PU ਦਾ ਪ੍ਰੋਫੈਸਰ ਗ੍ਰਿਫਤਾਰ, 2021 ‘ਚ ਦੀਵਾਲੀ ਦੀ ਰਾਤ ਕੀਤਾ ਸੀ ਪਤਨੀ ਦਾ ਕਤਲ

ਚੰਡੀਗੜ੍ਹ ਵਿੱਚ ਪੰਜਾਬ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਭੂਸ਼ਣ ਗੋਇਲ ਨੂੰ ਆਪਣੀ ਪਤਨੀ ਦੇ ਕਤਲ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਹ ਗ੍ਰਿਫ਼ਤਾਰੀ ਕਤਲ ਤੋਂ ਚਾਰ ਸਾਲ ਬਾਅਦ ਹੋਈ ਹੈ। ਦੋਸ਼ੀ ਪ੍ਰੋਫੈਸਰ ਕਈ ਸਾਲਾਂ ਤੋਂ ਪੁਲਿਸ ਨੂੰ ਗੁੰਮਰਾਹ ਕਰ ਰਿਹਾ ਸੀ। ਦਰਅਸਲ, ਪੰਜਾਬ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਭਾਰਤ ਭੂਸ਼ਣ ਗੋਇਲ ਨੇ ਆਪਣੀ ਪਤਨੀ ਸੀਮਾ ਗੋਇਲ ਦਾ ਕਤਲ ਕਰ ਦਿੱਤਾ ਸੀ। ਉਸ ਦੀ ਲਾਸ਼ 4 ਨਵੰਬਰ, 2021 ਨੂੰ ਪੀਯੂ ਕੈਂਪਸ ਦੇ ਨੇੜੇ ਜੀ ਬਲਾਕ ਵਿੱਚ ਘਰ ਵਿਚੋਂ ਮਿਲੀ ਸੀ।

ਪੰਜਾਬ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਭਾਰਤ ਭੂਸ਼ਣ ਗੋਇਲ ਦੀ ਪਤਨੀ ਸੀਮਾ ਗੋਇਲ ਦਾ ਕਤਲ 4 ਨਵੰਬਰ, 2021 ਨੂੰ ਦੀਵਾਲੀ ਦੀ ਰਾਤ ਨੂੰ ਕੀਤਾ ਗਿਆ ਸੀ। ਪੁਲਿਸ ਨੂੰ ਦਿੱਤੇ ਗੋਇਲ ਦੇ ਬਿਆਨ ਮੁਤਾਬਕ ਉਸ ਨੇ ਪਤਨੀ ਸੀਮਾ ਗੋਇਲ (60) ਦੀ ਲਾਸ਼ ਸਭ ਤੋਂ ਪਹਿਲਾਂ ਵੇਖੀ ਸੀ, ਉਸ ਦੇ ਹੱਥ-ਪੈਰ ਕੱਪੜੇ ਨਾਲ ਬੱਝੇ ਹੋਏ ਅਤੇ ਮੂਹ ਵਿਚ ਵੀ ਕੱਪੜਾ ਠੂਸਿਆ ਹੋਇਆ ਸੀ ਪੁਲਿਸ ਦੇ ਮੌਕੇ &lsquoਤੇ ਪਹੁੰਚਣ ਤੋਂ ਪਹਿਲਾਂ ਉਹ ਉਸ ਨੂੰ ਹਸਪਤਾਲ ਲੈ ਗਿਆ ਜਿਥੇ ਡਾਕਟਰਾਂ ਨੇ ਸੀਮਾ ਗੋਇਲ ਨੂੰ ਮ੍ਰਿਤਕ ਐਲਾਨ ਦਿੱਤਾ ਸੀ। ਸੀਮਾ ਗੋਇਲ ਦ ਮੋਬਾਈਲ ਫੋਨ ਵੀ ਗਾਇਬ ਸੀ।