ਕੈਨੇਡਾ ਹਕੂਮਤ ਦੀ ਰਿਪੋਰਟ ਨੇ ਦਸਿਆ ਕਿ ਹਿੰਦੂਤਵ ਹਕੂਮਤ ਗੈਗਸਟਰਾਂ ਦੀ ਕਰ ਰਹੀ ਹੈ ਦੁਰਵਰਤੋ: ਮਾਨ 👉 ਇੰਡੀਅਨ ਹੁਕਮਰਾਨਾਂ ਵਲੋਂ ਆਜਾਦੀ ਚਾਹੁੰਣ ਵਾਲੇ ਸਿੱਖਾਂ ਦਾ ਸਾਜਸੀ ਢੰਗ ਨਾਲ ਕਰਵਾਇਆ ਜਾ ਰਿਹਾ ਹੈ ਕਤਲੇਆਮ

 ਨਵੀਂ ਦਿੱਲੀ, 19 ਜਨਵਰੀ (ਮਨਪ੍ਰੀਤ ਸਿੰਘ ਖਾਲਸਾ):- ਜਦੋਂ ਬਹੁਤ ਸਮਾਂ ਪਹਿਲੇ ਤੋਂ ਅਸੀ ਇਥੋ ਦੇ ਅਮਨ-ਚੈਨ, ਕਾਨੂੰਨੀ ਵਿਵਸਥਾਂ ਨੂੰ ਮੁੱਖ ਰੱਖਕੇ ਸਿਆਸੀ ਦੁਸਮਣੀਆਂ ਅਤੇ ਸਿਆਸੀ ਨਿਸ਼ਾਨੇ ਦੀ ਪੂਰਤੀ ਕਰਨ ਲਈ ਸੈਂਟਰ ਦੀ ਮੋਦੀ ਬੀਜੇਪੀ-ਆਰ.ਐਸ.ਐਸ ਹਕੂਮਤ ਗੈਗਸਟਰਾਂ ਦੀ ਸਰਪ੍ਰਸਤੀ ਕਰਦੀ ਆ ਰਹੀ ਹੈ ਅਤੇ ਉਨ੍ਹਾਂ ਨੂੰ ਆਪਣੇ ਸਿਆਸੀ ਮਕਸਦਾਂ ਦੀ ਪੂਰਤੀ ਲਈ ਕਤਲੇਆਮ ਕਰਵਾਉਦੀ ਆ ਰਹੀ ਹੈ, ਦੀ ਆਵਾਜ ਉਠਾਉਦੇ ਆ ਰਹੇ ਹਾਂ । ਪਰ ਹੁਕਮਰਾਨਾਂ ਨੇ ਹਮੇਸ਼ਾਂ ਇਸ ਸੱਚ ਨੂੰ ਝੁਠਲਾਉਣ ਲਈ ਆਪਣੇ ਮੀਡੀਏ, ਪ੍ਰਚਾਰ ਸਾਧਨਾਂ ਦੀ ਦੁਰਵਰਤੋ ਕਰਕੇ ਗੁੰਮਰਾਹ ਕਰਦੇ ਰਹੇ ਹਨ । ਪਰ ਹੁਣ ਜਦੋ ਕੈਨੇਡਾ ਦੀ ਮੌਜੂਦਾ ਹਕੂਮਤ ਨੇ ਸਮੁੱਚੇ ਸੰਸਾਰ ਦੇ ਵੱਡੇ ਅਖਬਾਰਾਂ ਵਿਚ ਇਹ ਰਿਪੋਰਟ ਨਸਰ ਕਰ ਦਿੱਤੀ ਹੈ ਕਿ ਇੰਡੀਅਨ ਹੁਕਮਰਾਨ ਬਿਸਨੋਈ ਨਾਮ ਦੇ ਗੈਗਸਟਰ ਤੋ ਸਿੱਖਾਂ ਦੇ ਅਤੇ ਹੋਰ ਕਤਲ ਕਰਵਾ ਰਹੇ ਹਨ, ਦੇ ਸੰਬੰਧ ਵਿਚ ਵਿਸਥਾਰਿਤ ਰਿਪੋਰਟ ਜਾਰੀ ਕਰ ਦਿੱਤੀ ਹੈ, ਹੁਣ ਕੋਈ ਸੱਕ ਸੁਬਾਹ ਬਾਕੀ ਨਹੀ ਰਹਿ ਗਿਆ ਕਿ ਜੋ ਇੰਡੀਅਨ ਹੁਕਮਰਾਨਾਂ ਸ੍ਰੀ ਮੋਦੀ ਦੀ ਜਾਲਮ ਚੰਡਾਲ ਚੌਕੜੀ ਵੱਲੋ ਕੈਨੇਡਾ, ਅਮਰੀਕਾ, ਬਰਤਾਨੀਆ, ਪਾਕਿਸਤਾਨ ਅਤੇ ਇੰਡੀਆ ਵਿਚ ਆਜਾਦੀ ਚਾਹੁੰਣ ਵਾਲੇ ਸਿੱਖਾਂ ਨੂੰ ਸਾਜਸੀ ਢੰਗ ਨਾਲ ਕਤਲੇਆਮ ਕਰਵਾਇਆ ਹੈ ਜਿਨ੍ਹਾਂ ਵਿਚ ਹਰਦੀਪ ਸਿੰਘ ਨਿੱਝਰ, ਰਿਪੁਦਮਨ ਸਿੰਘ ਮਲਿਕ ਅਤੇ ਸੁਖਦੂਲ ਸਿੰਘ ਕੈਨੇਡਾ, ਅਵਤਾਰ ਸਿੰਘ ਖੰਡਾ, ਪਰਮਜੀਤ ਸਿੰਘ ਪੰਜਵੜ ਤੇ ਲਖਬੀਰ ਸਿੰਘ ਰੋਡੇ ਪਾਕਿਸਤਾਨ, ਦੀਪ ਸਿੰਘ ਸਿੱਧੂ ਹਰਿਆਣਾ, ਸੁਭਦੀਪ ਸਿੰਘ ਸਿੱਧੂ ਮੂਸੇਵਾਲਾ ਦੇ ਕਤਲ ਕਰਵਾਏ ਗਏ ਅਤੇ ਅਮਰੀਕਨ ਨਾਗਰਿਕ ਗੁਰਪਤਵੰਤ ਸਿੰਘ ਪੰਨੂ ਨੂੰ ਮਾਰਨ ਦੀ ਅਸਫਲ ਸਾਜਿਸ ਰਚੀ ਗਈ । ਇਹ ਕਤਲੇਆਮ ਕਰਨ ਵਾਲੀ ਚੰਡਾਲ ਚੌਕੜੀ ਵਿਚ ਸ੍ਰੀ ਮੋਦੀ ਤੋ ਇਲਾਵਾ ਗ੍ਰਹਿ ਵਜੀਰ ਅਮਿਤ ਸ਼ਾਹ, ਵਿਦੇਸ ਵਜੀਰ ਜੈਸੰਕਰ, ਰੱਖਿਆ ਵਜੀਰ ਰਾਜਨਾਥ ਸਿੰਘ, ਸੁਰੱਖਿਆ ਸਲਾਹਕਾਰ ਅਜੀਤ ਡੋਵਾਲ, ਰਾਅ ਮੁੱਖੀ ਰਵੀ ਸਿਨ੍ਹਾਂ ਤੇ ਸਾਬਕਾ ਰਾਅ ਮੁੱਖੀ ਸੰਮਤ ਗੋਇਲ ਸਾਮਿਲ ਹਨ। ਇਹ ਸਾਡੇ ਸਿੱਖਾਂ ਦੇ ਅਤੇ ਹੋਰ ਆਪਣੇ ਸਿਆਸੀ ਵਿਰੋਧੀਆ ਦੇ ਕਾਤਲ ਸਾਬਤ ਹੋ ਚੁੱਕੇ ਹਨ । ਇਸ ਲਈ ਇਨ੍ਹਾਂ ਵਿਰੁੱਧ ਕੌਮਾਂਤਰੀ ਅਦਾਲਤਾਂ ਵਿਚ ਕੌਮਾਂਤਰੀ ਕਾਨੂੰਨਾਂ ਅਨੁਸਾਰ ਫੌਰੀ ਕਾਰਵਾਈ ਕਰਕੇ ਬਣਦੀਆ ਸਜਾਵਾਂ ਦੇਣੀਆ ਬਣਦੀਆ ਹਨ । ਇਹ ਵਿਚਾਰ ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਕੈਨੇਡਾ ਹਕੂਮਤ ਵੱਲੋ ਸਿੱਖਾਂ ਦੇ ਹਿੰਦੂਤਵ ਹੁਕਮਰਾਨਾਂ ਵੱਲੋ ਆਪਣੇ ਸਰਪ੍ਰਸਤੀ ਹੇਠ ਕੰਮ ਕਰ ਰਹੇ ਗੈਗਸਟਰ ਬਿਸਨੋਈ ਦੁਆਰਾ ਕੀਤੇ ਜਾਣ ਵਾਲੇ ਕਤਲਾਂ ਦੀ ਕੌਮਾਂਤਰੀ ਰਿਪੋਰਟ ਆਉਣ ਤੇ ਇਨ੍ਹਾਂ ਜਾਲਮ ਕਾਤਲ ਹਿੰਦੂਤਵ ਹੁਕਮਰਾਨਾਂ ਵਿਰੁੱਧ ਕੌਮਾਂਤਰੀ ਅਦਾਲਤਾਂ ਵਿਚ ਕਾਨੂੰਨੀ ਅਮਲ ਕਰਦੇ ਹੋਏ ਸਮੁੱਚੇ ਜਮਹੂਰੀਅਤ ਪਸੰਦ ਵੱਡੇ ਮੁਲਕਾਂ ਨੂੰ ਅਗਲੇਰੀ ਫੌਰੀ ਕਾਰਵਾਈ ਕਰਨ ਦੀ ਅਪੀਲ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਬਿਸਨੋਈ ਲੰਮੇ ਸਮੇ ਤੋ ਗੁਜਰਾਤ ਦੀ ਸਾਬਰਮਤੀ ਜੇਲ੍ਹ ਵਿਚ ਬੰਦ ਹੈ ਜਿਸ ਨੂੰ ਹਰ ਤਰ੍ਹਾਂ ਦੀਆਂ ਹੁਕਮਰਾਨਾਂ ਵੱਲੋ ਸਹੂਲਤਾਂ ਵੀ ਪ੍ਰਾਪਤ ਹਨ ਅਤੇ ਉਹ ਜੇਲ੍ਹ ਵਿਚ ਬੈਠੇ ਹੋਏ ਵੀ ਇੰਡੀਆ, ਪੰਜਾਬ, ਹਰਿਆਣਾ ਅਤੇ ਬਾਹਰਲੇ ਮੁਲਕਾਂ ਵਿਚ ਹਿੰਦੂਤਵ ਹੁਕਮਰਾਨਾਂ ਦੇ ਮਿੱਥੇ ਗਏ ਨਿਸ਼ਾਨਿਆ ਅਨੁਸਾਰ ਅੱਜ ਵੀ ਮਨੁੱਖਤਾ ਦਾ ਕਤਲੇਆਮ ਕਰ ਰਿਹਾ ਹੈ । ਜਿਸ ਤੋ ਪ੍ਰਤੱਖ ਸਾਬਤ ਹੋ ਗਿਆ ਹੈ ਕਿ ਇਸ ਗੈਗਸਟਰ ਨੂੰ ਸ੍ਰੀ ਮੋਦੀ, ਸ਼ਾਹ ਤੇ ਸੈਟਰ ਦੀ ਪੂਰਨ ਰੂਪ ਵਿਚ ਸਰਪ੍ਰਸਤੀ ਹਾਸਿਲ ਹੈ ਅਤੇ ਇਸ ਸਿਆਸੀ ਕਤਲਾਂ ਨੂੰ ਰੋਕਣ ਲਈ ਜਰੂਰੀ ਹੈ ਕਿ ਅਮਰੀਕਾ, ਕੈਨੇਡਾ, ਬਰਤਾਨੀਆ, ਆਸਟ੍ਰੇਲੀਆ ਵਰਗੇ ਜਮਹੂਰੀਅਤ ਪਸੰਦ ਮੁਲਕਾਂ ਦੇ ਹੁਕਮਰਾਨ ਕੌਮਾਂਤਰੀ ਕਾਨੂੰਨਾਂ ਅਧੀਨ ਕਾਰਵਾਈ ਕਰਕੇ ਸਜਾਵਾਂ ਦੇਣ ਦਾ ਪ੍ਰਬੰਧ ਕਰਨ ਦੀ ਜਿੰਮੇਵਾਰੀ ਨਿਭਾਉਣ । ਉਨ੍ਹਾਂ ਕਿਹਾ ਕਿ ਸਿੱਖ ਕੌਮ ਕਿਸੇ ਵੀ ਤਰ੍ਹਾਂ ਦੀ ਗੈਰ ਇਨਸਾਨੀਅਤ ਕਾਰਵਾਈ ਦੇ ਸਖਤ ਵਿਰੁੱਧ ਹੈ । ਇਨਸਾਨੀ ਕਦਰਾਂ ਕੀਮਤਾਂ, ਅਮਨ-ਚੈਨ ਤੇ ਹਰ ਕੌਮ ਤੇ ਵਰਗ ਨੂੰ ਆਜਾਦੀ ਨਾਲ ਜਿਊਣ ਦਾ ਹੱਕ ਦੇਣ ਦੀ ਪੈਰਵੀ ਕਰਦੀ ਹੈ । ਲੇਕਿਨ ਜਦੋ ਅਸੀ ਆਪਣੀ ਖੁਦਮੁਖਤਿਆਰੀ ਪ੍ਰਾਪਤ ਕਰਨ ਲਈ ਕੌਮਾਂਤਰੀ ਕਾਨੂੰਨਾਂ ਅਧੀਨ ਸੰਘਰਸ ਕਰਦੇ ਆ ਰਹੇ ਹਾਂ ਅਤੇ 3 ਦੁਸਮਣ ਮੁਲਕਾਂ, ਕਾਮਰੇਡ ਚੀਨ, ਮੁਸਲਿਮ ਪਾਕਿਸਤਾਨ ਅਤੇ ਹਿੰਦੂ ਇੰਡੀਆ ਦੇ ਵਿਚਕਾਰ ਬਤੌਰ ਬਫਰ ਸਟੇਟ ਕਾਇਮ ਕਰਨਾ ਚਾਹੁੰਦੇ ਹਾਂ ਤਾਂ ਸਾਨੂੰ ਇਹ ਹੁਕਮਰਾਨ ਗੋਲੀ ਬੰਦੂਕ ਦੀ ਨੀਤੀ ਰਾਹੀ ਕਤਲੇਆਮ ਕਰ ਰਹੇ ਹਨ । ਜੋ ਗੈਰ ਇਨਸਾਨੀ ਤੇ ਕੌਮਾਂਤਰੀ ਕਾਨੂੰਨਾਂ ਦੀ ਉਲੰਘਣਾ ਹੈ । ਅਸੀ ਇਥੇ ਇੰਡੀਆ ਦੇ ਕੈਨੇਡਾ ਸਥਿਤ ਹਾਈਕਮਿਸਨਰ ਮਿਸਟਰ ਦਿਨੇਸ ਪਟਨਾਇਕ ਦਾ ਵਰਣਨ ਕਰਨਾ ਜਰੂਰੀ ਸਮਝਦੇ ਹਾਂ ਜੋ ਨਿੱਜੀ ਤੌਰ ਤੇ ਦਹਿਸਤਗਰਦੀ ਕਾਰਵਾਈਆ ਵਿਚ ਦਿਲਚਸਪੀ ਰੱਖਦੇ ਹੋਏ ਹੁਕਮਰਾਨਾਂ ਦੇ ਦਿਸ਼ਾਨਿਰਦੇਸ਼ਾਂ ਉਤੇ ਅਮਲ ਕਰਦੇ ਆ ਰਹੇ ਹਨ । ਜਿਸ ਤੋ ਪ੍ਰਤੱਖ ਹੋ ਜਾਂਦਾ ਹੈ ਕਿ ਹੁਕਮਰਾਨ ਹਕੂਮਤੀ ਪੱਧਰ ਤੇ ਅਜਿਹੇ ਕਤਲੇਆਮ ਕਰਨ ਦੇ ਅਮਲ ਕਰਦੇ ਆ ਰਹੇ ਹਨ । ਪ੍ਰੰਤੂ ਦੁੱਖ ਅਤੇ ਅਫਸੋਸ ਹੈ ਕਿ ਕੈਨੇਡਾ ਦੀ ਹਕੂਮਤ ਬੀਤੇ 4 ਦਹਾਕਿਆ ਤੋ ਇਸ ਕੰਮ ਵਿਚ ਅਸਫਲ ਰਹੀ ਹੈ ਕਿ ਜੋ ਉਥੇ ਕੈਨੇਡੀਅਨ ਅੰਬੈਸੀ ਵਿਚ ਸਥਿਤ ਅਧਿਕਾਰੀ ਹਨ ਜੋ ਅਜਿਹੀਆ ਗੈਰ ਕਾਨੂੰਨੀ ਕਾਰਵਾਈਆ ਵਿਚ ਸਾਮਿਲ ਹਨ ਉਨ੍ਹਾਂ ਵਿਰੁੱਧ ਅੱਜ ਤੱਕ ਕੋਈ ਅਮਲ ਨਹੀ ਕਰ ਸਕੀ । 1986 ਵਿਚ ਏਅਰ ਇੰਡੀਆ ਜਹਾਜ ਫਲਾਇਟ 182 ਵਿਚ ਵੱਡੀ ਗਿਣਤੀ ਵਿਚ ਮੁਸਾਫਿਰ ਵਿਸਫੋਟ ਕਾਰਨ ਮਾਰੇ ਗਏ ਸਨ । ਇਸ ਕਨਿਸਕਾ ਏਅਰ ਇੰਡੀਆ ਦੇ ਹੋਏ ਵਿਸਫੋਟ ਦੀ ਫਲਾਇਟ ਵਿਚ ਕੈਨੇਡਾ ਵਿਖੇ ਇੰਡੀਆ ਦੇ 2 ਡਿਪਲੋਮੈਟਸ ਨੇ ਵੀ ਇੰਡੀਆ ਆਉਣਾ ਸੀ ਲੇਕਿਨ ਐਨ ਆਖਰੀ ਪਲਾ ਉਤੇ ਉਨ੍ਹਾਂ ਦੋਵਾਂ ਡਿਪਲੋਮੈਟਸ ਨੇ ਆਪਣੀ ਇਹ ਯਾਤਰਾ ਰੱਦ ਕਰ ਦਿੱਤੀ ਸੀ । ਜਿਸ ਤੋ ਪ੍ਰਤੱਖ ਹੈ ਕਿ ਇਹ ਵਿਸਫੋਟ ਇੰਡੀਆ ਦੇ ਹੁਕਮਰਾਨਾਂ ਦੀ ਸਾਜਿਸ ਦੀ ਕੜੀ ਸੀ । ਜਿਸ ਨੂੰ ਬਿਨ੍ਹਾਂ ਵਜਹ ਸਿੱਖਾਂ ਦੇ ਨਾਮ ਲਗਾਕੇ ਸੰਸਾਰ ਪੱਧਰ ਤੇ ਸਿੱਖਾਂ ਦੀ ਬਦਨਾਮੀ ਕਰਨ ਦੀ ਕੋਸਿਸ ਵੀ ਕੀਤੀ ਗਈ ਸੀ । ਇਥੇ ਇਹ ਵਰਣਨ ਕਰਨਾ ਜਰੂਰੀ ਹੈ ਕਿ ਮੇਜਰ ਕਮਿਸਨ ਨੂੰ ਇਸ ਦੁਖਾਂਤ ਦੀ ਜਾਂਚ ਕਰਨ ਦੀ ਜਿੰਮੇਵਾਰੀ ਸੌਪੀ ਗਈ ਸੀ ਜਿਸ ਵਿਚ ਮੇਜਰ ਕਮਿਸਨ ਨੇ ਵੀ ਇਹ ਕਿਹਾ ਸੀ ਕਿ ਇਸ ਵਿਚ ਕਿਸੇ ਵੀ ਖਾਲਿਸਤਾਨੀ ਜਾਂ ਸਿੱਖ ਆਗੂ ਦਾ ਕੋਈ ਹੱਥ ਨਹੀ ਸੀ । ਇਸ ਤੋ ਅੱਗੇ ਆਇਰਸ ਕਾਰਨਰ ਰਿਪੋਰਟ ਨੇ ਇਹ ਐਲਾਨ ਕੀਤਾ ਸੀ ਕਿ ਇਸ ਕਨਿਸਕਾ ਕਾਂਡ ਦੀ ਫਲਾਇਟ 182 ਸਮੁੰਦਰ ਵਿਚ ਨਹੀ ਡਿੱਗੀ, ਫਿਰ ਮਿਸਟਰ ਪਟਨਾਇਕ ਵੱਲੋ ਲਗਾਏ ਗਏ ਇਹ ਦੋਸ਼ ਕਿ ਇਹ ਕਾਰਵਾਈ ਸਿੱਖਾਂ ਦੀ ਹੈ, ਫਿਰ ਇਨ੍ਹਾਂ ਦੋਸ਼ਾਂ ਵਿਚ ਤਾਂ ਰਤੀਭਰ ਵੀ ਕੋਈ ਆਪਣੇ ਆਪ ਵਿਚ ਸੱਚਾਈ ਹੀ ਨਹੀ ਰਹਿ ਗਈ ।