ਪਰਵਾਸੀਆਂ ਕਾਰਨ ਆਸਟਰੇਲੀਆ ਦੀ ਆਬਾਦੀ ਵਧੀ

ਆਸਟਰੇਲਿਆਈ ਅੰਕੜਾ ਬਿਊਰੋ ਵੱਲੋਂ ਜਾਰੀ ਤਾਜ਼ਾ ਅੰਕੜਿਆਂ ਨੇ ਦੇਸ਼ ਦੀ ਵਧਦੀ ਆਬਾਦੀ ਨੂੰ ਲੈ ਕੇ ਨਵੀਂ ਚਰਚਾ ਛੇੜ ਦਿੱਤੀ ਹੈ। ਦਸੰਬਰ 2025 ਤੱਕ ਆਸਟਰੇਲੀਆ ਦੀ ਆਬਾਦੀ ਲਗਪਗ 2 ਕਰੋੜ 78 ਲੱਖ ਤੱਕ ਪਹੁੰਚ ਗਈ ਸੀ। ਸਿਰਫ਼ ਇੱਕ ਸਾਲ ਦੌਰਾਨ ਕਰੀਬ 4 ਲੱਖ 12 ਹਜ਼ਾਰ ਲੋਕ ਆਬਾਦੀ ਵਿੱਚ ਵਾਧੇ ਵਜੋਂ ਸ਼ਾਮਲ ਹੋਏ।

ਹੈਰਾਨੀਜਨਕ ਹੈ ਕਿ ਇਸ ਵਾਧੇ ਵਿੱਚੋਂ ਕਰੀਬ 3 ਲੱਖ 1 ਹਜ਼ਾਰ ਲੋਕ ਵਿਦੇਸ਼ਾਂ ਤੋਂ ਆਏ ਪਰਵਾਸੀਆਂ ਕਾਰਨ ਸ਼ਾਮਲ ਹੋਏ, ਜਦਕਿ ਜਨਮਾਂ ਅਤੇ ਮੌਤਾਂ ਦੇ ਫ਼ਰਕ ਨਾਲ ਵਾਧਾ ਕੇਵਲ 1 ਲੱਖ 11 ਹਜ਼ਾਰ ਰਿਹਾ। ਦੂਜੇ ਸ਼ਬਦਾਂ ਵਿੱਚ ਹਰ 10 ਨਵੇਂ ਵਸਨੀਕਾਂ ਵਿੱਚੋਂ ਲਗਪਗ 7 ਵਿਦੇਸ਼ਾਂ ਤੋਂ ਆਏ।