AI ’ਤੇ ਅੰਨ੍ਹਾ ਭਰੋਸਾ ਨਾ ਕਰੋ: ਗੂਗਲ ਦੇ ਮੁਖੀ ਸੁੰਦਰ ਪਿਚਾਈ ਦੀ ਚੇਤਾਵਨੀ

ਗੂਗਲ ਦੀ ਮੂਲ ਕੰਪਨੀ ਐਲਫਾਬੇਟ (Alphabet) ਦੇ ਮੁਖੀ ਅਤੇ ਭਾਰਤੀ-ਅਮਰੀਕੀ ਸੀ.ਈ.ਓ. ਸੁੰਦਰ ਪਿਚਾਈ ਨੇ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਉਹ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੁਆਰਾ ਦਿੱਤੀ ਹਰ ਗੱਲ &rsquoਤੇ ਅੰਨ੍ਹਾ ਭਰੋਸਾ ਨਾ ਕਰਨ। ਇੱਕ ਇੰਟਰਵਿਊ ਵਿੱਚ ਪਿਚਾਈ ਨੇ ਕਿਹਾ ਕਿ AI ਮਾਡਲਾਂ ਵਿੱਚ &lsquoਗਲਤੀਆਂ ਹੋਣ ਦੀ ਸੰਭਾਵਨਾ&rsquo ਹੁੰਦੀ ਹੈ, ਇਸ ਲਈ ਵਰਤੋਂਕਾਰਾਂ ਨੂੰ ਇਸਨੂੰ ਹੋਰ ਸਾਧਨਾਂ ਨਾਲ ਸੰਤੁਲਿਤ ਕਰਕੇ ਵਰਤਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਜੇ ਤੁਸੀਂ ਕੋਈ ਰਚਨਾਤਮਕ ਚੀਜ਼ ਲਿਖਣਾ ਚਾਹੁੰਦੇ ਹੋ ਤਾਂ AI ਟੂਲ ਮਦਦਗਾਰ ਹਨ, ਪਰ ਲੋਕਾਂ ਨੂੰ ਸਿੱਖਣਾ ਪਵੇਗਾ ਕਿ ਇਹਨਾਂ ਟੂਲਾਂ ਨੂੰ ਉਸ ਲਈ ਵਰਤੋ ਜਿਸ ਲਈ ਇਹ ਚੰਗੇ ਹਨ ਅਤੇ ਇਹ ਜੋ ਕਹਿੰਦੇ ਹਨ ਉਸ &rsquoਤੇ ਅੰਨ੍ਹਾ ਭਰੋਸਾ ਨਾ ਕਰੋ।

ਪਿਚਾਈ ਨੇ ਕਿਹਾ ਕਿ ਗੂਗਲ ਹਮੇਸ਼ਾ ਸਹੀ ਜਾਣਕਾਰੀ ਦੇਣ ਦੀ ਕੋਸ਼ਿਸ਼ ਕਰਦਾ ਹੈ ਪਰ ਮੌਜੂਦਾ AI ਤਕਨਾਲੋਜੀ ਵਿੱਚ ਗਲਤੀਆਂ ਆ ਸਕਦੀਆਂ ਹਨ। ਇਸੇ ਲਈ ਲੋਕ ਗੂਗਲ ਸਰਚ ਵਰਗੇ ਟੂਲ ਵੀ ਵਰਤਦੇ ਹਨ, ਜੋ ਵਧੇਰੇ ਸਹੀ ਜਾਣਕਾਰੀ ਪ੍ਰਦਾਨ ਕਰਦੇ ਹਨ।