵੱਡੇ ਪੱਧਰ &rsquoਤੇ ਅਸਰ ਪਵੇਗਾ। ਸਰਕਾਰੀ ਤਾਲਾਬੰਦੀ ਅੱਜ ਲਗਾਤਾਰ 40ਵੇਂ ਦਿਨ ਵੀ ਜਾਰੀ ਰਹੀ।

ਸ਼ਨਿੱਚਰਵਾਰ ਸਵੇਰੇ ਉੱਤਰੀ ਕੈਰੋਲੀਨਾ ਦਾ ਸ਼ੈਰਲਟ ਹਵਾਈ ਅੱਡਾ ਸਭ ਤੋਂ ਵੱਧ ਪ੍ਰਭਾਵਿਤ ਹੋਇਆ, ਜਿੱਥੇ ਦੁਪਹਿਰ ਤੱਕ 130 ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ। ਨਿਊ ਜਰਸੀ ਦੇ ਅਟਲਾਂਟਾ, ਸ਼ਿਕਾਗੋ, ਡੈਨਵਰ ਅਤੇ ਨਿਊ ਜਰਸੀ ਦੇ ਨਿਊਯਾਰਕ ਹਵਾਈ ਅੱਡੇ &rsquoਤੇ ਵੀ ਰੁਕਾਵਟਾਂ ਦੇਖੀਆਂ ਗਈਆਂ। ਰਾਡਾਰ ਸੈਂਟਰਾਂ ਅਤੇ ਕੰਟਰੋਲ ਟਾਵਰਾਂ &rsquoਤੇ ਸਟਾਫ ਦੀ ਲਗਾਤਾਰ ਘਾਟ ਕਾਰਨ ਸ਼ਨਿੱਚਰਵਾਰ ਨੂੰ ਨਿਊਯਾਰਕ ਸ਼ਹਿਰ ਦੇ ਆਲੇ-ਦੁਆਲੇ ਕਈ ਪੂਰਬੀ ਤੱਟ ਹਵਾਈ ਅੱਡਿਆਂ &rsquoਤੇ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਜਾਂ ਦੇਰੀ ਨਾਲ ਉੱਡੀਆਂ। ਯੂ ਐੱਸ ਫੈਡਰਲ ਏਵੀਏਸ਼ਨ ਐਡਮਨਿਸਟ੍ਰੇਸ਼ਨ (ਐੱਫ ਏ ਏ) ਨੇ ਫੈਡਰਲ ਬੰਦ ਦੇ ਵਿਚਕਾਰ ਦੇਸ਼ ਵਿਆਪੀ ਉਡਾਣਾਂ ਵਿੱਚ ਕਟੌਤੀ ਦਾ ਆਦੇਸ਼ ਦਿੱਤਾ ਹੈ ਹਾਲਾਂਕਿ ਸਾਰੀਆਂ ਉਡਾਣਾਂ ਰੱਦ ਹੋਣ ਦਾ ਕਾਰਨ ਐੱਫ ਏ ਏ ਦਾ ਹੁਕਮ ਨਹੀਂ ਹੈ।