ਵਿਸ਼ਵ ਭਰ ਵਿਚ ਚੈਟ ਜੀਪੀਟੀ ਤੇ ਐਕਸ ਦਾ ਸਰਵਰ ਡਾਊਨ

ਵਿਸ਼ਵ ਭਰ ਵਿਚ ਚੈਟ ਜੀਪੀਟੀ ਤੇ ਐਕਸ ਦਾ ਸਰਵਰ ਇਕ ਘੰਟਾ ਬੰਦ ਰਿਹਾ। ਇਸ ਤੋਂ ਇਲਾਵਾ ਐਕਸ &rsquoਤੇ ਵੀ ਕੋਈ ਨਵੀਂ ਜਾਣਕਾਰੀ ਸਾਹਮਣੇ ਨਹੀਂ ਆ ਰਹੀ ਤੇ ਇਸ ਦਾ ਵੀ ਸਰਵਰ ਡਾਊਨ ਹੈ। ਇਹ ਪਤਾ ਲੱਗਿਆ ਹੈ ਕਿ ਇਹ ਸਰਵਰ ਸ਼ਾਮ ਪੰਜ ਵਜੇ ਤੋਂ ਬਾਅਦ ਡਾਊਨ ਹੋਏ। ਇਹ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਯੂਜ਼ਰਜ਼ ਨੂੰ ਲਾਗ ਇਨ, ਪੋਸਟ ਪਾਉਣ ਤੇ ਹੋਰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਤੋਂ ਪਹਿਲਾਂ ਵੀ ਐਕਸ ਦਾ ਸਰਵਰ ਪਿਛਲੇ ਮਹੀਨੇ ਵੀ ਡਾਊਨ ਹੋ ਗਿਆ ਸੀ ਤੇ ਲੋਕਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਚੰਡੀਗੜ੍ਹ ਵਿਚ ਕਈ ਥਾਵਾਂ &rsquoਤੇ ਕਿਹਾ ਜਾ ਰਿਹਾ ਹੈ ਕਿ ਸਰਵਰ ਡਾਊਨ ਹੈ ਪਰ ਕਈ ਇਸ ਨੂੰ ਠੀਕ ਚੱਲ ਰਿਹਾ ਦੱਸ ਰਹੇ ਹਨ। ਬਾਅਦ ਵਿਚ ਸ਼ਾਮ ਛੇ ਵਜੇ ਇਸ ਸਮੱਸਿਆ ਨੂੰ ਠੀਕ ਕਰ ਦਿੱਤਾ ਗਿਆ।