ਫਰਾਂਸ ਦੇ ਰਾਸ਼ਟਰਪਤੀ ਭਵਨ ’ਚ ਲੱਖਾਂ ਦੀ ਚੋਰੀ

ਫਰਾਂਸ : ਫਰਾਂਸ ਵਿਚ ਚੋਰੀ ਦੀ ਇਕ ਵੱਡੀ ਘਟਨਾ ਵਾਪਰੀ ਐ, ਜਿਸ ਨੂੰ ਸੁਣ ਕੇ ਹਰ ਕੋਈ ਹੈਰਾਨ ਹੋ ਰਿਹੈ। ਦਰਅਸਲ ਇਹ ਚੋਰੀ ਕਿਸੇ ਆਮ ਘਰ ਵਿਚ ਨਹੀਂ ਬਲਕਿ ਰਾਸ਼ਟਰਪਤੀ ਭਵਨ ਵਿਚ ਹੋਈ ਐ,, ਉਹ ਵੀ ਦਿਨ ਦਿਹਾੜੇ। ਇਹ ਏਲੀਜ਼ੀ ਪੈਲੇਸ ਵਜੋਂ ਜਾਣਿਆ ਜਾਂਦਾ ਇਹ ਭਵਨ ਰਾਸ਼ਟਰਪਤੀ ਇਮੈਨੁਅਨ ਮੈਕਰੋਂ ਦਾ ਸਰਕਾਰੀ ਨਿਵਾਸ ਐ, ਜਿੱਥੋਂ ਚੋਰਾਂ ਨੇ ਚਾਂਦੀ ਦੇ ਭਾਂਡੇ ਚੋਰੀ ਕਰ ਲਏ, ਜਿਨ੍ਹਾਂ ਦੀ ਕੀਮਤ 42 ਲੱਖ ਰੁਪਏ ਦੱਸੀ ਜਾ ਰਹੀ ਐ।
ਇਕ ਰਿਪੋਰਟ ਮੁਤਾਬਕ ਜਦੋਂ ਏਲੀਜ਼ੀ ਪੈਲੇਸ ਦੇ ਮੁੱਖ ਪ੍ਰਬੰਧ ਨੇ ਪੁਲਿਸ ਨੂੰ ਚੋਰੀ ਹੋਏ ਸਮਾਨ ਦੀ ਸੂਚਨਾ ਦਿੱਤੀ ਤਾਂ ਪੁਲਿਸ ਨੇ ਤੁਰੰਤ ਮਾਮਲੇ ਦੀ ਜਾਂਚ ਸ਼ੁਰੂ ਕੀਤੀ। ਅਨੁਮਾਨ ਲਗਾਇਆ ਜਾ ਰਿਹਾ ਏ ਕਿ ਰਾਸ਼ਟਰਪਤੀ ਭਵਨ &rsquoਚੋਂ 40-42 ਲੱਖ ਦੇ ਕਰੀਬ ਦਾ ਸਮਾਨ ਚੋਰੀ ਹੋਇਆ ਏ। ਜਾਂਚ ਕਰਤਾਵਾਂ ਨੇ ਜਦੋਂ ਸਟਾਫ਼ ਕੋਲੋਂ ਪੁੱਛਗਿੱਛ ਕੀਤੀ ਤਾਂ ਉਨ੍ਹਾਂ ਨੂੰ ਇਕ ਪ੍ਰਬੰਧਕ &rsquoਤੇ ਸ਼ੱਕ ਹੋਇਆ। ਇਨਵੈਂਟਰੀ ਰਿਕਾਰਡ ਚੈੱਕ ਕਰਨ &rsquoਤੇ ਪਤਾ ਚੱਲਿਆ ਕਿ ਉਹ ਭਵਿੱਖ ਵਿਚ ਚੋਰੀ ਕਰਨ ਦੀ ਯੋਜਨਾ ਬਣਾ ਰਿਹਾ ਸੀ। ਸ਼ੁਰੂਆਤੀ ਜਾਂਚ ਵਿਚ ਇਹ ਵੀ ਪਤਾ ਚੱਲਿਆ ਕਿ ਚੋਰੀ ਹੋਇਆ ਸਮਾਨ ਆਨਲਾਈਨ ਵੈਬਸਾਈਟ &rsquoਤੇ ਨਿਲਾਮੀ ਲਈ ਲੱਗਿਆ ਹੋਇਆ ਸੀ, ਇਸ ਦਾ ਪਤਾ ਸੇਵਰੇਸ ਮੈਨੂਫੈਕਚਰਿੰਗ ਕੰਪਨੀ ਤੋਂ ਚੱਲਿਆ, ਜਿਸ ਵੱਲੋਂ ਜ਼ਿਆਦਾਤਰ ਭਾਂਡਿਆਂ ਅਤੇ ਟੇਬਲ ਸੈੱਟ ਦੀ ਸਪਲਾਈ ਕੀਤੀ ਗਈ ਸੀ।
ਮਾਮਲੇ ਦੇ ਤਾਰ ਪ੍ਰਬੰਧਕ ਨਾਲ ਜਾ ਕੇ ਜੁੜੇ, ਜਿਸ ਦਾ ਨਾਮ ਥਾਮਸ ਐ। ਪਤਾ ਚੱਲਿਆ ਏ ਕਿ ਊੁਹ ਇਕ ਆਨਲਾਈਨ ਵਿਕਰੀ ਵਿਚ ਮੁਹਾਰਤ ਰੱਖਣ ਵਾਲੀ ਕੰਪਨੀ ਦੇ ਸੰਪਰਕ ਵਿਚ ਸੀ। ਉਹ ਆਨਲਾਈਨ ਸੇਵਰੇਸ ਮੈਨੁਫੈਕਚਰਿੰਗ ਐਸ਼ਟਰੇਅ ਅਤੇ ਇਕ &lsquoਫ੍ਰੈਂਚ ਏਅਰ ਫੋਰਸ&rsquo ਲਿਖੀ ਹੋਈ ਨੰਬਰ ਪਲੇਟ ਵੇਚਣ ਦੀ ਕੋਸ਼ਿਸ਼ ਵਿਚ ਸੀ ਜੋ ਆਮ ਜਨਤਾ ਲਈ ਉਪਲਬਧ ਨਹੀਂ ਐ। ਸ਼ੱਕ ਪੁਖ਼ਤਾ ਹੋਣ &rsquoਤੇ ਥਾਮਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ, ਉਸ ਦੇ ਨਾਲ ਦੋ ਹੋਰ ਲੋਕਾਂ ਨੂੰ ਵੀ ਹਿਰਾਸਤ ਵਿਚ ਲਿਆ ਗਿਆ, ਜਿਨ੍ਹਾਂ ਨੂੰ ਚਾਂਦੀ ਦੇ ਪੁਰਾਣੇ ਬਰਤਨ ਇਕੱਠੇ ਕਰਨ ਦਾ ਸ਼ੌਕ ਐ। ਇਸ ਦੌਰਾਨ ਥਾਮਸ ਦੇ ਲਾਕਰ, ਗੱਡੀ ਅਤੇ ਉਸ ਦੇ ਘਰ ਤੋਂ ਲਗਭਗ 100 ਵਸਤੂਆਂ ਬਰਾਮਦ ਹੋਈਆਂ।