ਬ੍ਰਿਟੇਨ ਦੀ ਸਰਗਰਮ ਭੂਮਿਕਾ ਨਾਲ ਅਮਰੀਕਾ ਵੱਲੋਂ ‘ਸ਼ੈਡੋ ਫਲੀਟ’ ਟੈਂਕਰ ’ਤੇ ਘੇਰਾ, ਰੂਸ ਨੇ ਪਣਡੁੱਬੀ ਅਤੇ ਜਲ ਸੈਨਾ ਜਹਾਜ਼ ਉਤਾਰੇ
ਲੈਸਟਰ-(ਸੁਖਜਿੰਦਰ ਸਿੰਘ ਢੱਡੇ)- ਉੱਤਰੀ ਅਟਲਾਂਟਿਕ ਮਹਾਸਾਗਰ &rsquoਚ ਅਮਰੀਕਾ, ਬ੍ਰਿਟੇਨ ਅਤੇ ਰੂਸ ਦਰਮਿਆਨ ਤਣਾਅ ਗੰਭੀਰ ਰੂਪ ਧਾਰ ਚੁੱਕਾ ਹੈ। ਰਿਪੋਰਟਾਂ ਅਨੁਸਾਰ ਬ੍ਰਿਟੇਨ ਦੀ ਸਹਾਇਤਾ ਨਾਲ ਅਮਰੀਕਾ ਨੇ ਰੂਸੀ ਸੁਰੱਖਿਆ ਹੇਠ ਚੱਲ ਰਹੇ ਇਕ ਸ਼ੱਕੀ &lsquoਸ਼ੈਡੋ ਫਲੀਟ&rsquo ਤੇਲ ਟੈਂਕਰ &rsquoਤੇ ਘੇਰਾ ਕੱਸ ਦਿੱਤਾ ਹੈ, ਜਿਸ ਕਾਰਨ ਵਿਸ਼ਵ ਪੱਧਰ &rsquoਤੇ ਰਣਨੀਤਿਕ ਹਾਲਾਤਾਂ ਨੂੰ ਲੈ ਕੇ ਚਿੰਤਾ ਵਧ ਗਈ ਹੈ।
ਜਾਣਕਾਰੀ ਮੁਤਾਬਕ, ਇਹ ਟੈਂਕਰ ਕਈ ਹਫ਼ਤਿਆਂ ਤੋਂ ਅਮਰੀਕੀ ਨਿਗਰਾਨੀ ਹੇਠ ਸੀ ਅਤੇ ਇਸ &rsquoਤੇ ਅੰਤਰਰਾਸ਼ਟਰੀ ਪਾਬੰਦੀਆਂ ਤੋਂ ਬਚ ਕੇ ਤੇਲ ਦੀ ਢੁਆਈ ਕਰਨ ਦੇ ਦੋਸ਼ ਲਗੇ ਹੋਏ ਹਨ। ਅਮਰੀਕਾ ਦਾ ਦਾਅਵਾ ਹੈ ਕਿ ਇਹ ਜਹਾਜ਼ ਪਾਬੰਦੀਆਂ ਨੂੰ ਠੇਸ ਪਹੁੰਚਾਉਂਦੇ ਹੋਏ ਗੁਪਤ ਤਰੀਕਿਆਂ ਨਾਲ ਆਪਣੀ ਮੰਜਿਲ ਵੱਲ ਵਧ ਰਿਹਾ ਸੀ। ਇਸ ਕਾਰਨ ਅਮਰੀਕੀ ਫੌਜ ਨੇ ਇਸਨੂੰ ਰੋਕਣ ਲਈ ਵੱਡਾ ਸੈਨਾ ਅਭਿਆਨ ਸ਼ੁਰੂ ਕੀਤਾ।
ਸੂਤਰਾਂ ਅਨੁਸਾਰ, ਇਸ ਕਾਰਵਾਈ &rsquoਚ ਬ੍ਰਿਟੇਨ ਨੇ ਅਹੰਕਾਰਪੂਰਕ ਭੂਮਿਕਾ ਨਿਭਾਈ, ਜਿੱਥੇ ਉਸ ਨੇ ਆਪਣੇ ਹਵਾਈ ਅਤੇ ਸਮੁੰਦਰੀ ਅੱਡੇ ਅਮਰੀਕੀ ਫੌਜ ਲਈ ਉਪਲਬਧ ਕਰਵਾਏ। ਬ੍ਰਿਟੇਨ ਦੀ ਇਸ ਸਹਾਇਤਾ ਨਾਲ ਅਮਰੀਕੀ ਜੰਗੀ ਜਹਾਜ਼ਾਂ ਅਤੇ ਨਿਗਰਾਨੀ ਹੈਲੀਕਾਪਟਰਾਂ ਨੇ ਟੈਂਕਰ ਦੀ ਹਰਕਤਾਂ &rsquoਤੇ ਨਜ਼ਰ ਰੱਖੀ ਅਤੇ ਸਮੁੰਦਰੀ ਘੇਰੇ ਨੂੰ ਮਜ਼ਬੂਤ ਕੀਤਾ।
ਦੂਜੇ ਪਾਸੇ, ਟੈਂਕਰ ਨੂੰ ਅਮਰੀਕੀ ਘੇਰੇ &rsquoਚੋਂ ਬਚਾਉਣ ਲਈ ਰੂਸ ਵੱਲੋਂ ਇੱਕ ਪਣਡੁੱਬੀ ਅਤੇ ਕਈ ਜਲ ਸੈਨਾ ਦੇ ਜਹਾਜ਼ ਤਾਇਨਾਤ ਕੀਤੇ ਜਾਣ ਦੀਆਂ ਰਿਪੋਰਟਾਂ ਹਨ। ਰੂਸੀ ਪੱਖ ਦਾ ਕਹਿਣਾ ਹੈ ਕਿ ਟੈਂਕਰ ਅੰਤਰਰਾਸ਼ਟਰੀ ਕਾਨੂੰਨਾਂ ਅਧੀਨ ਸਮੁੰਦਰੀ ਰਸਤੇ &rsquoਤੇ ਯਾਤਰਾ ਕਰ ਰਿਹਾ ਸੀ ਅਤੇ ਅਮਰੀਕੀ ਦਖ਼ਲਅੰਦਾਜ਼ੀ ਗੈਰ-ਕਾਨੂੰਨੀ ਹੈ। ਇਸ ਮਾਮਲੇ ਨੇ ਦੋਵਾਂ ਮਹਾਸਕਤੀਆਂ ਵਿਚਕਾਰ ਤਣਾਅ ਨੂੰ ਹੋਰ ਭੜਕਾ ਦਿੱਤਾ ਹੈ।
ਰਿਪੋਰਟਾਂ ਮੁਤਾਬਕ, ਅਮਰੀਕਾ ਨੇ ਆਪਣੇ ਵਿਸ਼ੇਸ਼ ਬਲਾਂ ਦੀਆਂ ਟੀਮਾਂ ਨੂੰ ਬ੍ਰਿਟੇਨ ਰਾਹੀਂ ਮੈਦਾਨ &rsquoਚ ਉਤਾਰਿਆ ਹੈ ਅਤੇ ਹੈਲੀਕਾਪਟਰਾਂ ਦੁਆਰਾ ਟੈਂਕਰ &rsquoਤੇ ਉਤਰ ਕੇ ਇਸ &rsquoਤੇ ਕਬਜ਼ਾ ਕਰਨ ਦੀ ਯੋਜਨਾ &rsquoਤੇ ਵੀ ਕੰਮ ਕੀਤਾ ਗਿਆ। ਹਾਲਾਂਕਿ ਅਧਿਕਾਰਕ ਤੌਰ &rsquoਤੇ ਇਸ ਸਬੰਧੀ ਪੂਰੀ ਜਾਣਕਾਰੀ ਜਾਰੀ ਨਹੀਂ ਕੀਤੀ ਗਈ, ਪਰ ਸਮੁੰਦਰੀ ਖੇਤਰ &rsquoਚ ਭਾਰੀ ਫੌਜੀ ਹਲਚਲ ਦਰਜ ਕੀਤੀ ਗਈ ਹੈ।
ਰਾਜਨੀਤਿਕ ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਬ੍ਰਿਟੇਨ ਦੀ ਖੁੱਲ੍ਹੀ ਸਹਾਇਤਾ ਨਾਲ ਅਮਰੀਕਾ ਦਾ ਇਹ ਕਦਮ ਰੂਸ ਲਈ ਸਖ਼ਤ ਸੰਦੇਸ਼ ਹੈ। ਇਸ ਘਟਨਾ ਨਾਲ ਨਾ ਸਿਰਫ਼ ਅਮਰੀਕਾ-ਰੂਸ ਸੰਬੰਧਾਂ &rsquoਚ ਖਿੱਚ ਵਧੀ ਹੈ, ਸਗੋਂ ਨਾਟੋ ਦੇਸ਼ਾਂ ਅਤੇ ਰੂਸ ਵਿਚਕਾਰ ਵੀ ਟਕਰਾਅ ਦੇ ਆਸਾਰ ਮਜ਼ਬੂਤ ਹੋ ਗਏ ਹਨ। ਵਿਸ਼ਵ ਭਰ ਦੀ ਨਜ਼ਰ ਹੁਣ ਇਸ ਗੱਲ &rsquoਤੇ ਟਿਕੀ ਹੋਈ ਹੈ ਕਿ ਇਹ ਸਮੁੰਦਰੀ ਟਕਰਾਅ ਅੱਗੇ ਚੱਲ ਕੇ ਕਿਸ ਰੁਖ਼ ਵੱਲ ਜਾਂਦਾ ਹੈ।