ਮਹਾਰਾਜਾ ਚਾਰਲਸ ਨੇ ਕ੍ਰਿਸਮਿਸ ਸੰਦੇਸ਼ ਵਿੱਚ ਮਾਨਚੈਸਟਰ ਅਤੇ ਨਿਊਜ਼ੀਲੈਂਡ ਹਮਲੇ ਦਾ ਕੀਤਾ ਜ਼ਿਕਰ
ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ) ਬਰਤਾਨੀਆਂ ਦੇ ਮਹਾਰਾਜਾ ਚਾਰਲਸ ਤੀਜੇ ਨੇ ਕ੍ਰਿਸਮਿਸ ਸੰਦੇਸ਼ ਵਿੱਚ ਮਾਨਚੈਸਟਰ ਸਿਨਾਗੌਗ ਅਤੇ ਨਿਊਜ਼ੀਲੈਂਡ ਬੌਂਡੀ ਬੀਚ ਹਮਲੇ ਦਾ ਜ਼ਿਕਰ ਕਰਦਿਆਂ ਆਖਿਆ ਕਿ ਜੋ ਦੂਜਿਆਂ ਦੀ ਰੱਖਿਆ ਲਈ ਆਪਣੇ ਆਪ ਨੂੰ ਖਤਰੇ ਵਿੱਚ ਪਾਉਂਦੇ ਹਨ ਉਹ ਆਪਣੇ ਆਪ ਬਹਾਦਰੀ" ਹੁੰਦੇ ਹਨ।
ਮਹਾਰਾਜਾ ਚਾਰਲਸ ਨੇ ਕਿਹਾ ਕਿ ਜਿਵੇਂ ਅਸੀਂ ਘਰ ਅਤੇ ਵਿਦੇਸ਼ ਵਿੱਚ ਵੰਡ ਬਾਰੇ ਸੁਣਦੇ ਹਾਂ, ਸਾਨੂੰ ਇਸ ਅਨਿਸ਼ਚਿਤਤਾ ਦੇ ਸਮੇਂ ਦੌਰਾਨ ਦਿਆਲਤਾ, ਹਮਦਰਦੀ ਅਤੇ ਉਮੀਦ ਦੀ ਜ਼ਰੂਰਤ ਹੈ। ਉਹਨਾਂ ਨੇ ਲੋਕਾਂ ਨੂੰ "ਆਪਣੀਆਂ ਰੂਹਾਂ ਨੂੰ ਨਵਿਆਉਣ" ਲਈ ਉਤਸ਼ਾਹਿਤ ਕੀਤਾ।
ਆਪਣੇ ਸਾਲਾਨਾ ਸੰਦੇਸ਼ ਵਿੱਚ ਸਮਾਜ ਵਿੱਚ ਦਰਪੇਸ਼ ਚੁਣੌਤੀਆਂ 'ਤੇ ਵਿਚਾਰ ਕਰਨ ਲਈ ਰਵਾਇਤੀ ਕ੍ਰਿਸਮਸ ਕਹਾਣੀ ਪਵਿੱਤਰ ਪਰਿਵਾਰ ਦੀ ਯਾਤਰਾ, ਚਰਵਾਹੇ ਅਤੇ ਯਿਸੂ ਨੂੰ ਮਿਲਣ ਵਾਲੇ ਬੁੱਧੀਮਾਨ ਆਦਮੀਆਂ ਦਾ ਹਵਾਲਾ ਦਿੱਤਾ।
ਮਹਾਰਾਜਾ ਨੇ ਸੰਦੇਸ਼ ਇੱਕ ਮਜ਼ਬੂਤ ਸਮਾਜਿਕ ਉਦੇਸ਼ ਦਿੰਦਿਆਂ ਵੱਖ-ਵੱਖ ਭਾਈਚਾਰਿਆਂ ਅਤੇ ਦੇਸ਼ਾਂ ਵਿਚਕਾਰ ਬਿਹਤਰ ਸਬੰਧ ਬਣਾਉਣ ਵਿੱਚ ਮਦਦ ਕਰਨ ਲਈ ਆਪਣੀ ਭੂਮਿਕਾ ਦੀ ਵਰਤੋਂ ਕਰਨ ਦੀ ਇੱਛਾ ਪ੍ਰਗਟਾਈ। ਪ੍ਰੰਪਰਾਵਾਂ ਮੁਤਾਬਿਕ ਸ਼ਾਹੀ ਪਰਿਵਾਰ ਨੇ ਐਂਡਰਿਊ ਤੋਂ ਬਿਨਾਂ ਸੈਂਡਰਿੰਗਮ ਵਿੱਚ ਕ੍ਰਿਸਮਸ ਮਨਾਈ