ਮੱਧ ਪੂਰਬ ਤਣਾਅ ਦਰਮਿਆਨ ਬ੍ਰਿਟੇਨ ਦਾ ਜੰਗੀ ਜਹਾਜ਼ ‘ਪ੍ਰਿੰਸ ਆਫ਼ ਵੇਲਜ਼’ ਤਿਆਰ ਬਰ ਤਿਆਰ

ਜਾਣਕਾਰੀ ਅਨੁਸਾਰ ਸੰਭਾਵਨਾ ਹੈ ਕਿ ਇਸ ਜਹਾਜ਼ ਨੂੰ ਮੱਧਧਰਤੀ ਸਮੁੰਦਰ ਵੱਲ ਭੇਜਿਆ ਜਾ ਸਕਦਾ ਹੈ ਤਾਂ ਜੋ ਮੱਧ ਪੂਰਬ ਵਿੱਚ ਚੱਲ ਰਹੇ ਟਕਰਾਅ ਦੌਰਾਨ ਬ੍ਰਿਟੇਨ ਦੇ ਹਿੱਤਾਂ ਅਤੇ ਉਸਦੇ ਸਾਥੀ ਦੇਸ਼ਾਂ ਦੀ ਸੁਰੱਖਿਆ ਕੀਤੀ ਜਾ ਸਕੇ। ਇਸ ਦੌਰਾਨ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸਮਾਜਿਕ ਮਾਧਿਅਮ &rsquoਤੇ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਸਿਰ ਕੀਰ ਸਟਾਰਮਰ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਬ੍ਰਿਟੇਨ ਨੂੰ ਪਹਿਲਾਂ ਹੀ ਆਪਣੇ ਜੰਗੀ ਜਹਾਜ਼ ਮੱਧ ਪੂਰਬ ਭੇਜਣੇ ਚਾਹੀਦੇ ਸਨ। ਹਾਲਾਂਕਿ ਬ੍ਰਿਟੇਨ ਦੀ ਸਰਕਾਰ ਨੇ ਕਿਹਾ ਹੈ ਕਿ ਉਹ ਇਰਾਨ ਖ਼ਿਲਾਫ਼ ਕਿਸੇ ਹਮਲਾਵਰ ਕਾਰਵਾਈ ਵਿੱਚ ਸ਼ਾਮਲ ਨਹੀਂ ਹੋਈ ਅਤੇ ਨਾ ਹੀ ਇਸ ਸਬੰਧੀ ਕੋਈ ਐਲਾਨ ਕੀਤਾ ਗਿਆ ਹੈ।

ਬ੍ਰਿਟਿਸ਼ ਸਰਕਾਰ ਦੇ ਅਨੁਸਾਰ ਇਸ ਸਾਲ ਦੇ ਸ਼ੁਰੂ ਤੋਂ ਹੀ ਮੱਧ ਪੂਰਬ ਵਿੱਚ ਆਪਣੇ ਫੌਜੀ ਬਲ ਮਜ਼ਬੂਤ ਕੀਤੇ ਜਾ ਰਹੇ ਹਨ ਅਤੇ ਕਤਾਰ ਅਤੇ ਸਾਇਪ੍ਰਸ ਵਿੱਚ ਸਥਿਤ ਬ੍ਰਿਟਿਸ਼ ਅੱਡਿਆਂ ਦੀ ਸੁਰੱਖਿਆ ਲਈ ਲੜਾਕੂ ਜਹਾਜ਼, ਹਵਾਈ ਰੱਖਿਆ ਪ੍ਰਣਾਲੀਆਂ ਅਤੇ ਵਾਧੂ ਫੌਜੀ ਜਵਾਨ ਤਾਇਨਾਤ ਕੀਤੇ ਗਏ ਹਨ। ਪਿਛਲੇ ਕੁਝ ਹਫ਼ਤਿਆਂ ਦੌਰਾਨ ਲਗਭਗ ਚਾਰ ਸੌ ਵਾਧੂ ਬ੍ਰਿਟਿਸ਼ ਫੌਜੀ ਜਵਾਨ ਵੀ ਸਾਇਪ੍ਰਸ ਭੇਜੇ ਗਏ ਹਨ।

ਇਸਦੇ ਨਾਲ ਹੀ ਅਮਰੀਕਾ ਦੇ ਬੰਬਵਰ ਜਹਾਜ਼ ਵੀ ਇੰਗਲੈਂਡ ਦੇ ਗਲੌਸਟਰਸ਼ਾਇਰ ਇਲਾਕੇ ਵਿੱਚ ਸਥਿਤ ਹਵਾਈ ਅੱਡੇ &rsquoਤੇ ਪਹੁੰਚ ਰਹੇ ਹਨ। ਰੱਖਿਆ ਮੰਤਰਾਲੇ ਨੇ ਪੁਸ਼ਟੀ ਕੀਤੀ ਹੈ ਕਿ ਕੁਝ ਰੱਖਿਆ ਕਾਰਵਾਈਆਂ ਲਈ ਅਮਰੀਕਾ ਬ੍ਰਿਟੇਨ ਦੇ ਹਵਾਈ ਅੱਡਿਆਂ ਦੀ ਵਰਤੋਂ ਕਰ ਰਿਹਾ ਹੈ। ਦੂਜੇ ਪਾਸੇ ਲੰਡਨ ਅਤੇ ਹੋਰ ਥਾਵਾਂ &rsquoਤੇ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਯੁੱਧ ਵਿਰੋਧੀ ਪ੍ਰਦਰਸ਼ਨ ਕਰਦਿਆਂ ਮੱਧ ਪੂਰਬ ਵਿੱਚ ਹੋ ਰਹੇ ਹਮਲਿਆਂ ਨੂੰ ਰੋਕਣ ਦੀ ਮੰਗ ਕੀਤੀ ਹੈ।

ਦੱਸਣਯੋਗ ਹੈ ਕਿ ਪ੍ਰਿੰਸ ਆਫ਼ ਵੇਲਜ਼ ਬ੍ਰਿਟਿਸ਼ ਸਮੁੰਦਰੀ ਫੌਜ ਦਾ ਇੱਕ ਸਭ ਤੋਂ ਵੱਡਾ ਅਤੇ ਤਾਕਤਵਰ ਜੰਗੀ ਜਹਾਜ਼ ਹੈ। ਇਸ ਦਾ ਭਾਰ ਲਗਭਗ ਪੈਂਸਠ ਹਜ਼ਾਰ ਟਨ ਹੈ ਅਤੇ ਇਸ ਦੀ ਲੰਬਾਈ ਕਰੀਬ ਨੌਂ ਸੌ ਫੁੱਟ ਤੋਂ ਵੱਧ ਹੈ। ਇਸ &rsquoਤੇ ਦਰਜਨਾਂ ਲੜਾਕੂ ਜਹਾਜ਼, ਹੈਲੀਕਾਪਟਰ ਅਤੇ ਬਿਨਾਂ ਪਾਇਲਟ ਵਾਲੇ ਉਡਣ ਯੰਤਰ ਤਾਇਨਾਤ ਕੀਤੇ ਜਾ ਸਕਦੇ ਹਨ ਅਤੇ ਲਗਭਗ ਸੋਲ੍ਹਾਂ ਸੌ ਫੌਜੀ ਕਰਮਚਾਰੀ ਇਸ &rsquoਤੇ ਸੇਵਾ ਨਿਭਾਉਂਦੇ ਹਨ। ਇਹ ਜਹਾਜ਼ ਇੱਕ ਦਿਨ ਵਿੱਚ ਕਰੀਬ ਪੰਜ ਸੌ ਮੀਲ ਤੱਕ ਸਮੁੰਦਰੀ ਸਫ਼ਰ ਕਰਨ ਦੀ ਸਮਰਥਾ ਰੱਖਦਾ ਹੈ।

ਬ੍ਰਿਟਿਸ਼ ਰੱਖਿਆ ਮੰਤਰਾਲੇ ਦੇ ਬੁਲਾਰੇ ਨੇ ਕਿਹਾ ਕਿ ਇਹ ਜਹਾਜ਼ ਪਹਿਲਾਂ ਤੋਂ ਹੀ ਉੱਚ ਤਿਆਰੀ ਦੀ ਹਾਲਤ ਵਿੱਚ ਸੀ ਪਰ ਹੁਣ ਇਸ ਦੀ ਤਿਆਰੀ ਹੋਰ ਵਧਾ ਦਿੱਤੀ ਗਈ ਹੈ ਤਾਂ ਜੋ ਜ਼ਰੂਰਤ ਪੈਣ &rsquoਤੇ ਇਸ ਨੂੰ ਜਲਦੀ ਤਾਇਨਾਤ ਕੀਤਾ ਜਾ ਸਕੇ। ਬ੍ਰਿਟੇਨ ਦੇ ਫੌਜੀ ਮੁਖੀ ਸਿਰ ਰਿਚਰਡ ਨਾਈਟਨ ਨੇ ਵੀ ਕਿਹਾ ਹੈ ਕਿ ਬ੍ਰਿਟਿਸ਼ ਫੌਜ ਮੱਧ ਪੂਰਬ ਦੀ ਸਥਿਤੀ ਨਾਲ ਨਿਪਟਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।