ਸਰਕਾਰ ਨੇ 40 ਪੈਟਰੋ ਕੈਮੀਕਲ ਅਤੇ ਪਲਾਸਟਿਕ ਉਤਪਾਦਾਂ 'ਤੇ ਦਰਾਮਦ ਡਿਊਟੀ ਜ਼ੀਰੋ ਕੀਤੀ

ਕੇਂਦਰ ਸਰਕਾਰ ਨੇ ਮੰਗਲਵਾਰ ਨੂੰ ਪੈਟਰੋ ਕੈਮੀਕਲਜ਼, ਪਲਾਸਟਿਕ ਅਤੇ ਉਦਯੋਗਿਕ ਕੱਚੇ ਮਾਲ ਦੀਆਂ 40 ਸ਼੍ਰੇਣੀਆਂ 'ਤੇ ਕਸਟਮ ਡਿਊਟੀ ਵਿੱਚ ਭਾਰੀ ਛੋਟ ਦੇਣ ਬਾਰੇ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਇਸ ਨਾਲ ਤਿੰਨ ਮਹੀਨਿਆਂ ਦੀ ਮਿਆਦ ਲਈ ਸਾਰੀਆਂ ਸੂਚੀਬੱਧ ਵਸਤੂਆਂ &rsquoਤੇ ਪ੍ਰਭਾਵੀ ਦਰਾਮਦ ਡਿਊਟੀ ਜ਼ੀਰੋ ਹੋ ਗਈ ਹੈ।

ਵਿੱਤ ਮੰਤਰਾਲੇ (ਮਾਲ ਵਿਭਾਗ) ਵੱਲੋਂ ਜਾਰੀ ਕੀਤੇ ਗਏ ਇਸ ਨੋਟੀਫਿਕੇਸ਼ਨ ਵਿੱਚ ਕਸਟਮ ਐਕਟ, 1962 ਦੀ ਧਾਰਾ 25(1) ਤਹਿਤ ਸ਼ਕਤੀਆਂ ਦੀ ਵਰਤੋਂ ਕੀਤੀ ਗਈ ਹੈ, ਜਿਸ ਵਿੱਚ ਜਨਤਕ ਹਿੱਤ ਨੂੰ ਇਸ ਰਾਹਤ ਦਾ ਆਧਾਰ ਦੱਸਿਆ ਗਿਆ ਹੈ। ਇਹ ਛੋਟ ਅੱਜ ਤੋਂ ਲਾਗੂ ਹੋ ਗਈ ਹੈ ਅਤੇ 30 ਜੂਨ 2026 ਤੱਕ ਪ੍ਰਭਾਵੀ ਰਹੇਗੀ।