ਅੰਤਰਰਾਸ਼ਟਰੀ ਪ੍ਰਵਾਸ ਕਾਰਨ ਗਲਾਸਗੋ ਦੀ ਅਬਾਦੀ ਵਧੀ

ਗਲਾਸਗੋ,(ਹਰਜੀਤ ਦੁਸਾਂਝ ਪੁਆਦੜਾ) - ਨੈਸ਼ਨਲ ਰਿਕਾਰਡ ਆਫ ਸਕਾਟਲੈਡ ਦੇ ਤਾਜ਼ਾ ਅੰਕੜਿਆਂ ਅਨੁਸਾਰ ਪਿਛਲੇ ਸਾਲ ਗਲਾਸਗੋ ਸ਼ਹਿਰ ਦੀ ਆਬਾਦੀ ਅੰਤਰਰਾਸ਼ਟਰੀ ਪ੍ਰਵਾਸ ਕਾਰਨ
ਵਧੀ ਹੈ। ਜੂਨ 2024 ਅਤੇ ਜੂਨ 2025 ਦੇ ਵਿਚਕਾਰ ਸ਼ਹਿਰ ਵਿੱਚ ਰਹਿਣ ਵਾਲੇ ਲੋਕਾਂ ਦੀ ਗਿਣਤੀ ਵਿੱਚ 14130 ਦਾ ਵਾਧਾ ਹੋਇਆ, ਜਿਸ ਵਿੱਚ 11,540 ਪ੍ਰਵਾਸੀਆਂ ਦੀ ਗਿਣਤੀ ਰਿਕਾਰਡ ਹੋਈ ਹੈ। ਇਸ ਦਾ ਮੁੱਖ ਕਾਰਨ ਅੰਤਰਰਾਸ਼ਟਰੀ ਪ੍ਰਵਾਸ ਹੈ, ਜਿਸ ਵਿੱਚ ਗਲਾਸਗੋ ਛੱਡਣ ਨਾਲੋਂ ਜ਼ਿਆਦਾ ਲੋਕ ਗਲਾਸਗੋ ਆ ਕੇ ਵਸੇ, ਜਦੋਂ ਕਿ ਮੌਤਾਂ ਦੀ ਦਰ ਜਨਮ ਦਰ ਨਾਲੋਂ ਜ਼ਿਆਦਾ ਰਹੀ । ਅੰਕੜੇ ਦਰਸਾਉਂਦੇ ਹਨ ਕਿ ਗਲਾਸਗੋ ਵਿੱਚ 20,400 ਵਿਦੇਸ਼ੀ ਲੋਕ ਗਲਾਸਗੋ ਆ ਕੇ ਵਸੇ ਅਤੇ ਸਿਰਫ 6270 ਛੱਡ ਕੇ ਗਏ । ਜੂਨ 2025 ਵਿੱਚ ਸ਼ਹਿਰ ਦੀ ਆਬਾਦੀ 650,300 ਸੀ ਜੋ ਇੱਕ ਸਾਲ ਪਹਿਲਾਂ 638760 ਸੀ। ਇੱਕ ਅਧਿਐਨ ਅਨੁਸਾਰ ਜਨਮ ਅਤੇ ਪ੍ਰਜਨਨ ਦਰ ਸਭ ਤੋਂ ਘੱਟ ਹੈ ਅਤੇ ਲਗਾਤਾਰ ਨੌਵੇਂ ਸਾਲ ਵਿੱਚ ਜਨਮਾਂ ਨਾਲੋਂ ਵੱਧ ਮੌਤਾਂ ਹੋਈਆਂ।