ਕੈਨੇਡਾ ’ਚ ਮਹਿੰਗੀਆਂ ਗੱਡੀਆਂ ਚੋਰੀ ਕਰਨ ਵਾਲੇ 6 ਭਾਰਤੀ ਕਾਬੂ

ਟੋਰਾਂਟੋ : ਕੈਨੇਡਾ ਵਿਚੋਂ ਮਹਿੰਗੀਆਂ ਗੱਡੀਆਂ ਚੋਰੀ ਕਰ ਕੇ ਵਿਦੇਸ਼ ਭੇਜਣ ਵਾਲੇ 6 ਭਾਰਤੀਆਂ ਸਣੇ ਘੱਟੋ ਘੱਟ 20 ਜਣਿਆਂ ਦੇ ਗਿਰੋਹ ਦਾ ਪਰਦਾ ਫ਼ਾਸ਼ ਕੀਤਾ ਗਿਆ ਹੈ। ਜੀ ਹਾਂ, 306 ਗੱਡੀਆਂ ਬਰਾਮਦ ਕਰਦਿਆਂ ਉਨਟਾਰੀਓ ਪ੍ਰੋਵਿਨਸ਼ੀਅਲ ਪੁਲਿਸ ਨੇ ਦੱਸਿਆ ਕਿ ਬਰੈਂਪਟਨ ਦੇ 40 ਸਾਲ ਅਮਨਦੀਪ ਸਿੰਘ, ਬੋਲਟਨ ਦੇ 53 ਸਾਲਾ ਸੁਖਵਿੰਦਰ ਕਲੋਇਆ, ਬਰੈਂਪਟਨ ਦੇ 57 ਸਾਲਾ ਰਘਬੀਰ ਵਾਲੀਆ, ਮਿਲਟਨ ਦੀ 45 ਸਾਲਾ ਸਮੀਨਾ ਕਾਮਰਾਨ, ਬਰੈਂਪਟਨ ਦੇ 33 ਸਾਲਾ ਸੰਦੀਪ ਕੁਮਾਰ ਅਤੇ 26 ਸਾਲਾ ਜਿਗਰਦੀਪ ਸਿੰਘ, ਮਿਲਟਨ ਦੇ 52 ਸਾਲਾ ਮੁਹੰਮਦ ਮਿਰਜ਼ਾ, ਔਸ਼ਵਾ ਦੇ 29 ਸਾਲਾ ਮੁਹੰਮਦ ਮਲਿਕ ਅਤੇ ਸੁਲਤਾਨ ਅਬੂ ਸ਼ਬਾਬ, ਓਕਵਿਲ ਦੇ 37 ਸਾਲ ਜ਼ੀਆ ਕਾਜ਼ੀ, ਨੌਰਥ ਯਾਰਕ ਦੇ 20 ਸਾਲਾ ਉਸਮਾਨ ਇਸ਼ਫ਼ਾਕ ਅਤੇ ਮਿਸੀਸਾਗਾ ਦੇ 23 ਸਾਲਾ ਯਾਹਯਾ ਖਾਨ ਨੂੰ ਕਾਬੂ ਕਰਦਿਆਂ ਵੱਖ ਵੱਖ ਦੋਸ਼ ਆਇਦ ਕੀਤੇ ਗਏ ਹਨ।