ਸੁਨਿਧੀ ਚੌਹਾਨ ਦੇ ਲਾਈਵ ਸ਼ੋਅ ਲਈ ਹਦਾਇਤਾਂ ਜਾਰੀ, ਨਸ਼ੇ ਨੂੰ ਪ੍ਰੋਤਸਾਹਨ ਦੇਣ ਵਾਲੇ ਗੀਤਾਂ ਤੋਂ ਪਰਹੇਜ਼ ਦੇ ਹੁਕਮ

ਚੰਡੀਗੜ੍ਹ / ਗੋਆ: ਮਸ਼ਹੂਰ ਬਾਲੀਵੁੱਡ ਗਾਇਕਾ ਸੁਨਿਧੀ ਚੌਹਾਨ ਦੇ ਗੋਆ ਵਿੱਚ ਹੋਣ ਵਾਲੇ ਲਾਈਵ ਕੰਸਰਟ ਨੂੰ ਲੈ ਕੇ ਦੱਖਣੀ ਗੋਆ ਜ਼ਿਲ੍ਹਾ ਬਾਲ ਕਮਿਸ਼ਨ ਵੱਲੋਂ ਇੱਕ ਐਡਵਾਇਜ਼ਰੀ ਜਾਰੀ ਕੀਤੀ ਗਈ ਹੈ। ਇਸ ਐਡਵਾਇਜ਼ਰੀ ਵਿੱਚ ਗਾਇਕਾ ਅਤੇ ਕੰਸਰਟ ਦੇ ਆਯੋਜਕਾਂ ਨੂੰ ਨਸ਼ਾ, ਤੰਬਾਕੂ ਜਾਂ ਸ਼ਰਾਬ ਨੂੰ ਉਤਸ਼ਾਹਿਤ ਕਰਨ ਵਾਲੇ ਗੀਤ ਪੇਸ਼ ਨਾ ਕਰਨ ਲਈ ਕਿਹਾ ਗਿਆ ਹੈ।

ਜਾਣਕਾਰੀ ਅਨੁਸਾਰ, ਇਹ ਕਾਰਵਾਈ ਚੰਡੀਗੜ੍ਹ ਦੇ ਪ੍ਰੋਫੈਸਰ ਡਾ. ਪੰਡਿਤ ਰਾਓ ਵੱਲੋਂ ਕੀਤੀ ਗਈ ਇੱਕ ਸ਼ਿਕਾਇਤ ਦੇ ਆਧਾਰ &rsquoਤੇ ਕੀਤੀ ਗਈ ਹੈ। ਸ਼ਿਕਾਇਤ ਵਿੱਚ ਮੰਗ ਕੀਤੀ ਗਈ ਸੀ ਕਿ ਜਿੱਥੇ ਬੱਚਿਆਂ ਦੀ ਮੌਜੂਦਗੀ ਸੰਭਵ ਹੋਵੇ, ਉੱਥੇ ਅਜਿਹੇ ਗੀਤ ਨਾ ਗਾਏ ਜਾਣ ਜੋ ਨਸ਼ੇ ਜਾਂ ਤੰਬਾਕੂ ਦੀ ਪ੍ਰਚਾਰਨਾ ਕਰਦੇ ਹੋਣ।

ਦੱਸਣਯੋਗ ਹੈ ਕਿ ਸੁਨਿਧੀ ਚੌਹਾਨ ਦਾ 25 ਜਨਵਰੀ ਨੂੰ ਗੋਆ ਦੇ 1919 ਸਪੋਰਟਸ ਕ੍ਰਿਕਟ ਸਟੇਡੀਅਮ ਵਿੱਚ &ldquoਦ ਅਲਟੀਮੇਟ ਸੁਨਿਧੀ ਲਾਈਵ&rdquo ਨਾਮਕ ਕੰਸਰਟ ਨਿਯਤ ਹੈ। ਇਸ ਤੋਂ ਪਹਿਲਾਂ ਹੀ ਬਾਲ ਕਮਿਸ਼ਨ ਨੇ ਆਯੋਜਕਾਂ ਨੂੰ ਸਪਸ਼ਟ ਕੀਤਾ ਹੈ ਕਿ &lsquoਬੀੜੀ ਜਲਾਈ ਲੇ&rsquo ਵਰਗੇ ਗੀਤ, ਜੋ ਤੰਬਾਕੂ ਜਾਂ ਨਸ਼ੇ ਨਾਲ ਜੋੜੇ ਜਾਂਦੇ ਹਨ, ਸਟੇਜ &rsquoਤੇ ਪੇਸ਼ ਨਾ ਕੀਤੇ ਜਾਣ।

ਬਾਲ ਕਮਿਸ਼ਨ ਨੇ ਕਿਹਾ ਹੈ ਕਿ ਬੱਚਿਆਂ ਦੀ ਮਾਨਸਿਕਤਾ ਅਤੇ ਸਮਾਜਿਕ ਪ੍ਰਭਾਵ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਹ ਸਾਵਧਾਨੀ ਭਰੀ ਸਲਾਹ ਜਾਰੀ ਕੀਤੀ ਗਈ ਹੈ। ਫਿਲਹਾਲ, ਕੰਸਰਟ ਦੇ ਆਯੋਜਕਾਂ ਵੱਲੋਂ ਇਸ ਐਡਵਾਇਜ਼ਰੀ ਦੀ ਪਾਲਣਾ ਕਰਨ ਦਾ ਭਰੋਸਾ ਦਿੱਤਾ ਗਿਆ ਹੈ।