ਦਿਲਜੀਤ ਦੋਸਾਂਝ ਦੇ ਦਿਲ ਲੁਮਿਨਾਤੀ ਇੰਡੀਆ ਟੂਰ ਨੇ ਕੀਤੀ ਰਿਕਾਰਡ ਕਮਾਈ, ਕਮਾਏ 943 ਕਰੋੜ

ਚੰਡੀਗੜ੍ਹ: ਪੰਜਾਬੀ ਸੁਪਰਸਟਾਰ ਅਤੇ ਗਾਇਕ ਦਿਲਜੀਤ ਦੋਸਾਂਝ ਦੇ ਦਿਲ ਲੁਮਿਨਾਤੀ ਇੰਡੀਆ ਟੂਰ 2024 ਨੇ ਪੰਜਾਬੀ ਸੰਗੀਤ ਦੇ ਇਤਿਹਾਸ ਵਿੱਚ ਆਮਦਨ ਦਾ ਇੱਕ ਰਿਕਾਰਡ ਤੋੜ ਦਿੱਤਾ ਹੈ। ਮਾਰਚ 2026 ਵਿੱਚ ਜਾਰੀ ਕੀਤੀ ਗਈ ਸਮਾਜਿਕ-ਆਰਥਿਕ ਪ੍ਰਭਾਵ ਰਿਪੋਰਟ ਅਨੁਸਾਰ, ਦਿਲ ਲੁਮਿਨਾਤੀ ਟੂਰ ਨੇ 943 ਕਰੋੜ (ਲਗਭਗ 1.4 ਬਿਲੀਅਨ ਡਾਲਰ) ਕਮਾਏ। ਇਸ ਟੂਰ ਨੇ 114 ਕਰੋੜ (ਲਗਭਗ 1.2 ਮਿਲੀਅਨ ਡਾਲਰ) ਟੈਕਸ ਕਮਾਏ ਅਤੇ 1.2 ਲੱਖ ਲੋਕਾਂ ਨੂੰ ਰੁਜ਼ਗਾਰ ਦਿੱਤਾ।
ਦਿਲਜੀਤ ਦੋਸਾਂਝ ਦੇ ਦਿਲ ਲੁਮਿਨਾਤੀ ਇੰਡੀਆ ਟੂਰ 2024 ਨੇ ਦੇਸ਼ ਦੀ ਆਰਥਿਕਤਾ ਨੂੰ ਵੀ ਹੁਲਾਰਾ ਦਿੱਤਾ। ਅਰਨਸਟ ਐਂਡ ਯੰਗ ਦੀ ਨਵੀਨਤਮ ਸਮਾਜਿਕ-ਆਰਥਿਕ ਰਿਪੋਰਟ ਦੇ ਅਨੁਸਾਰ, 13 ਸ਼ਹਿਰਾਂ ਵਿੱਚ 14 ਸ਼ੋਅ ਵਾਲੇ ਇਸ ਟੂਰ ਨੇ ਟੈਕਸਾਂ ਵਿੱਚ 943 ਕਰੋੜ (ਲਗਭਗ 1.14 ਬਿਲੀਅਨ ਡਾਲਰ) ਦੀ ਕੁੱਲ ਆਮਦਨ ਪੈਦਾ ਕੀਤੀ। ਇਹ ਅੰਕੜਾ ਭਾਰਤੀ ਕਲਾਕਾਰਾਂ ਦੁਆਰਾ ਲਾਈਵ ਟੂਰ ਲਈ ਇੱਕ ਨਵਾਂ ਮਾਪਦੰਡ ਹੈ।
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ 3.2 ਲੱਖ ਤੋਂ ਵੱਧ ਦਰਸ਼ਕਾਂ ਨੇ ਟੂਰ ਵਿੱਚ ਸ਼ਿਰਕਤ ਕੀਤੀ। ਦਿੱਲੀ ਸ਼ੋਅ ਦੇਸ਼ ਦਾ ਸਭ ਤੋਂ ਵੱਡਾ ਸ਼ੋਅ ਬਣ ਗਿਆ, ਜਿਸ ਵਿੱਚ 55,000 ਲੋਕਾਂ ਦੀ ਰਿਕਾਰਡ ਹਾਜ਼ਰੀ ਸੀ। ਰਿਪੋਰਟ ਦੇ ਅਨੁਸਾਰ, ਟਿਕਟਾਂ ਦੀ ਵਿਕਰੀ ਅਤੇ ਸਪਾਂਸਰਸ਼ਿਪ ਨੇ 276 ਕਰੋੜ ਦਾ ਸਿੱਧਾ ਮਾਲੀਆ ਪੈਦਾ ਕੀਤਾ, ਜਦੋਂ ਕਿ ਹੋਟਲਾਂ, ਯਾਤਰਾ, ਭੋਜਨ, ਖਰੀਦਦਾਰੀ ਅਤੇ ਸਥਾਨਕ ਸੇਵਾਵਾਂ &lsquoਤੇ ਪ੍ਰਸ਼ੰਸਕਾਂ ਦੇ ਖਰਚੇ ਨੇ 553 ਕਰੋੜ ਕਮਾਏ। ਟੈਕਸਾਂ ਵਿੱਚ ਵਿੱਚ 111 ਕਰੋੜ ਅਤੇ ਬਾਕੀ ਸਥਾਨਕ ਇਜਾਜ਼ਤ ਫੀਸ ਸ਼ਾਮਲ ਹਨ।
ਸਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਇਸ ਟੂਰ ਨੇ 1.18 ਲੱਖ ਮਨੁੱਖੀ-ਦਿਨਾਂ ਦਾ ਰੁਜ਼ਗਾਰ ਪੈਦਾ ਕੀਤਾ। ਹਜ਼ਾਰਾਂ ਲੋਕਾਂ, ਜਿਨ੍ਹਾਂ ਵਿੱਚ ਲੌਜਿਸਟਿਕਸ, ਸੁਰੱਖਿਆ, ਸਟੇਜ ਪ੍ਰੋਡਕਸ਼ਨ, ਟੈਕਨੀਸ਼ੀਅਨ ਅਤੇ ਸਥਾਨਕ ਵਿਕਰੇਤਾ ਸ਼ਾਮਿਲ ਸਨ, ਨੂੰ ਸਿੱਧਾ ਰੁਜ਼ਗਾਰ ਮਿਲਿਆ।
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ 49% ਦਰਸ਼ਕ ਟੀਅਰ-2 ਅਤੇ ਟੀਅਰ-3 ਸ਼ਹਿਰਾਂ ਤੋਂ ਆਏ ਸਨ, ਜਦੋਂ ਕਿ 38% ਪ੍ਰਸ਼ੰਸਕ ਸ਼ੋਅ ਵਿੱਚ ਸ਼ਾਮਲ ਹੋਣ ਲਈ ਦੂਜੇ ਸ਼ਹਿਰਾਂ ਤੋਂ ਆਏ ਸਨ, ਕਈਆਂ ਨੇ ਆਪਣੀਆਂ ਯਾਤਰਾਵਾਂ 2-5 ਦਿਨ ਵਧਾ ਦਿੱਤੀਆਂ, ਜਿਸ ਨਾਲ ਸੈਰ-ਸਪਾਟਾ ਅਤੇ ਪ੍ਰਾਹੁਣਚਾਰੀ ਖੇਤਰਾਂ ਨੂੰ ਵੱਡਾ ਹੁਲਾਰਾ ਮਿਲਿਆ।