ਤਾਇਵਾਨ ਟਾਪੂ ਨੇੜੇ ਚੀਨੀ ਫੌਜੀ ਜਹਾਜ਼ਾਂ ਦੀ ਮੌਜੂਦਗੀ ਦਰਜ

ਤਾਇਵਾਨ ਦੇ ਰੱਖਿਆ ਮੰਤਰਾਲੇ ਨੇ ਅੱਜ ਦੱਸਿਆ ਕਿ ਟਾਪੂ ਨੇੜੇ ਚੀਨੀ ਫੌਜੀ ਹਵਾਈ ਜਹਾਜ਼ਾਂ ਦੀ ਗਿਣਤੀ ਵਿੱਚ ਭਾਰੀ ਵਾਧਾ ਦੇਖਿਆ ਗਿਆ ਹੈ। ਪਿਛਲੇ ਦੋ ਹਫ਼ਤਿਆਂ ਦੌਰਾਨ ਇਨ੍ਹਾਂ ਦੀਆਂ ਉਡਾਣਾਂ ਵਿੱਚ ਆਈ ਕਮੀ ਨੇ ਮਾਹਿਰਾਂ ਵਿਚਕਾਰ ਚਰਚਾ ਛੇੜ ਦਿੱਤੀ ਸੀ। ਮੰਤਰਾਲੇ ਨੇ ਟਾਪੂ ਦੇ ਆਲੇ-ਦੁਆਲੇ 26 ਚੀਨੀ ਫੌਜੀ ਜਹਾਜ਼ਾਂ ਦਾ ਪਤਾ ਲਾਇਆ, ਜਿਨ੍ਹਾਂ ਵਿੱਚੋਂ 16 ਨੇ ਇਸ ਦੇ ਕੇਂਦਰੀ ਤੇ ਦੱਖਣ-ਪੱਛਮੀ ਹਵਾਈ ਰੱਖਿਆ ਪਛਾਣ ਖੇਤਰ (ਏ ਡੀ ਆਈ ਜ਼ੈੱਡ) &rsquoਚ ਪ੍ਰਵੇਸ਼ ਕੀਤਾ। ਰਿਪੋਰਟ ਮੁਤਾਬਕ ਟਾਪੂ ਦੇ ਆਲੇ-ਦੁਆਲੇ ਜਲ ਸੈਨਾ ਦੇ ਸੱਤ ਜਹਾਜ਼ ਵੀ ਦੇਖੇ ਗਏ ਸਨ। ਜਹਾਜ਼ਾਂ ਦੀ ਵਧੀ ਹੋਈ ਗਿਣਤੀ ਉਸ ਸਮੇਂ ਸਾਹਮਣੇ ਆਈ ਹੈ ਜਦੋਂ ਮੰਤਰਾਲੇ ਨੇ ਪਹਿਲਾਂ ਗਿਣਤੀ ਵਿੱਚ ਕਮੀ ਦੀ ਰਿਪੋਰਟ ਦਿੱਤੀ ਸੀ, ਜਿਸ ਨੇ ਵਿਸ਼ਲੇਸ਼ਕਾਂ ਨੂੰ ਹੈਰਾਨ ਕਰ ਦਿੱਤਾ ਸੀ ਕਿ ਚੀਨ ਦੀ ਫੌਜ ਕੀ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੋ ਸਕਦੀ ਹੈ। ਤਾਇਵਾਨ ਨੇ 27 ਫਰਵਰੀ ਤੋਂ 5 ਮਾਰਚ ਤੱਕ ਇੱਕ ਹਫ਼ਤੇ ਲਈ ਕਿਸੇ ਵੀ ਚੀਨੀ ਫੌਜੀ ਜਹਾਜ਼ ਦੇ ਮੱਧ ਰੇਖਾ ਨੂੰ ਪਾਰ ਕਰਨ ਜਾਂ ਖੇਤਰ ਵਿੱਚ ਦਾਖਲ ਹੋਣ ਦੀ ਰਿਪੋਰਟ ਨਹੀਂ ਦਿੱਤੀ ਸੀ।