ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨਾਂ ਇੱਕ ਹੋਰ ਆਲਮੀ ਰਿਕਾਰਡ, ਸਵੀਡਨ ਦੇ ਸਰਵਉੱਚ ਸਨਮਾਨ 'ਰਾਇਲ ਆਰਡਰ ਆਫ਼ ਪੋਲਰ ਸਟਾਰ' ਨਾਲ ਨਿਵਾਜੇ ਗਏ

ਗੋਥਨਬਰਗ (ਸਵੀਡਨ), : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਐਤਵਾਰ ਨੂੰ ਸਵੀਡਨ ਦੇ ਵੱਕਾਰੀ ਸਨਮਾਨ 'ਰੋਇਲ ਆਰਡਰ ਆਫ ਪੋਲਰ ਸਟਾਰ' ਨਾਲ ਸਨਮਾਨਿਤ ਕੀਤਾ ਗਿਆ ਹੈ ਅਤੇ ਇਹ ਦੇਸ਼ ਵੱਲੋਂ ਕਿਸੇ ਰਾਸ਼ਟਰਾਧਿਅਕਸ਼ ਨੂੰ ਦਿੱਤਾ ਜਾਣ ਵਾਲਾ ਸਰਵਉੱਚ ਸਨਮਾਨ ਹੈ। ਇਹ ਪ੍ਰਧਾਨ ਮੰਤਰੀ ਮੋਦੀ ਦਾ ਇਕੱਤੀਵਾਂ ਅੰਤਰਰਾਸ਼ਟਰੀ ਸਨਮਾਨ ਹੈ ਜਿਸ ਦੀ ਅਧਿਕਾਰਤ ਵੈੱਬਸਾਈਟ ਅਨੁਸਾਰ ਇਸ ਸਨਮਾਨ ਦੀ ਸਥਾਪਨਾ ਸਤਾਰਾਂ ਸੌ ਅੜਤਾਲੀ ਵਿੱਚ ਕੀਤੀ ਗਈ ਸੀ ਅਤੇ ਇਸਦਾ ਉਦੇਸ਼ ਸਵੀਡਨ ਦੇ ਹਿੱਤਾਂ ਲਈ ਨਿੱਜੀ ਯਤਨਾਂ ਖ਼ਾਸ ਕਰਕੇ ਜਨਤਕ ਗਤੀਵਿਧੀਆਂ ਦੇ ਖੇਤਰ ਵਿੱਚ ਅਤੇ ਨਾਲ ਹੀ ਜਨਤਕ ਕੰਮਾਂ ਅਤੇ ਜ਼ਿੰਮੇਵਾਰੀਆਂ ਦੇ ਸਫਲ ਸੰਪਾਦਨ ਨੂੰ ਮਾਨਤਾ ਦੇਣਾ ਹੈ। ਪ੍ਰਧਾਨ ਮੰਤਰੀ ਮੋਦੀ ਐਤਵਾਰ ਨੂੰ ਦੋ ਰੋਜ਼ਾ ਯਾਤਰਾ 'ਤੇ ਸਵੀਡਨ ਪਹੁੰਚੇ ਹਨ ਜਿੱਥੇ ਗੋਥਨਬਰਗ ਹਵਾਈ ਅੱਡੇ 'ਤੇ ਉਨ੍ਹਾਂ ਦੇ ਸਵੀਡਿਸ਼ ਹਮਰੁਤਬਾ ਉਲਫ ਕ੍ਰਿਸਟਰਸਨ ਵੱਲੋਂ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ।